Fulaa 1:11 - BII BILA

¹¹ O kon mí Esiptea handu Israɛlla mɛlɛsoŋnda coo le nda tundɔɔ o baala lepɔtɔllo nin. O baala kon tosaa, má tangul kobilan tan tiɔn: Pitɔm a Ramsɛs, leFaraɔnnɔɔ vaa baloo mandaa lenin.

Fulaa 1:11 Referans Kwoze

O Kandɔɔ 15:13

Mí Mɛlɛka dimul ndu aa: «Sina pɛngu maa cuavaa nɔmaa imamaa kɔ calnin fɛɛn o sumialle o lɛŋnde pilalen nin. A siinguunin nda cɛa lon ma bɛpɛla nda o vɔsilan kɛmɛ lehiɔɔlu bɛngu.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Fulaa 2:11

Mɛɛ Moise sul kaasonɔɔ, mó kɔa paale pum o puapilɛa ndɔa lo, mó ca baala lepɔtɔl nda va tosaa-o. Mó ca langbanɔ Esiptenɔɔ pum Hebreenɔɔ pum lɔɔ.

O Kandɔɔ 47:11

Mí Yosɛf yaa fuɲa ndɔ a puapilɛa ndɔa o fonda hiow naŋɔɔ o lɛŋnde Esipte len nin-ndo. Mó yɔngu nda lɛŋnden o tàndàá Ramsɛs nin mɛɛ Faraɔnnɔɔ ndóò dimi yɛ.

Condii lisai 81:6

sila o baŋ yungu Yosɛf-o le biyɔɔ tuma o ciŋilan lɛŋnde Esipte len-ndo pɛɛn. Mí tuɛi diom ya sina loo ya dimullo aa:

Tɔŋ miingua 26:6

Kɛ mí Esiptea luei naa mɔnɛi, má saangiaa naa taw, má tundu naa valta kálà-kálàlan tosaa.

Kundalan 20:15

Fuɲaa naa mamaa kɔɛ sindɛ o lɛŋnde Esipte len nin ni, mí naa cuavaa ndaa n cii vɔsila bɔɔ-bɔɔ lon. Kɛ mɛɛ Esiptea luei nda mɔnɛi tei, má mulin vɛlɛ má tuisi naa pila sangaa coo taw.

Talelan 27:4

Kɔltuwvo vɔw taw, yolɛi bɛɛ maa mɛmma hunaa i co ni. Kɛ nɛ̀ɛ́ nɔlà ba paŋalaa simullo?

Condii lisai 105:13

A cɛn pɛ o lɛŋnden lepum nin, a kɔɛ o fondaa pum, a cɛn pɛ vɛlɛ o masalen lepum nin, a kɔ cal vɛlɛ baa pilɔɔ.

Condii lisai 68:13

Masaa vanaa cɔwva co ɲaanɔnndo, ɲaanɔnndo pila dɛ! Vanlanduaa lo cɛilan nin-nda co bolofaa cɔwvo piɔvanndo.

2Dɛnnda lemasalan 8:4

Mó tangul kobio Tadmɔr o lɛŋnde veselɛilen nin, a kobila va le ɲɛm dian mandaa o tàndá Hamat-o nin-ndan.

1Masaa 9:19

Mó mingi vɛlɛ kobila celen tangul, la ndóò manda ɲɔɔn nin-ndan kpow, lapum le ɲɛla ɲaanannda soa nan-ndan mandaa, lapum yɛ le soa mandaa. Mó tangul ɲɛ-ɲɛ ndóò yeema le tangullo Yerusalɛm, Liban a o lɛŋnde va ndu o ba bɛngu len kpede nin.

Fulaa 5:15

Mí vanaa va kan bolle kundala vanaa baalaa coo-a kɔ cɛɛŋun o Faraɔnnɔɔ lo, má dimul ndu aa: «Le yɛɛ n co yɛ naa vanaa baalaa nɔmnda bɛpɛlaa ho nuaa?

Fulaa 1:14

Má bɛpɛla nda bɛpɛlaa pila a valta kálà-kálàlan tosaa: puuloo lindaa, kpilikion lɔu a valta yondolan. Mbɔ̀ a bɛpɛla bɔɔ cuavaa Israɛlla o baalala lepɔtɔlta súú-súù ka nin.

Fulaa 5:10

Mɛɛ mɛlɛsoŋnda a Israɛlaa va kundala vanaa baalaa bollen-nda fula o Faraɔnnɔɔ lo, má kɔ dimul Israɛlla aa: «Masaa handu tɔŋndo maa vana kɔa lɛ mò kɔ kondul niaa foeende le kpilikion lɔu le.

2Dɛnnda lemasalan 16:4

Mí Bɛn-Hadad cɛl diom masaa Asa dimul ndu-o. Mó viam simlacia vanaa ndɔa cɔwva, má kɔ del kobila va o lɛŋnde Israɛl-ten nin-ndan coo a cɔwvo. Má nɔla Iyon, Dan, Abɛl-Mayim, kobila ndáà kɛsi baloo a ɲɛm cɔwvon nin o tàndá Nɛftali-o nin-ndan.

Condii lisai 129:1

Condii vannda keì solio nɛi-tɛɛn o kɔlan-nde. Kabi o felengiyɛi nii nin, vannda co ya dɛnnda vɔɔnndan tosallo taw. Israɛlla la mingi sondo aa:

Fulaa 5:8

A bɛnda vɛlɛ mà va kpilikion lɔu maa paandu, la faŋal nda ɲɛ-ɲɛ lecoo le. Kani vanaa siɛlɛiya pila nda co ni, lelan nda co koŋullo ni, mà va dimio aa: ‹N co lakɔ Hala naa sálàlan solul.›

Condii lisai 129:2

«Kabi o felengiyɛi nii nin, a co ya dɛnnda vɔɔnndan tosallo taw,» kɛɛ a co ya tiwba le.