Fulaa 1:10 - BII BILA

¹⁰ Lelan, n nuwvian taasio a dɛnɛ ndaa o kɔɔ, yɔŋii nda lo kui bɛndoo ho. Kani vannda bɛɛ hinul naa a cɔwvo ni, à nɔla mà del yaamɔaa naa kan kɔɔli le naa cɔlɔbaa, o kon à faŋan o lɛŋnde naalen nin.»

Fulaa 1:10 Referans Kwoze

Dɛnnda kiilaa 7:19

Mí masa kon pala fuɲaa naa mamaa, mó saangiaa nda saangiaa pila, mó baŋ nda le cɛlɛkpɛa ndaa viovɔɔ, haliko ma vi.

Talelan 1:11

Taa dimul nɔm pɛ aa: ‹Hun n kɔnnun, mì n kɔ miingun yaŋɔɔlan mì n diinun vanndacieea. N hendulun vana tɛɛmbuu isɔɔ loo yaŋɔɔlan o fondo fúúo coo,

Condii lisai 105:25

Mí Mɛlɛka mangala Esiptea yiyanndan, má nɛinun nda, má muungu nda dúmbúlan yiiyo.

Condii lisai 10:2

Vanaa kɔlvesɛiya co vanaa ikɔɔa delɔɔ coo a yongaa, à co nda biyɔɔ a yaŋɔɔla nda miinguu lan.

Dɛnnda kiilaa 23:12

Diimandɔɔ idiiyo, mí Yuifia pum yii dúmbóó, má mɛnan Hala o hɔl maa a dinin te, a kolnin vɛlɛ ɲɛ-ɲɛ le te a dii Pol te.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Talelan 16:25

Vanndo ce maa kela ndɔɔ sandu, kɛ nduyɛ o mɛɛlulan, mì kela ndɔ kon yɛɛ ndu ciee-piɔ́m.

SƐBƐ YƆB-O 5:13

Ndu bii vanaa kɔlkalua o yaŋɔɔle kɔlkalu ndaa ni, mì silala ndala tuundɛilan la siŋnun fúú.

Kundalan 22:6

Lelan, a yandi, hun cɔ́-cɔ́ má hun dow ya vanaa kan danga. Kani a hiow ya kpaayaa. Bɔɔle mì nɔla nda, mì tow nda mà faŋan o lɛŋnde nilen nin, kani i sina maa vana-vana n dɔw pɛ duaa, ndu dɔwnun duaa, vana-vana n dɔw pɛ danga, ndu dɔwnun danga.»

1Samiɛl 29:4

Mí simlacia Filistia tuulu kɔllo a Akis, má dimul ndu aa: «Tow langbanɔɔ ho mò muungu o kobi n ke ndu le calle nin-ndo nin. N bɛnda mì n kɔɛ naa ndaa o cɔwvo le, yɔŋii o kɔ mulin naa cɔlɔba. Kani vɛ̀ɛ̀ vana ndɔ bɛndoo kɔ hini yɛnin kɔl a ndu, te o vɔngul vanaa naa cɔwva ndu o ba le?