Filipea 4:8 - BII BILA

⁸ Le sɔɔn tɔ̀un yɛ puapilɛa nia, la va kɔllo keelaa o dɛnndan ndan coo: dɛnnda toɲa lan kpow, dɛnnda lebɛɛlan kpow, dɛnnda sandaalan kpow, dɛnnda diandaa lan kpow, dɛnnda vannda hini kɔltan-ndan kpow a dɛnnda vanà sɔlà lisaa lan kpow.

Filipea 4:8 Referans Kwoze

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Tite 2:7

Nɔm pila cɔm tɔɔmaseloo o dɛnnda kɛndɛlan tosaa nin, mì pɛɛku nɔmndo dendu, mò va pɛɛku kpeekpeiyo.

2Korɛntea 8:21

Kani n yeema mì n tosa dɛnɛ sandaa Mɛlɛka o hɔl daama le, kɛ vanndacieea kpow bɛɛ o hɔl.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

Hebreea 13:18

La piɛi Hala le naa. N laalan maa n dendu kɔltan, nduyɛ yeemɛi co naa mì n kela kela kɛndɔɔ o dɛnndan kpow nin.

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

Efɛsea 5:9

kani tɔnɔ ɲɛ-tengaa co dɛnɛ kɛndɛ súú-súù ka ni, dɛnɛ sandaa a toɲaa.

Tite 1:8

Kɛ mò va vana caa mialla biyɔɔ-o, vana yeema dɛnɛ kɛndɔɔ tosaa-o. Mɛɛ mò va vɛlɛ vana kɔlkaloo, vana sandaa, vana dendu Hala o hɔl-lo a vana tiwba kɔl ndɔɔ biyɔɔ-o.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Tite 3:14

Mɛɛ mì vanaa naa bɛɛ a pɛɛku, mà yɔngun le dɛnnda kɛndɛlan tosaa, mà malà vanaa co o balahavɛilan nin-nda, yɔŋii nda kɛɛ mako nɛŋi.

Rɔmnda 13:13

N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

Talelan 20:7

Vana sandaa co kelaa o sandei nin, dɛnɛ kɛndɔɔ vanin le cuavaa ndɔa o mɛinin-nda.

Nsaki 1:27

Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.

1Nsaŋ 3:18

Cuavaa nia, n cɔmnùn kaola naa a lasondo a á lediɛɛmu daama le, kɛ n cɔmnùn ndu o dɛnndan a o toɲaa nin.

Tite 2:2

Pɛɛku bɛndua yuuvɛiya mà va vanaa tosa dɛnndan tùúlen-nda, vanaa lebɛɛa, vanaa bii kɔltan o dɛnndan nin-nda a vanaa nɔ laalan kpeekpeiyo o kaolaa a o biuvɔnndo nin-nda.

2Korɛntea 13:7

Sunsun, n co Hala piɛi yɔŋii niaa tosa dɛnɛ vɔɔndo. O co yeemɛi naa le i co ken te, le cɔmndo maa n tiw dɛnɛ ba le, kɛ yeemɛi nɛi i co ni mì n ce niaa dɛnɛ kɛndɔɔ tosaa, vana cɔ bɛɛ maa n bumba.

Kolɔsea 4:5

La kela a taasi a vanaa co vanaa laalan te-a. La mal telen oo telen hiovɔɔ le.

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

2Samiɛl 23:3

Hala Israɛlla soo, pow kpova Israɛlla dimul-la aa: ‹Masa co masalen tosaa vanndacieea coo a sandei-yo, masa co masalen tosaa nda coo a siòòŋii Hala-e-o,

Rɔmnda 13:3

Vana tosa pɛ dɛnɛ kɛndɔɔ, siòòŋii ve nɔm a simlacia lelɛŋnda le, fɔ mà tosa dɛnɛ vɔɔndo. Vɛ̀ɛ̀ a yeema ma nɔ isiòòn a simlacia lelɛŋnda le? Mɛɛ tosa dɛnɛ kɛndɔɔ, o kon mà candu nɔm,

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Filipea 3:1

Le sɔɔn tɔ̀un yɛ, puapilɛa nia, la dɔwnun ɲaale o Maalii nin. Ɲɛ pala ya le niaa sɔɔn pilɔn miinguuo sɛvallo le, kani kon co fisa le niaa ni.

Rɔmnda 2:29

Kɛ Yuifinɔ kpeekpeiyo, ndu co vana co dɛnndan tosaa a kɔl ndɔɔ-o ni. Tooma kɔllo co tooma kpeekpeiyo ni, o fula Kɔl Hala-o o ba-o, o co ɲɛ co o sɛvaa-o le. O co n'vanndaciee o ba le candɔɔla vana kon la fula le, kɛ Hala o ba.

Esai 26:7

Nɛi vana sandaa, o sandaa sakpo o co ni. Nɔm vana sandaa n co ni, nɔm peelu nɛi vana sandaa ni.

Talelan 31:31

O bɛnda mò sɔla vɔ̀ngɔ̀lan le yɔŋ ndɔɔ, mì kobio kpow candu ndu le baala ndɔ kɛndɔɔ nɛɛ nda dimi sɔɔn-nda.»

1Timote 2:2

La piɛi Hala le masaa a le vanaa masalen le co o ba-a kpow, haliko mi n va nila ɲulu, mì n va vɛlɛ o kɔlɲuloo nin, mì n ke Hala bɛɛlen, mì n yiinun a ndu ɲɛkɛndɛi.

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

Tɔŋ miingua 16:20

Dɛnɛ sandaa kínɛí niaa bɛnda le nuwviaa ni, haliko mi la va yoomu, mi lɛŋnde Mɛlɛka Hala niaa co niaa yɔngu len le lo niaa o ba.»

Efɛsea 6:14

Lelan, la va a bɛɛndiannda: la yiinun toɲaa o can maa leyaw, mì la vownun dɛnɛ sandaa maa doma cɔw.

1Tesalonikea 4:12

O kon, vanaa co vanaa laalan te-a kenin niaa bɛɛlen, la venin o ba vana bɛngu le.

Efɛsea 4:25

Lelan, la mal còòlan. Vana-vana dimul caan ndɔ toɲaa. Kani naa kpow, falun pilɔn naa n co vellaa-velle o dialun pilɔn nin ni.

2Korɛntea 6:8

Vannda co naa bɛɛlen keo, mà va naa bɛ̀ɛ̀lan tɛɛmbuuo. A co sɔɔn vɔɔnndon dimio a naa o kɔɔ, mà va sɔɔn naan kɛndɔn dimio. A co naa cɔw vanaa lacòòvaa, nduyɛ toɲaa naa n co nda dimullo ni.

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

Nsaŋ 7:18

Vana co sɔɔn ndu pila-on dimio-o, biilu ndɔ ndu pila-o o nuwviaa ni, kɛ vana co biilu vana vem ndu-o nuwvia-o, vana toɲaa co kon ni, kafala co ndu nin te.

Luke 2:25

Nduyɛ fallo pum va Yerusalɛm, diolan Simeɔn, vana sandaa a vana óò lo o lediom coo a Hala-o o va ni, o va vana óò ciindiaanin Israɛlla-o cumndo. Hala Kɔl-Diandaa va ndu coo.

Marke 6:20

kani Herɔde va Nsaŋ vou, bau o va sinaa maa vana sandaa a vana diandaa Nsaŋ va ni, o va ndu vɛlɛ kandaa. Telen oo telen ndóò yaŋ pɛ Nsaŋ nilan, kɔllo ndóò laasian ndu. Kɛ nduyɛ, ɲɔɔ pila ndóò hɛnan ndu le ndu yaŋnɔnndo ni.

Talelan 11:1

Ɲɛla tuvaala n'ɲɛla nda yɛlɛmiaa lan la nɛinun bɔɔ Mɛlɛka, kɛ o nàŋ kɔl a ɲɛla tuvaala nda sakpolan.

Ruti 3:11

Lelan, cuanndo, buulan ndɛ le. Ɲɛ-ɲɛ n yeema pɛ, i tosalnin nɔm ndu, kani cieo ho kpow sina nin maa vanalanɔ sɔvɛɔ n co ni.

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Dɛnnda kiilaa 22:12

Langbanɔɔ pum va lon diolan Ananias, vana óò vo Hala-o a vana va tɔŋndan ndɔlan biyɔɔ-o o yɔŋnun ni, vanaa va Damas-a kpow a va seile ndɔle kɛndɛlen tɛndaa.

Condii kɛndɛ-kɛndɛi 5:16

Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

1Timote 5:2

mà ce vanlaandua kaasonnda maa kala nɔm, mà ce vanlaandua felengia maa yeemaa nɔmnda, mà dendu nda o hɔl o nɛilan kpow coo.

Luke 23:50

Langbanɔ pilɛ va o kunda vanaa kialaa n'yamaa lelɛŋnda tɛɛn, diolan Yosɛf, vana sandaa a vana ndóò naŋ súú-o o va ni.

Talelan 31:29

‹Vanlaandua bɔɔ-bɔɔ a fula diallon. Kɛ nɔm, a hiow nda kpede.›

Talelan 16:11

Le Mɛlɛka ɲɛla tuvaala n'ɲɛla sandaalan la co ni, ndu toosiaa ɲɛla vana tuu ɲɔɔn-ndan ni.

Talelan 12:4

Vanalanɔ sɔvɛɔ co maa mɔsil lemasa le pɔnɔ ndɔ. Kɛ vanalanɔ tuisi vana siɛmbulan-ndo ndu, maa nàá siɔŋi vana paalan-ndo o co ni.

1Timote 3:4

O bɛnda mò va vana caa yungule ndɔlen biyɔɔ-o, vana cuavaa ndɔa tuei diom mà bii sɔɛi ndɔɛi-yo.

Dɛnnda kiilaa 6:3

Lelan, puapilɛa naa, la hɛli vanpiaandua nda ŋɔmmɛw niaa tɛɛn, a nɔ diola kɛndɛlan, mà pia a Hala Kɔl-Diandaa-a, a nɔ kɔlkaloo-a, mì n yɔngun nda baala kon.

Matie 22:16

Má vim ndu kaandeŋaa ndaa a vanaa va Herɔde kɔɔli-a a pum. Má kɔ dimul ndu aa: «Kɔɔfa, n sina maa vana toɲaa n co ni, a co vannda nɛila Hala lan pɛɛkoo a toɲaa, a nɔ sika a vana-vana le, kani a tofa vanndacieea le mɛɛ nda co yɛ le.

Talelan 31:10

«Nɛ̀ɛ́ saalun yɛnin vanalanɔ sɔvɛɔ? Ndu co fisa a yɔɔva báà kalaa.

Hebreea 11:2

Le laalanndo vannda sɔla seile kɛndɛlen sindɛ ni.

1Timote 3:11

Laandaa ndaa bɛɛ bɛnda mà va vanaa lebɛɛa, a va vanaa balu a caanda o lasondo-a le, mà va vanaa tosa dɛnndan tùúlen-nda, á lo o lediom coo o dɛnndan kpow nin-nda.

2Korɛntea 8:18

N co puapilɛ naa vana laalanndo pilɛ vomɔɔ nda ndu, o vanaa laalannda kpow a co candɔɔ le baala o co tosaa-o-o, Yoongu kɛndɛ Hala-o vannda tiiyallo pɛɛn.

2Samiɛl 1:23

O ceen ndaa kpow nin, kaolianndo pila Saul nda Yonatan ndáà kaolian ni. Hali o piɔ́m ndaa nin, a cɛl le sɛyanndo le. Ndáà hiow kovɛa keleŋaa, ndáà hiow yàlàá yoomuan.

2Piɛr 3:1

Caaŋaa nia hɛnan ya-a, sɛbɛ ni diinndɔɔ ya co niaa sɛvallo ho ni. O sɛbɛla tiɔnndan ndan nin kpow, i co niaa yiyalanndo haliko mi la nɔ kɔltan o sɔɔn ya co niaa dimullo-on coo.

Condii lisai 82:2

‹Háá lɔ́ɔ́ kuɛɛ niaa lo yɛnin yaman lakafan kiolɔɔ? Háá tuma kuɛɛ niaa lo yɛnin vanaa kɔlvesɛiya malaa o còòlan coo?

Rɔmnda 14:18

Vana tosal pɛ Krista baalaa o nɛi vaa lende coo, ndu hɛnan Hala, vanndacieea bɛɛ a hini kɔl a dɛnɛ ndɔɔ.