Filipea 4:7 - BII BILA

⁷ O kon mì kɔlɲulu Hala-o, o hiow kɔlkalu kɛ́-kɛ̀-o manda kɔlta niaalan a yiyannda niaalan o Yeesu Krista nin.

Filipea 4:7 Referans Kwoze

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Esai 26:3

Ke vana kɛsi kɔl ndɔɔ nɔm coo-o kɔlɲulu kpeekpeiyo, kani nɔm o tiindan ni.

2Tesalonikea 3:16

Màá Mɛlɛka nɔ kɔlɲuloo o ba-o kei o nɛi oo nɛi coo, mò va niaa ndu yɔngoo lɔ́ɔ́-lɔ́ɔ̀! Màá ndu Mɛlɛka va niaa kpow ikɛi!

Kolɔsea 3:15

Màá kɔlɲulu Krista-o, o niaa sɔla veeloo le ndu le vaa kɔɔle pilɛlen-ndo tosa masalen niaa o lakɔl! La va vanaa sinaa ikɛndɛa.

Condii lisai 29:11

O kenin vanaa ndɔa yoomuan, ò dɔawnin nda duaa, mò yɔngu nda kɔlɲuloo.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Rɔmnda 8:6

Kani dɛnnda n'falulan la co piɔ́mndo ni. Kɛ dɛnnda Kɔl-Diandaa la co yoomoo a kɔlɲuloo ni.

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Efɛsea 3:19

O kon, o va bɛɛ maa kaola ndɔ kon hiow dɛnɛ sinaa kpow, kɛ mì la sínà ndu, haliko mi la va a piaa cá a bolofaa Hala-o.

Esai 48:18

Éé, te niáà yaŋ pɛ nilan o tɔŋnda nilan mi niáà bii lan, kɔlɲulu niaa ndóò vanin maa mɛmma pee bɛndu, dɛnɛ kɛndɛ niaa ndóò kuinin maa tindima mɛmma ihɛllan,

SƐBƐ YƆB-O 22:21

Le hee, muungu diom pilɛ a Hala, ma sɔla kɔlɲuloo. O kon, dɛnɛ kɛndɔɔ mingulun nɔm.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Esai 48:22

Kɔlɲulu co le vanaa kɔlvesɛiya le!» Mɛlɛka dimi lende ni.

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Luke 1:79

le vanaa co o ɲumndan nin-nda a vanaa co o vunduma piɔ́mndan bɛngu-a teengiaa, a le naa yɔɔ o nɛi kɔlɲuloo coo.»

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.

Kundalan 6:26

Màá Mɛlɛka landu hɔlla nɔm coo mò yɔngu nɔm kɔlɲuloo!

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Condii lisai 85:8

Éé Mɛlɛka! Cɔm naa maa vana lo o lediom coo-o n co ni, mà ciindiaa naa.

Filipea 4:9

La kelà o dɛnnda niaa pɛɛku ya o ba lan coo, dɛnnda niaa sɔla mì la tuɛi lan, a dɛnnda niaa ce ya o ba lan. O kon Hala kɔlɲuloo vanin niaa ikɛi.

Talelan 6:22

Lan la cɔmnin nɔm mɛɛ n bɛnda le kelaa yɛ ni. Lan la mandanin nɔm o kpele nɔmndo coo ni. Lan la silanin nɔm tuma n tiandunin-ndo ni.

Esai 26:12

Nɔm Mɛlɛka co naa kɔlɲuloo yɔngoo ni, kani ɲɛ-ɲɛ naa n co tosaa, nɔm co kon toosiaa le naa ni.

Talelan 4:6

Màl kɔlkaloo nɔm hiɔlɔnndo le, o mandanin nɔm. Kaola ndu, o kandanin nɔm.

Rɔmnda 1:7

Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!

Talelan 2:11

yiyan kɛndɔɔ kandanin nɔm yɔŋii n pɔw, mì sinapɛngoo manda nɔm

Nehemi 8:10

Mí Ɛsdras dimul vannda aa: «La kɔ mì la de ɲɛdiaa sɔvɛɔ, mì la kol mɔima sɔvɛ-sɔvɛan, mì la ke vanaa nɔ ɲɛdiaa o bɛɛndiaa le-a. Kani paalen nden hau, paale diandaalen le co le Mɛlɛka naa ni. La va a kɔltambɛi le. Bau kɔlkɛndɛ Mɛlɛka-o, ndu co yoomuma niaan ni.»

Yeremi 33:6

Kɛ i dɔawnin nda danda mà muungu maa paandu. Mì singi cɛila ndalan, mà sɔla kɔlɲuloo, mà va nila ɲulu.

Esai 45:7

I toosiaa ɲɛ-tengaa, mí cɔaw ɲumndan. I yɔngu dɛnɛ kɛndɔɔ, mí cɔaw dɛnɛ vɔɔndo. Ya Mɛlɛka, i tosa ɲɛm mun kpede.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

SƐBƐ YƆB-O 34:29

Te o meinun pɛ, nɛ̀ɛ́ yaala yɛnin ndu le ken? Te o ven pɛ hɔlaa ndɔa, nɛ̀ɛ́ nɔla yɛ mò tofa ndu kangalan? O nɔ hɔlten lɛŋnde a vanaa co icali lenin-nda coo,

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

Filipea 1:2

Màá Hala Fuɲa naa a Maalii Yeesu Krista tosal niaa kɛndɛi, mà ke niaa kɔlɲuloo!

Yeremi 32:16

Yáà ciiyo Baruk po Neriya-o sɛbɛ lesei kon yɔngoo, mí piɛi Mɛlɛka aa:

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

Filipea 1:1

Naa vanaa baalaa Yeesu Krista-a, Pol nda Timote pɛɛn. N co vanaa laalaŋaa co o Yeesu Krista nin Filipe-a, simlacia a vanaa co vanaa baalaa Hala-a malaa-a kpede sɛbɔɔ ho sɛvallo.

Filipea 4:19

Hala nuu nɛŋinin kpekula niaalan kpede maa mɛɛ bɔɔbɔɔyɛi ndɔɛi a biilu ndɔɔ co o Yeesu Krista nin yɛ.

Filipea 4:21

La yil vanaa laalan Yeesu Krista má va o kunda niaa nin-nda kpow. Puaapilɛa co ya ikɛi-ya yil niaa.