Filipea 4:6 - BII BILA

⁶ La buulan le ɲɛ-ɲɛ le, kɛ o dɛnɛ oo dɛnɛ nin, la cɔm Hala balahavɛila niaalan o piɛilen nin a o tɛɛlɔnndo nin a kɔl sinaa ikɛndɔɔ.

Filipea 4:6 Referans Kwoze

1Piɛr 5:7

La tuisi buulannda niaalan kpow ndu coo, kani o nɔ niaa hɔlten coo.

Condii lisai 55:22

Sɔɔn ndɔn sondon hiow lɛan yeelaa, kɛ cɔwvo co ndu o kɔl ni. Sɔɔn ndɔn co hili-hili hiovɔɔ cuɛiyan, kɛ maa mɔɔn cɔw n lɔwviaa vana ni.

Matie 6:8

La vial nda le, kani Fuɲa niaa ndóò cii nin ɲɛ niaa nɔ makoo-o sina, lɔ́ɔ́ pá niáà ɲuna ndu.

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Talelan 16:3

Cɔm Mɛlɛka kpekula nɔmndan, mì tuula nɔmndan la peelun.

Condii lisai 62:8

Cinda nuu a bɛɛle nilen le co Hala o ba. Ndu co pow kpovaa a nɛɛ nia viannannda ni.

Kolɔsea 4:2

La biwnun o piɛilen nin, la pɔɛɛnun a piɛile balika len o Hala lo le.

Efɛsea 6:18

La piɛi Hala telen oo telen. La va piɛile súú-súù ka a tɛɛlɔnnda súú-súù ka tosaa a kpaaya Kɔl-Diandaa. Lelan, la mɛɛndian mì la kindin o ken coo taw. La piɛi le vanaa diandaa kpow.

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Luke 18:1

Mí Yeesu dimul kaandeŋaa ndɔa taloo le nda cɔmndo maa o bɛnda mà va Hala piɛiyo lɔ́ɔ́-lɔ́ɔ̀, maa a vu n'dial te.

Luke 12:22

O kon kɔɔli, mí Yeesu dimul kaandeŋaa ndɔa aa: «Lelan, mì dimul niaa, la buulan le yoomu niaa, te kon te le ɲɛ niaa dianin-ndo le, la buulan vɛlɛ le dialun nian, te kon te le ɲɛ niaa cuɛinunnin-ndo le.

Condii lisai 51:15

O kon, i pɛɛkunin vanaa co nɔm simullo-a nɛila nɔmndan, mì vanaa lahakia muungu nɔm o ibuŋ.

Kolɔsea 3:15

Màá kɔlɲulu Krista-o, o niaa sɔla veeloo le ndu le vaa kɔɔle pilɛlen-ndo tosa masalen niaa o lakɔl! La va vanaa sinaa ikɛndɛa.

1Samiɛl 30:6

Mí mɔnɛi bii David taw, kani vannda va ndu kɔngɔlanndo le ndu viiyo a powtan, le mɔnɛi va nda le poaa ndaa a le cuavaa ndaa laandua-e. Kɛ mí Mɛlɛka Hala ndɔɔ luei ndu yoomuan.

Efɛsea 5:20

La va Hala Fuɲaa balikaa mello lɔ́ɔ́-lɔ́ɔ̀ o dɛnndan kpow nin o diola Maalii naa Yeesu Krista lan.

Condii lisai 55:17

Ya ya, Hala ya co piɛiyo ni, nduyɛ, ndu Mɛlɛka ciindiaanin ya.

Luke 10:41

Mí Yeesu mulul ndu aa: «Marte, Marte, a co buulanndo ma va lawvo le dɛnndan taw,

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?

Matie 10:19

Kɛ telen nda kɔanin kon a niaa o fondala kialaa n'yamalan-ndo, la buulan le mɛɛ niaa soaanin yɛ le, la buulan vɛlɛ le ɲɛ niaa diminin-ndo le. O niaa bɛnda le dimio-o kennunnin niaa o telen kon.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Luke 12:29

La fafala le ɲɛ niaa dianin-ndo, te kon te le o niaa kolnin-ndo le. Kɔlta niaalan la sanga le.

1Samiɛl 1:15

Mí Anɛɛ mulul ndu aa: «Vana ni bɛndoo, o co mamɔi le ma bii ya le. Vanalanɔ dɛnɛ palaa co coo-o ya co ni, kɛ i kol mamɔi le. Mɛlɛka ya hin sanga nuu cɔm ni.

2Korɛntea 1:11

Niaa bɛɛ, o bɛnda mì la va naa malaa o piɛilen nin, kani te vanaa bɔɔ-bɔɔ a piɛi pɛ le naa, Mɛlɛka co piɛile len muli. O kon vanaa bɔɔ-bɔɔ a sɔlanin kɛndɛi ken le naa mà mel Hala balika a naa o kɔɔ.

1Korɛntea 7:32

I yeema mì la nɔ buulan o buulan te. Vana nɔ lanɔ le, ndu kɔllo o landu o dɛnnda Maalii lan coo ni, mò kindikindin le Mɛlɛka hɛnanndo.

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

Matie 13:22

Kulun deli o yɔɔn nin-ndon, mun co tɔɔmasele vana tuei sɔɛi Hala-e, kɛ mí buulannda ceenndan a yeemɛi bolofaa hialu fondaa ndu o kɔl kpede-o ni. O kon sɔɛi Hala-i co ndu o kɔl-le kum te.

Daniɛl 3:16

Mí Sadrak, Mesak a Abɛd-Neko a mulul ndu aa: «O co sɔɛi naa n kɔɔsa coo le co hee le.

2Dɛnnda lemasalan 32:20

O kon mí masaa Esekia nda Esai vana-tɛɛngaa-diom Hala-o, po Amɔt-o a piɛi Hala le sɔɛi ken.

1Samiɛl 7:12

Mí Samiɛl cua powvo pum, mó baŋ ndu Mispa a fonda nda veelu aa Ciŋnde-o tɛɛn, mó ke ndu diolan aa: «Pow mala vana-o». Mó dimi aa: «Kani háá hau, Mɛlɛka koni co naa malaa ni.»

Condii kɛndɛ-kɛndɛi 2:14

Éé poonpoon ni laandu nɔ vɛɛnnden o tɛɛngon nin o powta kpovalan tɛɛn-ndo, ó co o viannanndo nɛɛ feke-fekea-o. Cɔm ya hɔlaa nɔmnda, tosa mì tuei diom nɔmndo. Kani a naŋ bɔɔ diomndo, a naŋ bɔɔ vɛlɛ hɔlla.›»

1Korɛntea 7:21

Lɔ́ɔ́ pá mí Hala veelu nɔm, te cɛɔ n va ni, mɛɛ tambu kɔl a ken te. Kɛ taa nɔla pɛ hɔ́ɔ́yɛi sɔlaa, mɛɛ tosa kon.

1Masaa 8:28

Kɛ o va bɛɛ lende, Mɛlɛka Hala nuu, yaŋ nilan o piɛile ya vana nɔm baalaa co nɔm-nden. Tuei tɛɛlɔn ya co nɔm-ndo, yaŋnun piɛile ya co nɔm nden hau len.

Yeremi 32:16

Yáà ciiyo Baruk po Neriya-o sɛbɛ lesei kon yɔngoo, mí piɛi Mɛlɛka aa:

Daniɛl 6:10

O kon, mí masaa Darius handu baa o tɔŋ yiinun kon-ndo coo.

Matie 6:34

Lelan la buulan le siɔdiio le, siɔdiio buulannin le ndu pila. Lepalaa-lepala le nɔ bahavɛi ndɔ.»

1Timote 2:1

Sɔɛi tasei co hee ni, i co niaa dimul, la ɲuna Hala, mì la piɛi ndu, mì la tɛɛlun ndu, mì la mel ndu balika le vannda kpow.

1Timote 5:5

Vanalanɔ pɔnɔ ndɔ vi mò va ndu pilɛ-o, o tiindan Hala-o, paalen a ɲumndan, o co Hala biuvɔnndo piɛiyo le malaa sɔlaa.