Biblia Todo Logo
Bib sou entènèt

- Piblisite -




Filipea 4:3 - BII BILA

3 Nɔm vana naa n co baalaa latulu ɲɛkɛndɛi-yo bɛɛ, i co nɔm dimul mà mala vanlaandua ŋiɔŋaa kan. Kindinndo pila nda co le Yoongu kɛndɔɔ yondaa naa ndaa a Kileman a caaŋaa naa tɔ̀a naa n va vallo latulu-a ni. Caaŋaa naa diola ndalan la co lasɛvaalan o sɛbɛ cindaa nin-nda pɛɛn.

Gade chapit la Kopi




Filipea 4:3
28 Referans Kwoze  

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!


O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.


Kɛ nduyɛ, la naŋ kɔl le tùú ɲinaa vɔɔnda co niaa diom tueyɔɔ-o le, kɛ la naŋ kɔl le tùú diola niaalan la co lasɛvaalan o halataala-o.»


Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.


Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.


Visi n ce hoo-o va paandu, kɛ o co lɛ le. O co helɔɔ mò fula o soondo nin, mò kɔɛnnun o ɲánndávàà. Mì vanaa co o lɛŋnden coo, diola ndalan la sɛvan o sɛbɛ yoomaa nin kabi o ceendo kandɔnndo le-a dɔwnun kɔndɔfili le visi kalaa cɔu, kani o va paandu yoomu, kɛ o co lɛ le, o kon kɔɔli mì fula vɛlɛ.


I co Evodi nda Sɛntis ɲɔɔlu le yiyan pilɛ nda nɔ o Maalii nin-ndo.


La yil-la Trifɛn nda Trifos. Baalaa pila nda co tosaa le Maalii ni. Mì la yil-la Pɛrside, o ya kaola taw-vo, baalaa pila ndu bɛɛ tosa le Maalii ni.


La yil-la Irbɛn, caan naa naa n va baalaa latulu o Krista nin-ndo nda Stasis ya kaola taw-vo.


Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.


Hala, cɔm haki nda kon o hakila ndala tɔ̀lan coo. Tuinun nda iɲii le few.


Yandi, mal nda haki le yɔŋ vɔɔn ndaa. Te o co yɛ dɔ́ɔ́ lende le, mɛɛ ɲumi diola nilan nɛɛ n sɛva lan o sɛbɛ cindaa nin-nda.»


Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.


Epafras caan naa naa n co vallo latulu-o pɛɛku niaa, ó co vallo le niaa maa vana baala Krista-o.


«O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.


Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.


Ba nuu tisanin vanaa-tɛɛngaa-diom Hala-a co vunduma lacòòvan tɛɛnguuo a sɔɔn lacòòvan dimio-a coo cili. A venin o cuungian vanaa niaa coo le, diola ndalan la sɛvannin o diola cuavaa Israɛlla coo le, a tiiyanin o lɛŋnde Israɛl-ten nin di le. O kon niaa sinanin ni maa ya co Maalii ni, Mɛlɛka pɛɛn.


Vanaa lonin yoomuu Siɔn-nda, vanaa lonin kan Yerusalɛm-nda a sɔlanin veeloo aa vanaa diandaa, vanaa diola ndalan la sɛvannin Yerusalɛm-nda lonin yoomu.


kani la co ya malaa le Yoongu kɛndɔɔ keiyo yondaa kabi o kandɔɔ háá hau.


O bɛnda mì yiyan lende le niaa kpow, kani dɛnnda niaalan la co ya o kɔl. Kani o va telen ya co hau o kaasoo-o, o va telen ya va o pelon coo le yoongu kɛndɔɔ-o a telen ya va ndu keiyo yondaa nɛɛ-nɛɛ ka a kpaayaa-o, mɛɛ niaa co kpow, mí la sɔɔnguu mí la sɔla dɛnɛ kɛndɔɔ a ya latulu.


Puapilɛa nia, i yeema mì la sina maa dɛnɛ yɔŋnun ya-o yɔngu malaa le Yoongu kɛndɔɔ hiovɔɔ laci.


Nda nda, a kaolaa o lakɔl nda co kon tosaa ni. Kani a sínà maa le Yoongu kɛndɔɔ cɛwcɛwvo ya co o kaasoo nuaa ni.


Swiv nou:

Piblisite


Piblisite