Filipea 4:19 - BII BILA

¹⁹ Hala nuu nɛŋinin kpekula niaalan kpede maa mɛɛ bɔɔbɔɔyɛi ndɔɛi a biilu ndɔɔ co o Yeesu Krista nin yɛ.

Filipea 4:19 Referans Kwoze

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

Misee 7:7

«Kɛ ya, o Mɛlɛka lo kínɛí ya nɔ hɔlla ni, Hala nɔ cinda nuu o ba-o ya tiindan ni, ndu Hala nuu tuɛinin ya diom mò mulul-la.

Malasi 3:10

La hun a o-tɔ́ndɔla niaalan kpow o cɛi mandaa bolofaa nin, haliko mi baloo va o ya lo cɛinin. La tɔɔndan-ndɔ hau ya lende, mì la tofa, te i kumbilnin niaa diola pɔmbɔla co o halataala lan, mì tuisi niaa duaa bɛndu-bɛndu hiow ɲɔɔn kpow-vo coo le. Ya Mɛlɛka-Nɔ-Kpaayaa-Kpow-vo dimi lende ni.

Nehemi 9:15

Má ke nda ɲɛdiaa fula o halataala-o le yima va nda nɛiyo-an, má soli mɛnndan o pow kpovaa nin le bolola vesɛila va nda lan. Má viam nda le nda lɛŋnde nɔm óò yiilu nda kpemaa le nda yɔngoo len hiɔlɔɔ.

2Samiɛl 22:7

O sanga ni bɛndu kon nin, mí koŋul Mɛlɛka o lani, mí yonda o ndu Hala lo. Mó tuɛi ya koŋullo nɛɛ o co o cɛi ndɔ biilaa nin-nda, mí diom nuu del ndu o lani.

Condii lisai 36:8

Kɛndɛi nɔmnde co bɔɔ isɔvɛ, Hala! Vanndacieea co vionnɔnndo nɔm o ba bɛngu, o vunduma kumbannda nɔmndan bɛngu.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Efɛsea 3:16

I co ndu piɛi, mò luei niaa yoomuan a kpaaya Kɔl-Diandaa ndɔɔ mɛɛ tɔnɔ biilu ndɔɔ co yɛ,

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Rɔmnda 8:18

I ce maa vana tuu sangala co naa coo sisa lan a biilu hun fulanin ceen le naa-o le.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

2Korɛntea 4:17

Kani sanga bɛndu co naa hoo coo sunsun-ndo co ɲɛ-ɲɛ le, nduyɛ le telen bingi koni o co ni. O co naa pɔɔ bɛɛndiaa le biilu naa hun sɔlanin-ndo. Biilu kon vanin le fɛɛn a fɛɛn, ndu hiawnin vaa o bɔɔ a sangaa ho.

Rɔmnda 9:23

Kɛ mó yeema le cɔmndo mɛɛ kpɛ́ biilu ndɔɔ co o bɔɔ le kpɛɛnɛn o tuinun iɲíí-yon yɛ, n o cɔw le biiloo-on pɛɛn.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Condii lisai 130:7

Niaa Israɛlla, la tiindan Mɛlɛka, kani ndu nɔ kaolaa o ba ni, ndu o ba vana sɔla baŋan kpeekpeiyo ni.

Condii lisai 104:24

Éé Mɛlɛka! Baalala nɔmndan la co la bɔɔ! A kɔlkalu nɔmndo n tosa lan kpow ni. Lɛŋnden le co lepiaa ca a ɲɛm n cɔw-von.

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

2Dɛnnda lemasalan 18:13

Kɛ mí Misee muli aa: «Te Mɛlɛka co yoomu, i dimulnin ndu ɲɛ Mɛlɛka dimulnin ya-o!»

O Kandɔɔ 48:15

Mó dɔaw Yosɛf duaa aa: «Hala Abraham fuɲa ni mama a Isaak fuɲa ni a tosal vallo-o, Hala landu ya hɔlla coo kabi ya co yoomu háá hau-vo,

Daniɛl 6:22

Mí Daniɛl mulul ndu aa: «Òó masaa! Màá viow yoomu fɔ́!

Rɔmnda 11:33

Bolofaa Hala-o co o bɔɔ dɛ! Kɔlkalu ndɔɔ a dɛnɛ sinaa ndɔɔ yingila bɔɔ, vana sínà yiyannda ndɔlan te, vana nɔla tuula ndɔlan bila biyɔɔ le.

1Piɛr 5:1

I co kaasoŋaa co niaa tɛɛn-nda sila. Ya co kaasonɔɔ maa nda-o, ya co sei sangala Krista lan a vana vanin o biilu hun fulanin ceen-ndo nin-ndo-o:

1Tesalonikea 2:12

N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.

Rɔmnda 1:8

Ɲɛ tasoo, i mel Hala nuu balika o diola Yeesu Krista lan le niaa kpow, kani laalan niaa kela tɔ́ɔ́ o ceendo coo kpow.

Nsaŋ 20:27

O kon, mó dimul Tomas aa: «Siɛndi suei mà vow, tofa ya balan. Siɛndi vɛlɛ baa mà vow ya o ilungbu, pɛngi sikaa mà laalan!»

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Filemɔn 1:4

Telen oo telen ya va pɛ piɛilen, i yiyan nɔm coo, i mel Hala nuu balika.

2Korɛntea 12:21

I co buulanndo, lɔ́ɔ́ ya kɔanin vɛlɛ niaa yilɔɔ-o, mì Hala tosa mì siɛmbulan la bii ya vɛlɛ le niaa, yɔŋii ya caŋ le vanaa kan, a tosa hakilan o tasendɔ taw, mà va hiovɔɔ laci-a. A kɛɛ kan le dɛnnda nɔɔlɛilan, suundaa a yeemɛi vɔɔnde malɔɔ-a.

Nehemi 5:19

Éé Hala nuu, yiyan ya coo mà tuinun ya iɲíí le dɛnnda ya tosa le vannda ha kpow lan!»

Matie 6:32

Kani vanaa sina Hala le-a co fafaláà ɲɛm mun nuwviaa ni. Kani Fuɲa niaa co o halataala-o sina maa la nɔ makoo a ɲɛm mun.

Filipea 4:7

O kon mì kɔlɲulu Hala-o, o hiow kɔlkalu kɛ́-kɛ̀-o manda kɔlta niaalan a yiyannda niaalan o Yeesu Krista nin.

2Dɛnnda lemasalan 31:8

Mɛɛ Esekia nda vanaa bɛndua hun cɔ kundala lan, má mel Mɛlɛka a vanaa ndɔa balika.