Filipea 4:18 - BII BILA

¹⁸ I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.

Filipea 4:18 Referans Kwoze

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

Filipea 4:12

I caa calii bala fondoei, i caa vɛlɛ calii ɲɛ-sɔlaa bɛnduei. O dɛnndan kpow nin a nɛɛ-nɛɛ ka, i dɛli a pumndo, mí dɛli a yiaan biuvɔnndo. I dɛli a sɔla bɛndoo, mí dɛli a pɛŋnden.

2Korɛntea 9:12

Kani baala niaa co kon tosaa le vannda ɲɔɔn kew-vo, o co ko balahavɛila vanaa diandaa daama le o nɛŋi le, kɛ o co tosaa mì vanaa bɔɔ-bɔɔ a va Hala balikaa mello.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

2Tesalonikea 1:3

Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

Fulaa 29:18

A cii pɛ, a lom visin saa kóndó kon kpow o fonda-loamaa-lasálàá coo. Sálà loamaa solìn le ya Mɛlɛka-o co kon ni. Sálà loamaa co kon ni, o ya tuɛi cun mì ɲɔɔ hɛnan ya-o.

Kundalan 15:3

mì la yeema le ya sálàla ŋɔa o yin-ndan solullo, o bɛnda mò va cɔlua bɛndua, te kon te cɔlua pɔmbɔa. Sálà ya tuɛi cun mì ɲɔɔ hɛnan ya-o co kon ni, o va sálà loamaa, o va sálà niaa soli le yoole niaa bàá len timbio-o, o va o niaa pila soli a yeemɛi niɛi-yo, o va o niaa soli o kafola niaalan o pilɛ coo-o,

Dɛnnda kiilaa 10:4

Mí Kɔrnɛil tofa ndu ciŋ a siòònde, mó ɲuna aa: «Yɛɛ nɛ Maalii?» Mí mɛlɛkanɔɔ mulul ndu aa: «Mɛlɛka tuei piɛile nɔmnden, o naŋ kɔl a kɛndɛi n tosal vanaa bala fondoa-e. O pɔɛɛnun a nɔm te.

2Korɛntea 11:8

Kundala vanaa laalaŋaa celen la sala ya, mí cua volin ndan le niaa malaa.