Filipea 3:9 - BII BILA

⁹ o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

Filipea 3:9 Referans Kwoze

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Kalatea 2:16

Kɛ nduyɛ, n sínà ndi válán maa o co le dɛnnda tɔŋndan biyɔɔ le vanacieo va vana sandaa le, kɛ le laalan o laalan Yeesu Krista-o. Naa bɛɛ n laalan Yeesu Krista, haliko mi n siŋnun vanaa sandaa le laalan naa laalan Krista-o, kɛ o co le dɛnnda naa n co tosaa o tɔŋndo biyɔɔ nin-ndan te, kani vana-vana sɔlanin sandei le tɔŋnda o co biyɔɔ lan te.

Rɔmnda 8:1

Yaala co lɛ le vanaa co o Yeesu Krista nin-nda le.

Rɔmnda 1:17

Kani Yoongu kɛndɛ kon cɔm maa Hala siinguu vanndacieea vanaa sandaa le laalanndo. Nduyɛ laalan kon tiw. Maa mɛɛ o sɛvan yɛ aa: «Vana sandaa vanin yoomu le laalan ndɔɔ.»

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Yeremi 33:16

O palɛi ken, Yuda sɔlanin cindaa, o kon mì Yerusalɛmnda cal a nila ɲulu o calta ndalan, kobi kon veelunnin aa: «Mɛlɛka co dɛnɛ sandaa naa ni.»

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Filipea 3:6

Le a ba tɔŋndo o kɔɔ yɛ, Faliisinɔɔ ya co ni. Te le dialun fulan a dɛnɛ dinaa o kɔɔ ni, vana tol kundala vanaa laalannda yɛlen-ndo ya yɔŋnun ni. Te le sandei a ba tɔŋndo ni, vanáà yaala ya nɛɛ-nɛɛ le.

Rɔmnda 10:10

Kani vana laalan pɛ a kɔllo, a sɔla dɛnɛ sandaa. Vana sɔlalan pɛ a sondo, a sɔla cindaa.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

Vana Kɔlkaloo 7:20

Vana sandaa co o lɛŋnden coo le, o tiwba mò tosa dɛnɛ kɛndɔɔ, o kondu haki loo.

Matie 9:13

La kɔ nuwviaa kɔlɔ sɔɛi he aa: ‹Vannda ɲííye tuinɔnndo hɛnan ya ni, o co sálàlan solio le.› Kani o co vanaa sandaa le ya hin veelu le, kɛ vanaa lahakia.»

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Condii lisai 143:2

Vana baala nɔmndo ya co ni, kialu ya iyama le, kani vana-vana sendu nɔm o hɔl te.

Condii lisai 19:12

Mɛlɛka, o tɔŋnda nɔmndan nin ya vana nɔm baalaa, co pɛɛkulan sɔlaa ni. Vana bii lan pɛ, ndu sɔla malaa taw.

Condii lisai 14:3

Kɛ nda kpow a mal nɛiyo, nda kpede a laasian latulu. Vana-vana co dɛnɛ kɛndɛ tosa le. O pilɛ bɛɛ!

2Dɛnnda lemasalan 32:25

Kɛ Esekia yɔŋnun vana sinaa ikɛndɛ le dɛnɛ kɛndɛ ndóò sɔla Mɛlɛka o ba-o le, kani mí kɔl yongaa luɛi ndu nin. O kon mí kɔltuw Mɛlɛka-o toal ndu pila coo, Yudaa coo a Yerusalɛmnda coo.

1Masaa 8:46

Tàà cua pɛ hakio a nɔm, kani vanaciee kɛ́-kɛ̀ co le o cue haki loo, taa tuulu pɛ kɔl a nda ma mal nda yaamɔɔa o ba, yaamɔaa kan kɔ a nda polon, a kɔ a nda macɛlu,

O Kandɔɔ 7:23

Nuaa Hala cii ɲaa yoomaa va o lɛŋnden coo-a ni, kandɔɔ a vanndacieea, visia, visia pɔmbɔa kela lɛŋ-nda, kɔ bii a yowva, mí ɲɛ-ɲɛ basun o ceendo coo selemenden. Fɔ Noe a ɲɛ-ɲɛ va ndu ikɛi o dɛ̀ndɔ̀ɔ́ nin a lo yoomu ni.

1Nsaŋ 3:4

Vana-vana tosa pɛ hakio, mɛɛ ndu tɛɛmbuu tɔŋndo, kani hakio, ndu co tɔŋndo tɛɛmbuuo ni.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

Rɔmnda 16:7

Mì la yil-la Andronikus nda Yunias, vanaa nia naa n va o biyɔɔ nin naa ndaa-a nda co ni. Vanaa kiilaa luɛi yii taw-va nda co ni, a del Krista kɔɔli ya tase.

Rɔmnda 5:21

Nduyɛ, mɛɛ hakio tosa masalen a piɔ́mndo o kɔɔ yɛ, lende koni kɛndɛi co masalen tosaa a dɛnɛ sandaa o kɔɔ ni, le vanndacieea yoomu fɛɛn-fɛɛndo yɔngoo Maalii naa Yeesu Krista o ba bɛngu.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Esai 46:13

I co dɛnɛ sandaa nuu nanɔɔ macɛlu, o co lɛ levil te, cinda nuu tamalanin le tiiyaa le. I kɛsinin cindaa Siɔn mì tuisi biilu nuu Israɛl coo.

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

2Dɛnnda lemasalan 32:31

Kɛ nduyɛ, telen simlacia Babilɔn a vem kiilaa le ndu ɲunaa a dɛnɛ kɔndɔfili óò tosan o lɛŋnde len nin-ndo o kɔɔ-o, mí Hala mal ndu le ndu tɔɔndanndo, haliko mo sina yiyan va Esekia o kɔl-lo kpow.

Tɔŋ miingua 27:26

Màá dangaa va vana kɛɛnin le sɔɔn tɔŋndo biyɔɔ, mò kɛɛ le kelaa lecoo-o coo! Vannda kpow a cɛlnin aa: ‹Amiina!›»