Filipea 3:8 - BII BILA

⁸ Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,

Filipea 3:8 Referans Kwoze

Rɔmnda 8:18

I ce maa vana tuu sangala co naa coo sisa lan a biilu hun fulanin ceen le naa-o le.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Filipea 3:7

Kɛ ɲɛm va mun tɔnɔɔ le ya-on, mí ca mun ɲɛ fondoo le Krista.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Filipea 3:10

I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni,

2Piɛr 1:3

Kpaaya ndɔ ihalayaa yɔngu naa ɲɛ-ɲɛ naa n nɔ makoo le vaa a sandaa, mó cɔm naa vana veelu naa o biilu ndɔɔ a o dɛnnda ndɔla kaamaala o tosa lan nin-ndo.

1Korɛntea 2:2

Kani telen ya va niaa tɛɛn-ndo, mí kialu o kɔl nuu nin maa i sínà ɲɛ-ɲɛ celen faŋanndo o Yeesu Krista kɔɔli le, Yeesu nda baŋ o yɔm singafilaa coo-o pɛɛn.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Nsaŋ 17:8

Kani i ke nda sɔɔn n ke ya-on, má cɛl mun. Má sina lekɛ́ndɛi maa o nɔm ndo ya fula ni, má bii bila maa nɔm vem ya ni.

Nsaŋ 14:20

Paale len, la sinanin maa ya, i co Fuɲa nuu nin, mì niaa va ya nin, mì ya va niaa nin.

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Nsaŋ 14:7

Te la sina ya pɛ, mɛɛ la sinanin vɛlɛ Fuɲa nuu. Nduyɛ sunsun, la sinà ndu, la ce ndu.»

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Efɛsea 4:13

Te o va yɛ pɛ lende, mɛɛ naa kpow n vanin diom pilɛ o laalanndo nin a o Po Hala-o sinaa nin. N siŋnunnin kaasonnda, o kon mì n tiiya mɛɛ Krista co o tiivɔn ndɔɔ nin yɛ.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

1Nsaŋ 1:3

O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

2Timote 4:6

Ya ya, telenndo tiiya mì vannda soli ya sálà. O lo nin ɲɛ-pɔmbɔ cobe mì faŋan o ceendo ho coo.

Nsaŋ 20:28

Mí Tomas mulul ndu aa: «Maalii nuu a Hala nuu!»

Nsaŋ 16:3

A tosanin ken le tùú nda kɛɛ ya a Pua sinaa-o.

Condii lisai 126:6

Vana-vana co pɛ kɔlan a yɛiyo o lebol a caŋndo, ndu muungunin a kɔlkɛndɔɔ a tumbulan o lebol.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

1Piɛr 2:7

Bɛɛlen le co le niaa vanaa laalannda. Kɛ le vanaa kɛɛ le laalanndo-a, pow vanaa tangulaa viow-vo, ndu siŋnun pow lebollo ni,

Kalatea 1:16

mó ca maa o co fisa mò cɔm ya Po ndɔɔ, haliko mi dimi sɔɛi ndɔɛi vanaa co N'Yuifi le-a tɛɛn, fɔ́ɔ́fɔ̀, i ɲuna vanaciee le,

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

1Korɛntea 9:10

Vɛ̀ɛ̀ o co a naa o kɔɔ le o dimi sɔɛi ken te? A toɲa, a naa o kɔɔ o sɛva sɔɛi ken ni. Vana co vaa-o nda vana co ɲɛ kownunndo nɛwvo-o bɛnda mà tosa vallo o kɔlkɛsiaa nin maa a co hunɔɔ ɲɛ pum sɔla o vali ndaa nin.

Nsaŋ 20:13

Mí mɛlɛkaa kan a ɲuna ndu aa: «Vuɛɛndo, le yɛɛ nɛ n co yɛ caŋndo?» Mó mulul nda aa: «A cii Maalii ni vi-o cua, i sínà nɛɛ nda kɛsi ndu le.»

Luke 11:20

Kɛ te a kpaaya Hala-o ya co ɲinaa vɔɔnda tovɔɔ ni, mɛɛ masale Hala len le tiiya o niaa lo.

Kundalan 14:30

la luei o lɛŋnde ya mɛnan mí yii kpemaa le niaa kɔlan kɛsio lenin-nden nin te few. Fɔ Kalɛb, po Yefune-o a Yosue po Nun-ndo co luɛyɔɔ lenin ni.

Luke 1:43

Bɛɛle súú yɛɛ ya sɔla yɛ len, mì kalaa vana ni bɛndoo hin o ya lo?

Malasi 2:3

I kɔngɔlan le cuavaa niaa tɛɛmbuuo. Niaa pila yɛ, mì yikpa niaa poolan o hɔl, poola cɔlua niaa diw o kafola niaalan coo-a pɛɛn. O kon mà viow niaa a poola lan latulu.

SƐBƐ YƆB-O 20:7

o co hunɔɔ cuvɔɔ le fɛɛn a fɛɛn, mò siŋnun maa poola ndɔla ndu pila lan. O kon vanaa sina ndu-a ɲunannin aa: ‹Kuɛɛ o co yɛ?›

2Masaa 9:37

Ɲɛ tɔ̀ co lo-o saŋnunnin yondoo nin Yisreɛl lon maa puulu sál. Vana nɔlanin bɛɛ dimio le aa Yesabɛl co hoo ni.›»

1Masaa 14:10

Lelan, i co hunɔɔ dɛnɛ palaa tuisi yungu nɔmndo coo, mì diw vanpiaandua co o nɔm Yeroboam-ndo cɛinin-nda, o va cɛ piaandu o va hɔ́ɔ́ piaandu. I co hunɔɔ nda basɔɔ o lɛŋnde Israɛl-ten nin selemenden mɛɛ vana basu billo yɛ.

Condii lisai 73:25

Nɛ̀ɛ̀ celen ya nɔ yɛ o halataala le o nɔm kɔɔli? O nɔm kɔɔli, i yeema ɲɛ-ɲɛ celen o lɛŋnden coo le.

Rɔmnda 8:39

o va ɲɛm co coocoo-on, o va ɲɛm co lebɛngu-on, o va ɲɛm celen Hala cɔw-von, ɲɛ-ɲɛ nɔlanin naa siɛi a kaola Hala kaola naa o Maalii naa Yeesu Krista nin-ndo le.

Filipea 1:1

Naa vanaa baalaa Yeesu Krista-a, Pol nda Timote pɛɛn. N co vanaa laalaŋaa co o Yeesu Krista nin Filipe-a, simlacia a vanaa co vanaa baalaa Hala-a malaa-a kpede sɛbɔɔ ho sɛvallo.

Filipea 3:12

Kon co dimi le maa i sɔla ɲɛ ya co kiltan kɔɔli-o, te kon te maa i tiiya kilta nilan mɛɛlulan, kɛ i co hiovɔɔ laci a kiltan, haliko mi bii ɲɛ ya co kiltan kɔɔli-o, kani ya bɛɛ, biyɔɔ Yeesu Krista bii ya ni.

2Piɛr 1:2

Màá kɛndɛi a kɔlɲuloo kui niaa o lakɔl le sínà niaa síná Hala a Maalii naa Yeesu-o!

2Piɛr 1:8

Kani te la nɔ pɛ káàlan ndan, mì la kui niaa niŋ, la melnin niaa mì la kɛɛ ɲɛ tosa, te kon te mì la kɛɛ komɔɔ le Maalii naa Yeesu Krista sinaa le.