Filipea 3:7 - BII BILA

⁷ Kɛ ɲɛm va mun tɔnɔɔ le ya-on, mí ca mun ɲɛ fondoo le Krista.

Filipea 3:7 Referans Kwoze

Luke 14:33

Lelan, vana-vana faŋá kɔl ndɔɔ o ɲɛm o nɔ-on coo le, o tiwba mò va kaandennɔ nuu le.»

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

Luke 14:26

«Vana-vana yeema pɛ le ya delɔɔ kɔɔli, mɛɛ mò kɛɛ fuɲa ndɔ, kala ndɔ, laa ndɔ, cuavaa ndɔa, puapilɛa ndɔa a yemaa ndɔa, mò kɛɛ vɛlɛ yoomu ndɔɔ, te o co kon te, o tiwba mò siŋnun kaandennɔ nuu le.

Talelan 13:8

Ɲɛ co ɲɛ baŋaa yoomu vanacieo-vo co bolofaa ndɔɔ ni. Kɛ vana bala fondoo ndu vana kɔngɔlàn ndu le.

O Kandɔɔ 19:17

Mɛɛ nda soli nda o kobio kɔɔli lende, mí mɛlɛkanɔɔ pilɛ dimul Lɔt aa: «Ɲaanun ma kɔɛnnun kɛ, haliko ma lo yoomu. Tofan kɔɔli le dɛ! Kei vɛlɛ isisi nɛi-tɛɛn o dɛɛlaa nin tei. Taa yeema mà vi le, mɛɛ ɲaanun o pembei coo dɛ!»

SƐBƐ YƆB-O 2:4

Mí Setana dimul Mɛlɛka aa: «Le sɔlaa vana yɔngu ni. Ɲɛ-ɲɛ vanacieo nɔ, o nɔla mò pisi ndu le kɛndia ndɔɔ.

Luke 16:8

Mí vana bɛndoo lisa vana mandaa bolofaa kɔlkalu vɔɔndo ho le taasi o tosa-o. Kani vanaa co o ceendo ho coo-a hiow caa hɛlihɛlinndo nda pila tɛɛn o dɛnndan nin a vanaa co o masale halataa len nin-nda.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.

O Kandɔɔ 19:26

A lo kɔlan, mí lanɔɔ Lɔt tofan kɔɔli, mó siŋnun pow ihɛllo maa piɔm.

Dɛnnda kiilaa 27:38

Mɛɛ vana-vana pim, má vuu maalon o mɛnndan nin haliko mi dɛ̀ndɔ̀ɔ́ ndóò muungu fefele.

Hebreea 11:26

Mó ca maa sangaa sɔlaa le Krista co fisa a bolofaa Esipte. Kani vɔ̀ngɔ́ va ndu laci-o caando va cɔu ni.

Vana Kɔlkaloo 3:6

Telenndo co le nuwviaa, telenndo co le malɔɔ, telenndo co le mandaa, telenndo co le viovɔɔ.

Marke 10:50

Mí vana sumɛiyo viaw doma ndɔ bɛndoo, mó can ɲaali, mó kɔa nɛɛ Yeesu va-a.