Filipea 3:6 - BII BILA

⁶ Le a ba tɔŋndo o kɔɔ yɛ, Faliisinɔɔ ya co ni. Te le dialun fulan a dɛnɛ dinaa o kɔɔ ni, vana tol kundala vanaa laalannda yɛlen-ndo ya yɔŋnun ni. Te le sandei a ba tɔŋndo ni, vanáà yaala ya nɛɛ-nɛɛ le.

Filipea 3:6 Referans Kwoze

Dɛnnda kiilaa 8:3

Kɛ Sol ndu, ndóò yeema mì ndóò puusiaa vanaa Krista-aa. Mó va keiyo cɛilan nin vanaa laalannda biwvo, vanpiaandua a vanlaandua, mó va nda malɔɔ o kaasoo.

Matie 5:20

Kani mì dimul niaa, te dɛnɛ niaa sandaa hiw dɛnɛ sandaa vanaa pɛɛkaa latɔŋnda a Faliisia le, mɛɛ la lueinin o masale halataala len nin te.»

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

1Korɛntea 15:9

Nduyɛ, o kiila tɛɛn kpow, ya co o sɔvɛ taw le ni, i co bɛɛ o sɔvɛ le ya veeloo aa kiilaa le, kani i tol kunda Hala-o yɛlen.

Rɔmnda 7:9

Paandu, i vannun yoomu, i ve o tɔŋ bɛngu le. Kɛ tɔŋndo hunɔɔ, mí hakio muungu yoomu,

Dɛnnda kiilaa 26:5

A sínà ya, o co lɛhau le. Te nda pila cɛl pɛ, mà tɛnda seilen, a co sinà maa i yɔŋnun vana pilɛ o vanaa handu pelei kpéŋ-kpéŋ o sɔɔn dinan naan coo-a tɛɛn, dina Faliisia pɛɛn.

Dɛnnda kiilaa 21:20

Mɛɛ nda tuei sɔɔn mun, má candu Hala. O kon kɔɔli, má dimul Pol aa: «Puapilɛ naa, a ce mɛɛ Yuifia taw a siŋnun vanaa Krista-aa yɛ, nda kpow a co vɛlɛ tɔŋndo biyɔɔ ɲɛkɛndɛi.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Matie 23:25

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co taala kólaa a hɛngɛiyo tueiyo o kɔɔ, mì la va leninndo mɛiyo o nɔɔlɛiyo a ɲɛm niaa poondiaa vannda o laba-on a á ɲɛm niaa sɔla a yeemɛi bɛnduei-yon.

2Masaa 10:16

Mó dimul ndu aa: «Hun n kɔ, ma ce kaola paŋalaa co ya o kɔl le Mɛlɛka-o.» Má kɔa nda ndu latulu o ɲɛ ndɔ ɲaanan soa nan-ndo nin.

2Samiɛl 21:2

O kon mí masaa veelu Kabaɔnnda, mó soaa o nda lo. Kabaɔnnda ve cuavaa Israɛl te, o Amoriia tɔ̀a lo yoomu-a nin ndáà fula ni. Mí Israɛlla ndáà yiilu nda paandu kpemaa maa ndáà yɔŋnin nda ɲɛ-ɲɛ le. Kɛ mí Saul va kindinndo le nda ciiyo le kaola bɛndu ndóò kaola Israɛlla a Yudaa-o.

Vana Kɔlkaloo 7:16

Híw i sandu le, híw vɛlɛ kɔlkaloo nɔ le, yɔŋii nɔm pila tɛɛmbuun.

Dɛnnda kiilaa 22:5

Bolle vanaa-solia-lasálàá a kunda kaasoŋaa kɔlkalua co lesei. Yáà cii nin bɛɛ sɛbɛlan lapum sɔla fulaa nda o ba le puapilɛa Yuifia va Damas-a, mì yáà kɔɛ, mì yáà bii nda, mì yáà yiw nda, mì yáà hin a nda Yerusalɛm nanu le nda saangiaa.»

1Korɛntea 10:32

La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.

Filipea 2:15

haliko mi la va vanaa yaalan te-a a vanaa diandaa, mì la va cuavaa Hala-a, à vànà seelun isɔw nin te-a vanaa co laasianndo-a a vanaa vɔɔnda tɛɛn. Mì la va nda diondɔɔ tɛɛn maa ɲɛ-tengaa o ceendo,

Tɔŋ lasálàá 13:16

Te falii kiyɛyii ken i mangalan pɛ mì i muungu ihumbu, vana nàà kon muungu o vana-solia-lasálàá lo.

Masaa kialaa n'yamaa 6:30

Mí vanaa va o kobi kon nin-nda dimul Yoas aa: «Soli po nɔmndo mo sɔla piɔ́mndo, le puusiaa o puusiaa máán Baal-lo, mó komba yɔm soolaa va lon-ndo-o.»