Filipea 3:13 - BII BILA

¹³ Puapilɛa nia, yiyan co ya bɛɛ maa i bii nin ɲɛ ya co kiltan kɔɔli-o le, kɛ ɲɛ pilɛ ya co tosaa ni: o ya hiow nin-ndo ya co pɔɛɛnndan ni, mì va kindinndo le o co ya laci-o bendallo,

Filipea 3:13 Referans Kwoze

Luke 9:62

Mí Yeesu mulul ndu aa: «Vana-vana kandu pɛ váà, mò tofan kɔɔli, ndu niŋ o Masale Hala len nin te.»

Filipea 3:12

Kon co dimi le maa i sɔla ɲɛ ya co kiltan kɔɔli-o, te kon te maa i tiiya kilta nilan mɛɛlulan, kɛ i co hiovɔɔ laci a kiltan, haliko mi bii ɲɛ ya co kiltan kɔɔli-o, kani ya bɛɛ, biyɔɔ Yeesu Krista bii ya ni.

Condii lisai 27:4

Ɲɔɔ ndu pilɛ kpé ya co Mɛlɛka ɲunaa ni, ò ya co nuwviaa a kɔl nuu kpow-vo: ɲɛ kon co calle o ndu Mɛlɛka lo cɛinin o palɛi ya co yoomu-e kpow bɛngu ni, le naŋɔɔ ndu Mɛlɛka-o tofaa a le naŋɔɔ cɛi ndɔɔ mɛɛndanndo.

Filipea 3:8

Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,

Hebreea 6:1

Lelan n mɛinun sɔɔn kindu o pɛɛkuula Krista lan nin toon a makɔɔ, mì n mulin hɔlla o sɔɔn kaasonnda. N muungun ndɛ o pɛɛkoo ho tumndo di le, maa mɛɛ dɛnnda yɔngu vana piɔ́mndo sɔlaa lan malɔɔ co nuaa yɛ, Hala laalanndo,

Filipea 2:12

Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.

Luke 10:42

kɛ nduyɛ, dɛnɔɔ ndu pilɛ kpé naŋ ni. Dɛnɛ hiow kon naŋɔɔ-o Mari hɛli nuaa ni, nduyɛ, vana-vana heelunin ndu dɛnɛ kon o ba le.»

2Piɛr 3:8

Kɛ dɛnɛ pilɛ co, o niaa bɛnda le pɔɛɛnɔn too, caaŋaa nia: Mɛlɛka o hɔl, paalen ten pilɛ le co macoaa maa vɔsilan vàá pilɛ, mì vɔsilan vàá pilɛ la va maa paalen ten pilɛ.

2Korɛntea 5:16

Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.

Condii lisai 45:10

Cuavaa laandua masaa co nanu, a nɔ yɔɔvala kɛndɛlan o labolo. Masa laandoo co nɔm isisi o ba kɛndɔɔ coo, ɲɛm nda toosiaa a sianion Ofir-on co ndu lekɔɔ.