Filipea 3:1 - BII BILA

¹ Le sɔɔn tɔ̀un yɛ, puapilɛa nia, la dɔwnun ɲaale o Maalii nin. Ɲɛ pala ya le niaa sɔɔn pilɔn miinguuo sɛvallo le, kani kon co fisa le niaa ni.

Filipea 3:1 Referans Kwoze

Filipea 4:4

La dɔwnun ɲaale lɔ́ɔ́-lɔ́ɔ̀ o Maalii nin, mì tɔla vɛlɛ dimi, la dɔwnun ɲaale.

Rɔmnda 5:11

Hiovɔɔ o kon coo, n nɔla mì n kuundian o Hala nin Maalii naa Yeesu Krista o ba bɛngu. Ndu tosá ni mì bɛndaa muungu naa tɛɛn naa Hala-aa.

Nsaki 1:2

Puapilɛa nia, la cɔ̀ tɔɔndannda niaa co keiyo nin-ndan kpow maa dɛnɛ kɔlkɛndɛ bɛndu,

1Piɛr 4:13

Kɛ la dɔwnun ɲaale le sangala Krista lan sɔlaa, haliko mi la naŋ kɔl, telen biilu ndɔɔ fulanin ceen-ndo.

1Tesalonikea 5:16

La vá a ɲaaloo lɔ́ɔ́-lɔ́ɔ̀,

Filipea 4:8

Le sɔɔn tɔ̀un yɛ puapilɛa nia, la va kɔllo keelaa o dɛnndan ndan coo: dɛnnda toɲa lan kpow, dɛnnda lebɛɛlan kpow, dɛnnda sandaalan kpow, dɛnnda diandaa lan kpow, dɛnnda vannda hini kɔltan-ndan kpow a dɛnnda vanà sɔlà lisaa lan kpow.

1Piɛr 3:8

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.

2Piɛr 3:1

Caaŋaa nia hɛnan ya-a, sɛbɛ ni diinndɔɔ ya co niaa sɛvallo ho ni. O sɛbɛla tiɔnndan ndan nin kpow, i co niaa yiyalanndo haliko mi la nɔ kɔltan o sɔɔn ya co niaa dimullo-on coo.

Efɛsea 6:10

Le sɔɛi siowvo, la luei yoomuan o Maalii nin a o kpaaya ndɔ bɛndu-bɛndoo nin.

Luke 1:47

i dɔwnun ɲaale le Hala, Vana Ciindiaa nuu,

Sakari 10:7

Cuavaa-imamaa Efraim-nda nɔnin kpaayaa maa kuubaa cɔw. A vanin a kɔlkɛndɔɔ mɛɛ vana kol mɔiyan ma va a kɔlkɛndɔɔ nuaa yɛ. Poaa ndaa canin kon mì nda bɛɛ dɔwnun ɲaale. A dɔawnunnin ɲaale taw o Mɛlɛka nin.

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Sofoni 3:14

«Lelan, la yonda a kɔlkɛndɔɔ, niaa vannda Siɔn. La deŋi a ɲaale bɛndoo, niaa Israɛlla. La naŋ kɔl mì la viow kponyoo taw, niaa vannda Yerusalɛm.

Yɔɛl 2:23

Niaa cuawva Siɔn yɛ, la yo a kɔlkɛndɔɔ. La dɔwnun ɲaale o Mɛlɛka Hala niaa nin. Kani o yɔngunin niaa piɔɔ o telen ndɔɔ. O tuisulnin niaa piɔɔ a vɔɔle pɔmbɔlen, mò tuisul niaa vɛlɛ piɔɔ telen vaala taselan maa mɛɛ ndóò tosa paandu yɛ.

Condii lisai 37:4

Siinguu Mɛlɛka vana n dɔawnun ɲaale nin-ndo, mò yɔngu nɔm ɲɛ kɔl nɔmndo yeema-o.

Condii lisai 32:11

Niaa vanaa sandaa, la naŋ kɔl mì la dɔwnun ɲaale o Mɛlɛka nin! Niaa vanaa dendu kɔltan-nda kpow, la yonda mì la dɔwnun ɲaale!

SƐBƐ YƆB-O 22:26

O kon a siinguu dɔ́ɔ́ Vana-Kpaayaa-Kpow vana n dɔawnun ɲaale nin-ndo, ma tofa ndu Hala a kɔlkɛsiaa.

1Dɛnnda lemasalan 29:22

Paale len, mí Israɛlla dia, má kol a ɲaaloo taw Mɛlɛka o hɔl. Má yonda vɛlɛ ɲinkon yonda diinndɔɔ maa Salomɔn po David-o co masaa ni, má pɔla ndu o diola Mɛlɛka lan le siŋnɔnndo simlacinɔɔ, má pɔla vɛlɛ Sadɔk le siŋnɔnndo vana-solia-lasálàá.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Matie 5:12

La naŋ kɔl mì la dɔwnun ɲaale, kani vɔ̀ngɔ̀ niaa vanin o bɔɔ o halataala. Kani lende nda tol vanaa-tɛɛngaa-diom Hala-a hiow niaa laci-a yɛlen ni.»

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

Esai 41:16

La hɛinin mun mì hoeiye kɔndu mun, mì hoeyii felenfelennde saŋ mun fásàn. Kɛ niaa, la dɔawnunnin ɲaale o Mɛlɛka nin, la biilu O-Diandaa Israɛlla.

Condii lisai 149:2

Niaa Israɛlla, la dɔwnun ɲaale, ndu cɔw niaa ni. Màá vanaa co Siɔn-nda dɔwnun ɲaale le masa ndaa!

Condii lisai 97:1

Mɛlɛka co masaa ni, màá vanaa co o lɛŋnden coo-a kpow a dɔwnun ɲaale, mì vanaa co levil-la kpede a dɔwnun ɲaale!

Condii lisai 42:4

Idii a icɔl, i co mɛmɛan pumndo. Vannda co ya ɲuuniaa tuŋ aa: «Kuɛɛ nɛ Hala nɔmndo co yɛ?»

Condii lisai 5:11

Òó Hala! Yaala nda, mì tuula ndalan la tɛɛmbuu nda pila. Kɛɛ nda le hakila ndala cuu cɔm te lan, kani a ciŋilan nɔm.

Nehemi 8:10

Mí Ɛsdras dimul vannda aa: «La kɔ mì la de ɲɛdiaa sɔvɛɔ, mì la kol mɔima sɔvɛ-sɔvɛan, mì la ke vanaa nɔ ɲɛdiaa o bɛɛndiaa le-a. Kani paalen nden hau, paale diandaalen le co le Mɛlɛka naa ni. La va a kɔltambɛi le. Bau kɔlkɛndɛ Mɛlɛka-o, ndu co yoomuma niaan ni.»

1Dɛnnda lemasalan 16:10

La hini kɔl le diola ndɔla diandaalan. Niaa vanaa co Mɛlɛka nuwviaa-a, la dɔwnun ɲaale.

1Dɛnnda lemasalan 15:28

Mí Israɛlla kpow a kɔa a kesu kpema Mɛlɛka-o Yerusalɛm a kponyo bɛndoo, a va bululan hɔŋndo, ma va vɛlɛ kɛ́ŋndon, tòvalan a bondomalan lɔɔ.

1Samiɛl 2:1

O kon mí Anɛɛ tosa piɛilen mó dimi aa: «Kɔl nuu co o piaa a ɲaaloo le kɛndɛi Mɛlɛka-e. Le kɛndɛi Mɛlɛka-e, siɛmbula co ya le. I nɔla nin mì mam yaamɔaa nia. I co a kɔlkɛndɔɔ, kani Mɛlɛka cii ya mala.

Tɔŋ miingua 16:11

Mì la dɔwnun ɲaale Mɛlɛka Hala niaa o hɔl o fonda o hɛlinin le ndu pila cɔmnɔnndo-o niaa poaa niaa, cuavaa niaa laandua, buɛyaa niaa piaandua, buɛyaa niaa laandua, leviaa vanin icali o kobila niaalan nin-nda, mialaa vanin icali niaa o bɛngu coo-a, vííya a vanlaandua piaandaa ndaa vi-a, á vanin icali niaa tɛɛn-nda.

Tɔŋ miingua 12:18

Mɛlɛka Hala niaa o hɔl, o fonda ndu pila hɛlinin-ndo niaa bɛnda le ɲɛla lan dioo ni. Niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda bɛnda le ɲɛla lan dioo ni. O kon, la dɔwnun ɲaale Mɛlɛka Hala niaa o hɔl le kɔmnde niaa vanin sɔlaa o valta niaalan nin-nden.

1Tesalonikea 4:1

Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

Esai 65:14

Àá mbɔ̀! Vanaa niaa baalaa viawnin kponyoo a yoondiaalan, kani dɛnɛ kɛndɔɔ a ɲaaloo vanin nda o kɔl. Kɛ niaa la vanin koŋullo le sanga vanin niaa o kɔl-lo, kɔlta niaalan la sanganin háá mì la ŋɔɔcian.

Condii lisai 33:1

Niaa vanaa sandaa, la viow kponyoo le Mɛlɛka, kani dɛnɛ kɛndɔɔ o co le vanaa sandaa ndu lisaa.