Filipea 2:7 - BII BILA

⁷ Kɛ mí ndu pila mal biilu o va nin-ndo, mó siingun cɛɔ le siŋnɔn o siŋnun maa vanaciee-o. Ndóò cɔu maa o siŋnun vanacieo,

Filipea 2:7 Referans Kwoze

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Rɔmnda 15:3

Kani, Krista nuwviaa hɛnan ndɔɔ le. Kɛ mɛɛ o sɛvan yɛ aa: «Yeowla vannda co nɔm-ndan, yeowla lan koni nda co ya ni.»

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Luke 22:27

Kani ɔ́ɔ̀ vana co vana bɛndoo-o: vana co ɲɛdiaa dioo-o baa vana co ndu ɲɛdiaa keo-vo? Vɛ̀ɛ̀ o co vana co dioo-o le? Nduyɛ, ya i co niaa tɛɛn maa vana niaa baala.

Rɔmnda 15:8

I co niaa ndi dimul, vana lo o lediom coo-o Hala co ni. Lelan Krista siŋnun vana baala Yuifia ni, le kpemala Hala yiilu fuɲaa ndaa mamaa lan peeloo.

Filipea 2:6

Ndu co ɲɛ pilɔɔ a Hala-o, o kungulan siimian o siimian nda Hala-o coo le.

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Condii lisai 22:6

A va nɔm cɛɛŋɔnndo o lani, má va baŋaa sɔlaa. Nɔm ndáà tiindan ni, lelan siɛmbula tul nda le.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Matie 12:18

«Vana ni baala ya hɛli-o co hoo ni, o ya kaola-o, o ya hini kɔl-lo pɛɛn. I tuisinin Kɔl nuu ndu coo, mò cɔm vanaa-mangalaa-isɔɔa dɛnɛ sandaa.

Hebreea 13:3

La yiyan vanaa co o kaasolan-nda coo maa niaa ndaa co o kaasoo ni, mì la yiyan vanaa nda co saangiaa-a coo maa mɛɛ nda va niaa bɛɛ saangiaa yɛ.

Rɔmnda 1:3

A Po ndɔɔ o kɔɔ Yoongu kɛndɛ kon soo ni, o velun o falon nin fulaa o polale David len coo-o.

Marke 9:12

Mó mulul nda aa: «Kani Elii co fɔlɔn hunɔɔ, mò mingi dɛnndan kpow o fonda ndɔɔ. Vɛ̀ɛ̀ o co yɛ o sɛvaa a Po vanacieo o kɔɔ, o co hunɔɔ, mò sanga taw, mì vannda ce ndu vana fondoo-o?

Sakari 3:8

‹Lelan nɔm Yosue co bolle vanaa-solia-lasálàá-o a caaŋaa nɔmaa niaa co baala pilɔɔ tosaa ya o hɔl-la, la yaŋ nilan! Bau vanaa co tɔɔmasele levundoo-a niaa co ni. Kani la tofa vɔ, i co vana baala nuu cuu, vana ni baala nɔ diolan aa Vulɔɔ-o.

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Esai 49:3

Mó dimul-la aa: «Vana ni baalaa n co ni, nɔm Israɛl, o nɔm nin ya lisannin ni.»

2Korɛntea 13:4

I co toɲa, maa lɔ́ɔ́ nda baŋ ndu o yɔm singafilaa coo-o, oo nɔ mayoomu le. Kɛ sisa, o co yoomu o kpaaya Hala-o bɛngu. Lende koni naa bɛɛ n co ni, n nɔ mayoomu le, kɛ n co yoomu o ndu nin o kpaaya Hala-o bɛngu.