Filipea 2:5 - BII BILA

⁵ Kela niaa va maa kela vanaa sínà Yeesu-a.

Filipea 2:5 Referans Kwoze

1Nsaŋ 2:6

Vana dimi pɛ maa o co o Hala nin, ndu bɛnda mò kela maa Yeesu.

Matie 11:29

La siilun volɔɔla nilan, mì la sɔla pɛɛku nuu, kani vana vi kɔllo-o a vana tuisianndo ya co ni, la sɔlanin pɛngio o kɔlta niaalan nin.

1Piɛr 2:21

Le ken kpeekpei niaa sɔla veeloo ni, kani Krista bɛɛ sanga le niaa mó mel niaa tɔɔmaseloo haliko mi la dem foofola ndɔlan.

1Piɛr 4:1

Lelan, le mɛɛ Krista sanga o falon nin yɛ, niaa bɛɛ ken va niaa o lakɔl, kani vana sanga pɛ o falon nin, ndu sɛyan a hakio,

1Korɛntea 10:33

La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Rɔmnda 15:5

Màá Hala ke vana biuvɔnndo mò ɲɔɔlu vana-o ke niaa kɔl pilɔɔ vellaa-velle le vaa velan Yeesu Krista-o,

Dɛnnda kiilaa 20:35

O dɛnndan nin kpow, mí cɔm niaa maa mɛɛ mì vana tosa baalaa le vanaa bala fondoa-a malaa, mì vana loonun a sɔɔn Maalii Yeesu pila dimi-on aa: Vanndo ɲɔɔ keo hiow vana dɛnɛ kɛndɔɔ yɔngoo a vanndo nɔm ɲɔɔ keo.»

Rɔmnda 15:3

Kani, Krista nuwviaa hɛnan ndɔɔ le. Kɛ mɛɛ o sɛvan yɛ aa: «Yeowla vannda co nɔm-ndan, yeowla lan koni nda co ya ni.»

Luke 22:27

Kani ɔ́ɔ̀ vana co vana bɛndoo-o: vana co ɲɛdiaa dioo-o baa vana co ndu ɲɛdiaa keo-vo? Vɛ̀ɛ̀ o co vana co dioo-o le? Nduyɛ, ya i co niaa tɛɛn maa vana niaa baala.

Rɔmnda 14:15

Taa saangiaa pɛ puapilɛ nɔmndo kɔllo le ɲɛdiaa n co dioo-o, mɛɛ a tosa dɛnɛ kaolaa le. Tosa mì ɲɛdiaa nɔmndo yɔŋnun sabu le delɔɔ vana Krista vi le ndu-o le.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Filipea 1:1

Naa vanaa baalaa Yeesu Krista-a, Pol nda Timote pɛɛn. N co vanaa laalaŋaa co o Yeesu Krista nin Filipe-a, simlacia a vanaa co vanaa baalaa Hala-a malaa-a kpede sɛbɔɔ ho sɛvallo.