Filipea 2:3 - BII BILA

³ La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

Filipea 2:3 Referans Kwoze

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

Kalatea 5:26

N vannun vanaa yonga le naa pila tiiŋuanndo te kon te tɔ́ɔ́yanndan biinanndo vellaa-velle le.

Efɛsea 5:21

La biinan diomndan vellaa-velle le bɛɛle niaa co Krista keo len.

Efɛsea 4:2

La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Filipea 2:14

La tosa dɛnndan kpow, o va a sɔɔn pɔmbɔ le, o va vɛlɛ a lasɛɛngian te,

Kalatea 5:15

Kɛ te la co pɛ kisikisianndo mì la va misimisianndo vellaa-velle, mɛɛ la caa dɛ, yɔŋii niaa tɛɛmbuan vellaa-velle.

1Timote 6:4

mɛɛ yongaa pɛ ndu lende nin ni, o sínà ɲɛ-ɲɛ le. Yeemɛi o nɔ lende le sɛɛngianndan a le diomndan hiŋanndo o sɔɔn pum coo ni. Nduyɛ o kon nin paŋalianndan, sɛɛngianndan, yeowlan, sɔɔn vɔɔnndon tuuvo

Luke 18:14

I co niaa dimul, mí Hala tuinun vana biyaa muloo iɲíí, mó muungu o ndu lo bɛ́ɛ̀, kɛ o tuinun o pilɔɔ iɲíí le. Lelan, vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Talelan 13:10

Yongaa hun a sɛɛngianndan ni, kɛ le vanaa bii silaa-a kɔlkaloo co ni.

Kolɔsea 3:8

Kɛ sunsun, niaa bɛɛ la mal dɛnnda lan kpow: kɔltuwvo, nɛyɔnndo, kɔlvesɛiyo, congulan a sɔɔn vɔɔŋun va niaa fulaa o sondo-on.

2Korɛntea 12:20

Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

1Korɛntea 15:9

Nduyɛ, o kiila tɛɛn kpow, ya co o sɔvɛ taw le ni, i co bɛɛ o sɔvɛ le ya veeloo aa kiilaa le, kani i tol kunda Hala-o yɛlen.

Rɔmnda 13:13

N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

Rɔmnda 2:8

Kɛ o tuisinin kɔltuw ndɔɔ a hiilɛi ndɔɛi vanaa sɛɛngiaa ndu, má kɛɛ toɲaa, má muungu bollen vowvo o dɛnɛ vɔɔndo nin-nda coo.

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

1Piɛr 3:8

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.