Filipea 2:26 - BII BILA

²⁶ kani co yeemaa taw le niaa cɔu vɛlɛ kpow, o co buulanndo taw le tùú niaa tuei maa o co a naa-o.

Filipea 2:26 Referans Kwoze

Filipea 1:8

Nduyɛ Hala co ya lesei maa i kaola niaa taw o Yeesu Krista nin.

Efɛsea 3:13

Lelan, i co niaa tɛɛlɔn, la vu n'dial le sanga ya co sɔlaa le niaa-o le, biilu niaa co kon ni.

Rɔmnda 12:15

La dɔwnun ɲaale a vanaa co o ɲaaloo nin-nda latulu, mì la caŋ a vanaa co caŋndo-a latulu.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Talelan 12:25

Buulanndan la va pɛ vanndo o kɔl, o vi diallon. Kɛ sɔɔn kɛndɔn nɛŋi vana kon kɔllo ni.

Filipea 4:1

Lelan puapilɛa nia hɛnan ya-a, yeemɛi co ya le niaa cɔw vɛlɛ. Niaa co ɲaale nuu a bɛɛle nilen ni. Lelan, caaŋaa nia hɛnan ya taw-va, la lo lende yili o Maalii nin.

Rɔmnda 9:2

kɔl tambɛi bɛndoo a mɔnɛi tuŋ co ya o kɔl ni.

Matie 26:37

Mó kɔa a Piɛr a poaa ŋiɔŋaa Sebedee-a kɔɔli. Mó kandu kɔllo tambei a buulanndo taw.

Matie 11:28

Niaa volɔɔlan la co o lebol mì la va o sangaa nin-nda kpow, la hun o ya lo, mì ke niaa pɛngio.

Condii lisai 69:20

Nɔm, a sina mɛɛ vannda co ya yeowlan yɛ, a sina mɛɛ nda co ya siɛmbulan tuisio a ya bɛɛlan tɛɛmbuuo yɛ. Yaamɔaa nia kpow a co nɔm o hɔl.

2Samiɛl 13:39

Kɛ mí masaa mɛɛlu kɔllo ɲulul a Absalɔm, kani mó sɔla ɲɔɔloo le piɔ́m po ndɔɔ.

1Piɛr 1:6

La co ɲaaloo dɔwnɔnndo mì la va huuloo le ken, la kei bɛɛ o sanga súú-súù ka nin le telen bingi.

Filipea 1:3

Telen oo telen kɔllo kɔɛ ya pɛ o niaa lo, i candu Hala nuu.

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.

2Korɛntea 9:14

Yeemɛi biinin nda o lakɔl le niaa, mà piɛi Hala le kɛndɛi bɛndui o tosal niaa-e.

1Korɛntea 12:26

Te falei ipilɛ sɔla pɛ sangaa, falun tɔ̀un kpow n sanga latulu a ndi. Te ipilɛ sɔla pɛ biiloo, n tɔ̀un kpow n dɔwnun ɲaale a falii ken latulu.

Rɔmnda 1:11

Kani yeemɛi co ya taw le niaa cɔu, mì yoo niaa ke kɔllo pum, haliko mi la sim yili.

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

SƐBƐ YƆB-O 9:27

I dimi pɛ aa i pɔɛɛnun-ndɔ cɛɛŋɔnnda nilan, mì pɛngi suumaa ho, mì cɔm maa i co a kɔlkɛndɔɔ,

2Samiɛl 24:17

Mɛɛ David ce mɛlɛkanɔɔ vannda diwvo, mó dimul Mɛlɛka aa: «Ya cua hakio ni. Ya tɛɛmbuu tɛɛmbuuo ho ni. Vannda ha tosa dɛnɛ vɔɔn kɛ́-kɛ̀ le. Lelan yandi, tuisi ya pila a yungu nuu sangaa ho coo.»

Filipea 2:25

Kɛ nduyɛ, i ce maa o co fisa mì vem Epafrodite puapilɛ nuu, o naa n co baalaa latulu, mì n va cɔlɔba pilɔɔ-o, o niaa vem le ya hunɔɔ malaa lɔ́ɔ́ ya va o bahavɛiyo nin-ndo,

Filipea 2:27

I co toɲa maa mí ndóò naa taw, o va le vuo. Kɛ mí Hala tuinun ndu iɲíí, o co yɛ ka ndu le o tuinun iɲíí le, ya bɛɛ mó tuinun ya iɲíí, yɔŋii yáà sɔla kɔl tambɛi celen o hoo kɔɔli.