Filipea 2:21 - BII BILA

²¹ kani vana-vana co tɔnɔ ndɔ ndu pila-o nuwviaa, a co buulan le dɛnɛ Yeesu Krista-o le.

Filipea 2:21 Referans Kwoze

1Korɛntea 10:24

Vana-vana nuwviaa dɛnɛ kɛndɔɔ le ndu pila daama le, kɛ o nuwviaa dɛnɛ kɛndɛ caanda.

Matie 16:24

O kon, mí Yeesu dimul kaandeŋaa ndɔa aa: «Vana yeema pɛ le ya hunɔɔ kɔɔli, mɛɛ o pɔɛɛnun a ndu pila, mò siilun yɔm singafilaa ndɔɔ, mò del-la kɔɔli.

Filipea 2:4

Vana-vana o niaa tɛɛn buulan ko le tɔnɔ ndɔɔ daama le, kɛ o buulan vɛlɛ o caanda.

2Timote 3:2

Kani vanndacieea kaolannin nda pila, mà kaola volion. A vanin vanaa heelannda, a vanaa yongaa. A vanin sɔɔn tanan dimio a Hala o kɔɔ. A venin sɔɔn vanaa velu nda-a biyɔɔ le, a venin vanaa sinaa ikɛndɛ le, a kenin ɲɛm diandan Hala-on lebɛɛ le.

1Korɛntea 10:33

La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.

1Korɛntea 13:5

o tosa dɛnnda lasiɛmbu lan te, o toofia tɔnɔ ndɔ ndu pila le, o fula kɔl te, o tuunun dɛnɛ vɔɔn o kɔl te,

Luke 14:26

«Vana-vana yeema pɛ le ya delɔɔ kɔɔli, mɛɛ mò kɛɛ fuɲa ndɔ, kala ndɔ, laa ndɔ, cuavaa ndɔa, puapilɛa ndɔa a yemaa ndɔa, mò kɛɛ vɛlɛ yoomu ndɔɔ, te o co kon te, o tiwba mò siŋnun kaandennɔ nuu le.

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

2Timote 4:10

kani Dimas kaola ceendo ho mó faŋan ya kɔɔli, o kɔɛ Tesalonike, Kresensa kɔɛ Kalasii, Tite kɔɛ Dalmatii.

2Korɛntea 1:5

Kani mɛɛ sangalan la kui Krista coo le naa yɛ, lende koni naa n co ɲɔɔloo cɔɔloo sɔlaa o Krista nin ni.

2Timote 4:16

Paale tasele ya va kɔɔsɔɔ len, nda kpede, vana-vana lo ya ikɛi le, má mal-la kpow. Kɛ màá Mɛlɛka loonun ɲɛ nda tosa kon-ndo le!

Dɛnnda kiilaa 15:38

kɛ mí Pol ca maa o ve yiyan kɛndɛ le, kani a va vɔ Pamfilii, mó faŋan nda kɔɔli, o liila lɛ nda o baala ndaa nin te.

Dɛnnda kiilaa 13:13

Mí Pol a vanaa va ndu kɔɔli-a a luɛi o dɛ̀ndɔ̀ɔ́ nin Pafɔs, má muungu Pɛrkɛn o lɛŋnde Pamfilii len nin. Mí Nsaŋ mɛi nda lon, mó muungu Yerusalɛm.

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

2Timote 1:15

A sínà maa vanaa co Asii-a kpow a cii ya malɔɔ, hali Fikelus nda Hɛrmosɛne bɛɛ a mal-la.

2Masaa 12:6

O bɛnda mì vanaa-solia-lasálàá biw volin mun, vanaa nda siinian-nda o laba, mà luei mun o baalala toosiaa Cɛi-Hala-o nin. Fondala kɛ́-kɛ̀ o tambu, la mingi ndu toosiaa a mun.»