Filipea 2:2 - BII BILA

² mɛɛ la va diom pilɛ, o kon mì la peelu ɲaale nuu. La kaolian vellaa-velle, mì la nɔ kɔl pilɔɔ a yiyan pilɔɔ.

Filipea 2:2 Referans Kwoze

Rɔmnda 12:16

La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

1Korɛntea 1:10

Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.

3Nsaŋ 1:4

Ɲaale kɛ́-kɛ̀ hiw ɲaale va ya o kɔl le tueyɔɔ maa cuavaa nia co kelaa o nɛi toɲaa coo-o le.

Filipea 2:16

kani la nɔ sɔɛi yoomuɛi. Lelan siɛmbula biinin ya paale Krista hunnin-nden te, kani i ɲeenun ɲaanɔn fondo le, i sanga sanga fondo le.

Dɛnnda kiilaa 2:46

Lepalaa-lepala, a va biuvɔnndo cuungianndo o Cɛi-Hala-o nin. A va ɲɛdiaa dioo cɛilan nin a kɔlkɛndɔɔ a o tuisinndo nin.

2Nsaŋ 1:4

Ɲɔɔ hɛnan ya taw lɔ́ɔ́ ya ce cuavaa nɔmnda pum kelaa o toɲaa coo-o, maa mɛɛ tɔŋ naa n sɔla Pua o ba-o co yɛ.

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

Kolɔsea 2:5

Kani mi ve bɛɛ niaa tɛɛn o diallon nin te, i co niaa tɛɛn o kɔllo nin, mì ɲɔɔ va ya hɛnanndo le niaa cɔu simndan yili, mì la va lou o laalan co o Krista nin-ndo coo.

Filipea 4:2

I co Evodi nda Sɛntis ɲɔɔlu le yiyan pilɛ nda nɔ o Maalii nin-ndo.

Filipea 2:20

Kani i nɔ vana celen te, o buulan dɛnɛ niaa-o, vana nɔ̀ kɔllo lekɛ́ndɛi o sɔɛi niɛi coo-o,

2Korɛntea 7:7

O co le hunɔɔ ndɔɔ daama le, kɛ le ɲɔɔlu o sɔla niaa o ba-o. Mó cɔm naa mɛɛ niaa nɔ yeemɛi le ya cɔu yɛ, mɛɛ niaa co o mɔnɛi nin yɛ a mɛɛ niaa co a bɛɛndiannda le ya yɛ. Lelan sunsun, i co a ɲaaloo taw.

2Korɛntea 2:3

Le hee ya sɛval niaa mɛɛ ya tosa nuaa yɛ ni, yáà yeema mì yáà kɔɛ o niaa lo, mì yáà tambu kɔl a vanáà yɔngunin ya ɲaaloo o kɔl-la le. Nduyɛ, i laalan maa te i dɔwnun pɛ ɲaale, niaa bɛɛ la dɔwnun ɲaale.

Dɛnnda kiilaa 5:12

Dɛnnda kaamaalan a dɛnnda kɔndɔfiltan taw kiilaa tosa vannda tɛɛn ni. Vanaa laalannda va cuungianndo o tongo Salomɔn-ndo bɛngu lɔ́ɔ́-lɔ́ɔ̀.

Dɛnnda kiilaa 1:14

Nda kpow, a va Hala piɛiyo o diom pilɔɔ nin nda vanlaandua, a Mari kalaa Yeesu a pɔmbɔa Yeesu-a.

Filipea 1:4

Lɔ́ɔ́-lɔ́ɔ̀ ya va pɛ Hala piɛyo le niaa kpow, i piɛi a ɲaaloo,

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

2Timote 1:4

I co loonɔnndo a mɛmɛma n tuisi-an o kɔɔ, ya yɛ, yeemɛi co ya taw le nɔm cɔu vɛlɛ haliko mi dɔwnun ɲaale taw-taw.

Dɛnnda kiilaa 2:1

Paale kafo koavaa lee tiiyaa, mí vanaa laalannda kpow a cuungian nɛɛ pilɛ.

Filemɔn 1:20

O ya yeema nɔm o ba o Maalii nin-ndo co kon ni, puapilɛ nuu, ɲulul-la kɔllo o Krista nin.

Condii lisai 122:8

Le tùú ya kaola puapilɛa nia a caaŋaa nia-o, mí dimi aa: «Màá la sɔla kɔlɲuloo!»