Filipea 2:16 - BII BILA

¹⁶ kani la nɔ sɔɛi yoomuɛi. Lelan siɛmbula biinin ya paale Krista hunnin-nden te, kani i ɲeenun ɲaanɔn fondo le, i sanga sanga fondo le.

Filipea 2:16 Referans Kwoze

1Korɛntea 9:26

Lelan, i co kiltan, kani i co ɲɛ pum kɔɔli, o co mɛ̀ɛ́-mɛ̀ɛ́ ka le. I co baa solio le kundɔɔ, kɛ o co le ihoei lɔɔ le.

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.

1Nsaŋ 1:1

Ɲɛ va kabi o tasendɔ-o, o naa n tuei-yo, o naa n ce a lehɔl-lo, o naa n mɛɛndian mí n pilan a dɛnɛ sɔɛi cindɛi o kɔɔ-o,

Nsaŋ 6:68

Mí Simɔn Piɛr mulul ndu aa: «Maalii, o nɛ̀ɛ̀ lo naa n kɔa yɛnin? Nɔm nɔ sɔɔn yoomu fɛɛn-fɛɛnndon ni.

1Tesalonikea 3:5

Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.

Nsaŋ 6:63

Kɔl Hala-o ke vana yoomoo ni. Diallon nɛŋi mako kɛ́-kɛ̀ le. Kɔl Hala-o a yoomoo sɔɔn ya dimul niaa-on co ni.

Luke 12:8

Mí Yeesu dimi aa: «Mì dimul niaa, vana-vana sɔlɔlan pɛ vannda o hɔl maa le ya o co ni, ya Po vanacieo bɛɛ sɔlɔlannin sɔɛi vana kon mɛlɛkaa Hala-a o hɔl.

Hebreea 4:12

Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

1Piɛr 1:23

niaa velun a sɛnɛi, o co o yɛi vu-o nin te-a, kɛ o yɛi vi loo nin a sɔɛi Halɛi kiyɛyii hiw lɔ́ɔ́-lɔ́ɔ̀ lei nin-nda.

1Tesalonikea 2:19

Kani niaa naa n tiindan ni, o niaa nin naa n dɔawnun ɲaale ni. Telen Maalii Yeesu hunnin-ndo, niaa vanin tɔɔmasele cɔ̀m maa n nɔla-o ni.

Kalatea 4:11

Siòònde co ya, te o co sanga fondo fúú le ya sanga sangaa ho le niaa le!

Esai 49:4

Ya ya, mí dimi aa: «Fondo fúú ya saangian ni, le ɲɛ fondoo a ɲɛ co loo ya cii yoomuma nian ni. Kɛ dí nuu co Mɛlɛka o ba, vɔ̀ngɔ̀ nuu co o mandaa Hala nuu o ba.»

Condii lisai 71:17

Òó Hala, nɔm pɛɛku ya kabi o felengiyɛi nii nin ni. Nduyɛ, háá hau, i co vannda dimullo a dɛnnda kaamaala nɔmndan o kɔɔ.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Dɛnnda kiilaa 13:26

Puapilɛa nia, niaa fula o polale Abraham-nden nin, mí la nɔ siòòŋii Hala-e, mí la va naa tɛɛn nanu-a, naa Hala cuu sɔɛi cindɛi he ni.

Matie 10:27

O ya co niaa dimullo o ɲumndan nin-ndo, la dimi ndu ipala déŋ. O niaa co tueinɔnndo o lani ɲiimu-ɲiimu-o, la yonda ndu o cɛilan coo.

Condii lisai 40:9

Hala nuu, i yeema mì tosa hɛnan nɔmndo, mì mandan tɔŋ nɔmndo o kɔl kpíŋ.

1Korɛntea 1:8

Mɛlɛka hiawnin laci a niaa kpaayaa keo háá o mɛɛlulan, haliko mi la va vanaa yaalan te-a paale Maalii naa Yeesu hunnin-nden te.

Filipea 1:6

I nɔ laalanndo maa: Vana kandu vali kɛndɛ kon niaa o kɔl-lo lonin lecoo háá mò cii ndu o paale Yeesu Krista hunnin-nden.

Filipea 1:10

haliko mi la nɔla dɛnnda sɔvɛlan sinaa, mì la va a diandaa a vanaa yaalan te-a haa o hunɔɔ Krista-o.