Filipea 2:14 - BII BILA

¹⁴ La tosa dɛnndan kpow, o va a sɔɔn pɔmbɔ le, o va vɛlɛ a lasɛɛngian te,

Filipea 2:14 Referans Kwoze

1Piɛr 4:9

La va vanaa bii mialla-a vellaa-velle, o va a sɔɔn pɔmbɔ le.

1Korɛntea 10:10

N ŋɔɔcian maa mɛɛ a pum nda tɛɛn va ŋɔɔcianndo yɛ le, mí mɛlɛkanɔ nɔ piɔ́mndo o ba-o tɛɛmbuu nda.

Filipea 2:3

La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

Nsaki 5:9

Puapilɛa, sɔɔn pɔmbɔn va niaa tɛɛn te, yɔŋii niaa sɔla yaalaa. La tofa vɔ, vana kialaa iyamaa co isisi o dio.

Rɔmnda 12:18

Te kon nɔla pɛ tosan, te a niaa sɔɛi co ni, la kindin mì la va o kɔlɲuloo nin a vannda kpow.

1Tesalonikea 5:15

La kindín, vana-vana mìngì dɛnɛ vɔɔndo a dɛnɛ vɔɔndo le, kɛ la vá dɛnɛ kɛndɔɔ tosaa niaa pilaa tɛɛn lɔ́ɔ́-lɔ́ɔ̀, mì la vá ndu vɛlɛ tosaa a vanaa celen.

Nsaki 1:20

Kani kɔltuw vanacieo tosa dɛnɛ sandaa Hala-o le.

Kalatea 5:26

N vannun vanaa yonga le naa pila tiiŋuanndo te kon te tɔ́ɔ́yanndan biinanndo vellaa-velle le.

Kalatea 5:15

Kɛ te la co pɛ kisikisianndo mì la va misimisianndo vellaa-velle, mɛɛ la caa dɛ, yɔŋii niaa tɛɛmbuan vellaa-velle.

Nsaki 3:14

Kɛ te la nɔ pɛ paŋala vɔɔndo a sɛɛngianndan niaa o lakɔl, mɛɛ la kuundian mì la dimí còòlan a toɲaa o kɔɔ le.

Rɔmnda 14:1

La bii vana nɔ laalan bɔɔ loo, o va a yiyannda ndɔlan sɛɛngiaa le.

Condii lisai 106:25

Má muungu sɔɔn pɔmbɔn dimio o dɔ́ɔ́ngɔ́la ndalan nin, má kɛɛ le sɔɛi Mɛlɛka-e biyɔɔ.

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

1Piɛr 3:11

O bɛnda mò kpakpala dɛnɛ vɔɔndo, mò tosa o kɛndɔɔ, mò nuwviaa dɛnɛ kɛndɔɔ, mò tol ndu kɔɔli.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

Rɔmnda 16:17

Puapilɛa nia, i co niaa sila, la mandan a vanaa luei piɔvianndo o kundaa tɛɛn-nda, a luei kan vannda o pɔwlan nin a pɛɛku niaa sɔla-o o kɔɔ-a pɛɛn. La faŋan nda kɔɔli few.

Dɛnnda kiilaa 15:2

Pol, Barnabas a vanaa kan cɛlan o dɛnɛ kon coo le, má sɛɛgian taw. O kon má tuu maa Pol, Barnabas a vanaa pum a kɔ Yerusalɛm, mà kɔ komal kiilaa a kaasoŋaa kɔlkalua kunda vanaa laalannda le sɔɛi kalɛi.

Dɛnnda kiilaa 6:1

O telen kon, kaandennda va kuiyo, mí Yuifia va krɛkiei sɔɛi-ya a va cɛɛŋɔnndo a Yuifia pilacea. Má va dimio maa a va vanlaandua piandaa ndaa vi-a pɔɛɛnɔnndo le nda balo nda va nda piɔwvo lepalaa oo lapala-o yɔngoo.

1Tesalonikea 5:13

La ke nda bɛɛlen mì la kaola nda le baala nda co tosaa-o. Kɔlɲuloo vá niaa pilaa tɛɛn.

Kundalan 14:27

«Mì mal vɛlɛ vanaa lanila kalua ha ya ciŋilanndo háá lɔ́ɔ́ kuɛɛ nɛ? Kani i tuei caŋnda Israɛlla co lɔ́ɔ́-lɔ́ɔ̀ a ya ciŋilanndo lan.

2Korɛntea 12:20

Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.

Dɛnnda kiilaa 15:39

Má sɛɛngian taw. O mɛɛlulan, má sɛiyan. Mí Barnabas cua Marke o dɛ̀ndɔ̀ɔ́ nin le kɔlan Siipre.

Dɛnnda kiilaa 15:7

Mɛɛ nda viow sɛɛngianndo tei, mí Piɛr can, mó dimi aa: «Puapilɛa nia, la sina maa o co lɛhau le Hala hɛli ya niaa tɛɛn le vanaa co N'Yuifi le-a Yoongu Kɛndɔɔ tiiyallo le, haliko ma tuei, ma laalan.

Marke 14:5

Vanáà nɔla man pisi le volin latámán kɛmɛ leyáá a ɲɛ lecoo, mí vanáà yɔngu vanaa bala fondoa volin mun.» Mí ɲɔɔ va nda palaa a cua kon.

Matie 20:11

Ndáà sɔlaa mun, má soaa sɔɔn pɔmbɔn a vana nakɔɔ.

Talelan 13:10

Yongaa hun a sɛɛngianndan ni, kɛ le vanaa bii silaa-a kɔlkaloo co ni.

Marke 9:14

Ndáà tiiyaa kaandennda ikɛi, má cannun sɛ́lɛ́ bɛndoo nda o balaa sɔ́, a vanaa pɛɛkaa latɔŋnda nda va suukanndo-a.

Luke 5:30

Mí Faliisia a vanaa ndaa pɛɛkaa latɔŋnda soaa sɔɔn pɔmbɔn, má ɲuna kadeŋaa ndɔa aa: «Le kɔlɔ yɛɛ niaa co yɛ dioo mì la va kolɔɔ niaa vanaa biyaa mulua a vanaa lahakia latulu?»