Filipea 2:12 - BII BILA

¹² Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.

Filipea 2:12 Referans Kwoze

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

Hebreea 4:11

Lelan n kindikindin le luɛyɔɔ o pɛngi kon nin, haliko vana-vana del mò bumba le luɛyɔɔ maa fuɲaa naa mamaa lɔ́ɔ́ kon te.

1Piɛr 2:11

Niaa vanaa hɛnan ya-a, i co niaa sila, niaa co mialla a vanaa hiavannda o lɛŋnden coo-a, la kpakpala yeeman falun co kɔlta niaalan cɔlɔbaa-on.

Matie 11:29

La siilun volɔɔla nilan, mì la sɔla pɛɛku nuu, kani vana vi kɔllo-o a vana tuisianndo ya co ni, la sɔlanin pɛngio o kɔlta niaalan nin.

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

2Timote 2:10

Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo.

Talelan 13:4

Vana siɛlɛiyo nɔ yeeman, kɛ n peelun te. Vanaa fula diallon-nda, ɲɛ-ɲɛ ko connun nda o ba.

Hebreea 4:1

Hala cii naa dimul maa n luɛinin o pɛngi o toosial naa-o nin. Lelan n mandan taw, vana-vana o niaa tɛɛn bɛnda mò lo kɔɔli le luɛyɔɔ o pɛngi kon nin te.

Hebreea 12:1

Seiya balu naa sɛ́lɔ́ɔ́, lelan n viòwnún ɲɛ co naa kuunaa kɔlan-ndo a haki simbulun naa-o, mì n ɲaanun háá o kilta naalan mɛɛlulan.

Filipea 4:1

Lelan puapilɛa nia hɛnan ya-a, yeemɛi co ya le niaa cɔw vɛlɛ. Niaa co ɲaale nuu a bɛɛle nilen ni. Lelan, caaŋaa nia hɛnan ya taw-va, la lo lende yili o Maalii nin.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

Filipea 1:29

Kani kɛndɛi tosalan niaa-e, o co ko le Krista laalanndo daama le, kɛ le sangaa vɛlɛ le ndu.

Condii lisai 119:120

Diallon co ya ɲiiyaa a siòòŋii n co ya lueiyo-e. Siòònde co ya a tɔŋnda nɔmndan.

Condii lisai 2:11

La tosal Mɛlɛka baalaa a siòònde, mì la tuisin ndu o labɛngunin.

2Korɛntea 7:15

Te o yiyan pɛ mɛɛ niaa kpow bii sɔɔn yɛ a mɛɛ niaa biilu ndu a siòònde a á ɲiiyaa yɛ, kaola o nɔ o kɔl le niaa-o cɔɔlun taw.

1Korɛntea 2:3

Lelan, i va niaa ikɛi a dialun vílɛ́iyon, a siòònde mí va ɲiiya taw.

Efɛsea 6:5

Niaa cɛa, la bii sɔɔn vanaa niaa bɛndua o lɛŋnden coo, mì la ke nda bɛɛlen, mì la nɔ siòòŋii ndɛi. La bii sɔɔn mun a kɔlta niaalan kpow maa mɛɛ niáà tosal nin Krista baalaa yɛ.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Talelan 10:16

O baala vana sandaa tosaa-o nin o sɔla yoomoo ni. Kɛ le dɛnɛ vɔɔndo tosaa vana vɔɔndo tosa baalaa ni.

Matie 11:12

Cɔn o paale Nsaŋ Vana-yinaa len háá hau, vannda co masale halataala len cɔlɔbaa, nduyɛ vanaa kɔlvesɛiya co len hiɔlɔ̀ɔ́ ni.

Ɛsdras 10:3

N cuannun niko ciɛ́ɔn o Hala naa lo, o kon mì n kɛɛnun laandua kan a cuavaa naa n velu a nda-a kpow. N biinun sila nɔm Ɛsdras vana naa bɛndoo a vanaa nɔ siòòŋii Hala-e-a sila naa-o. O bɛnda mì n kela mɛɛ tɔŋndo dimul naa yɛ.

Filipea 1:5

kani la co ya malaa le Yoongu kɛndɔɔ keiyo yondaa kabi o kandɔɔ háá hau.

Dɛnnda kiilaa 9:6

Kɛ cɔn mà kɔɛ ciee. A kɔ dimulnin nɔm ɲɛ n bɛnda ma tosa-o.»

Filipea 2:19

I nɔ kɔlkɛsiaa o Maalii Yeesu nin maa o lo ɲɛ-pɔmbɔ mì vim niaa Timote, haliko mi ya pila i va yoomuan sɔlaa a yoongula ya vanin tueyɔɔ fulaa o niaa lan.

1Korɛntea 4:14

I co niaa sɔɔn mun sɛval, o co le niaa lasiɛmbu tuisi le, kɛ le niaa silaa maa cuavaa nia ya kaola taw-va.

Filipea 4:15

Niaa pila Filipea, la sínà maa telen Yoongu kɛndɔɔ kandu yondanndo-o ya faŋan Maseduan ni, niaa pilɛ kpé yɔŋnun vanaa laalaŋaa mala ya-a ni.

Dɛnnda kiilaa 16:29

O kon mí kpalilnɔɔ ɲuna ɲɛ-tengaa, mó luɛi a kiltan o cɛi kaasoo nin a ɲiiyaa, mó kɔ del Pol nda Silas o labɛngunin.

Filipea 1:6

I nɔ laalanndo maa: Vana kandu vali kɛndɛ kon niaa o kɔl-lo lonin lecoo háá mò cii ndu o paale Yeesu Krista hunnin-nden.