Filipea 1:5 - BII BILA

⁵ kani la co ya malaa le Yoongu kɛndɔɔ keiyo yondaa kabi o kandɔɔ háá hau.

Filipea 1:5 Referans Kwoze

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Filemɔn 1:17

Lelan te caan nɔm ya co ni, bii ndu maa ya pila.

Filipea 1:7

O bɛnda mì yiyan lende le niaa kpow, kani dɛnnda niaalan la co ya o kɔl. Kani o va telen ya co hau o kaasoo-o, o va telen ya va o pelon coo le yoongu kɛndɔɔ-o a telen ya va ndu keiyo yondaa nɛɛ-nɛɛ ka a kpaayaa-o, mɛɛ niaa co kpow, mí la sɔɔnguu mí la sɔla dɛnɛ kɛndɔɔ a ya latulu.

1Nsaŋ 1:3

O naa n ce mí n tuɛi-yo, ndu naa n co niaa dimullo ni, haliko mi niaa bɛɛ va latulu a naa. Nduyɛ vaa latulu naa niaa, ndu co vaa a Pua a á Yeesu Krista Po ndɔ ni.

Efɛsea 3:6

Dɛnɛ viannan kon co hoo ni: le Yoongu kɛndɔɔ, mí vanaa co N'Yuifi le-a sɔla kɛ́ pilɔɔ nda Yuifia latulu, má siŋnun ɲɛ pilɔɔ o dialun pilɔn nin, má sɔla kpema o yiilul nda-o latulu o Yeesu Krista nin.

2Korɛntea 8:1

Puapilɛa naa, sunsun, n yeema mì la sínà mɛɛ kɛndɛi Hala-e i yɔŋnun vanaa laalannda tɛɛn Maseduan yɛ.

Rɔmnda 15:26

Kani vanaa laalannda Maseduan a haa Akaii a dimi le malaa biyɔɔ, le vanaa bala fondoa co vanaa laalannda tɛɛn Yerusalɛm-nda mala kon yɔŋndo.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Filipea 2:12

Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.

1Korɛntea 1:9

Vana lo o lediom coo-o Hala co ni, o veelu niaa, haliko mi la va diom pilɛ a Po ndɔɔ Yeesu Krista Maalii naa-o.

Rɔmnda 11:17

Kɛ te lɛwvon pum kilin pɛ, mì nɔm co lɛvii yɔm yondo-ei-yo sɔla holɔɔ o fonda ndɔɔ, haliko ma va tando co fulaa o puundun yɔm nda tɔl-lo-o sɔlaa,

Dɛnnda kiilaa 2:42

A va kelaa o pɛɛkula kiilaa va nda yɔngoo lan coo, a va vɛlɛ diom pilɛ. A va dioo nɛɛ pilɛ má va Hala piɛiyo latulu.

Rɔmnda 12:13

La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

Filipea 1:12

Puapilɛa nia, i yeema mì la sina maa dɛnɛ yɔŋnun ya-o yɔngu malaa le Yoongu kɛndɔɔ hiovɔɔ laci.

Filipea 1:16

Nda nda, a kaolaa o lakɔl nda co kon tosaa ni. Kani a sínà maa le Yoongu kɛndɔɔ cɛwcɛwvo ya co o kaasoo nuaa ni.

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

Filipea 2:22

Kani niaa pila sínà mɛɛ Timote lo lediom coo a ya yɛ. Mɛɛ poo va fuɲaa ikɛi le ndu malaa nuaa yɛ, lende o co ya malaa le Yoongu kɛndɔɔ yondaa ni.

Filipea 4:3

Nɔm vana naa n co baalaa latulu ɲɛkɛndɛi-yo bɛɛ, i co nɔm dimul mà mala vanlaandua ŋiɔŋaa kan. Kindinndo pila nda co le Yoongu kɛndɔɔ yondaa naa ndaa a Kileman a caaŋaa naa tɔ̀a naa n va vallo latulu-a ni. Caaŋaa naa diola ndalan la co lasɛvaalan o sɛbɛ cindaa nin-nda pɛɛn.