Filipea 1:27 - BII BILA

²⁷ Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

Filipea 1:27 Referans Kwoze

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

1Korɛntea 1:10

Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.

2Piɛr 3:14

Lelan caaŋaa nia, o cum kon nin, la kindikindin mo komal niaa o bɛndaa nin a ndu, o va a sɔŋ te, o va a isɔw le.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Yude 1:3

Caaŋaa nia hɛnan ya-a, le mɛɛ yeemɛi va ya taw le niaa sɛvallo a dɛnɛ cinda naa kpow o kɔɔ yɛ, mí ca maa fɔ mì yáà sɛval niaa, haliko mi yáà luei niaa yoomuan le laalan tɛɛngulun vanaa diandaa o lepilɛ kpé-o cɔlɔbaa.

1Tesalonikea 4:1

Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

Filipea 2:12

Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.

Filipea 3:18

Vanaa bɔɔ-bɔɔ a co kelaa maa n'yaamɔɔ le yɔm singafilaa Krista-o. I dimúl nin niaa ndi lɔ́ɔ́ levil, mì va vɛlɛ niaa ndi hau dimullo a caŋndo:

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.

Dɛnnda kiilaa 4:32

Nda kpow aa nɔ kɔl pilɔɔ a yiyan pilɔɔ. Vana-vana ve dimi le maa le ndu pila ɲɛm ndɔn co ni, kɛ le nda kpow ɲɛ vana-vana va ni.

Condii lisai 133:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. Àá! O co bɔɔ dɛnɛ kɛndɛ a dɛnɛ ɲaaloo mì puapilɛa bɛnda o caltan nin!

Yeremi 32:39

I yɔngunin nda kɔl pilɔɔ a yiyan pilɔɔ, haliko ma vo ya lɔ́ɔ́-lɔ́ɔ̀ le mɛɛ nda sɔla dɛnɛ kɛndɔɔ le nda pila a le cuavaa ndaa nda a makɔɔ yɛ.

2Piɛr 3:11

Le mɛɛ dɛnnda lan kpow la hun tosannin lende yɛ, mɛɛ la sina niko mɛɛ niaa bɛnda le tosaa yɛ! Mɛɛ mì kela niaa va o diandaa, mì la yiinun a Hala.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

Nsaki 3:18

Kɔmnde dɛnɛ sandaa le saŋnun o kɔlɲuloo nin, vanaa yeema kɔlɲuloo-a saŋ-nden ni.

Filemɔn 1:5

Kani i co tueyɔɔ mɛɛ n laalan Maalii Yeesu, má kaola vanaa laalannda kpow yɛ.

Tite 2:10

a ciimbuu ɲɛ-ɲɛ nda kɔɔli le. Kɛ a va dɛnɛ kɛndɔɔ tosaa lɔ́ɔ́-lɔ́ɔ̀, mà lo o lediom coo, haliko mi vannda ke pɛɛkula Hala Vana ciindiaa naa bɛɛlen.

2Timote 4:7

I kindi a labɛɛla, mí tiindan Mɛlɛka, i cii vali va le ya-o tosa, mí kindin, mí lo o laalanndo coo.

1Timote 1:19

mà lo o laalanndo coo, mà nɔ yiyan kɛndɔɔ! Vanaa pum a tui yiyannda kɔlta ndalan diom te, ɛɛ nduyɛ, má mal laalanndo.

1Timote 1:11

Pɛɛku kalaa co o Yoongu kɛndɔɔ nin, ó yɔngùn ya fulaa Hala biiloo bɛnda-o o ba-o.

Dɛnnda kiilaa 2:46

Lepalaa-lepala, a va biuvɔnndo cuungianndo o Cɛi-Hala-o nin. A va ɲɛdiaa dioo cɛilan nin a kɔlkɛndɔɔ a o tuisinndo nin.

Matie 12:25

Kɛ Yeesu ndóò sina yiyannda ndalan, mó dimul nda aa: «Lemasa oo lemasa le piɔvan pɛ, le tambu. Kobi oo kobi, te kon te cɛi oo cɛi piɔvan pɛ, ndu nɔ lɛ mayoomu le.

Talelan 22:23

kani Mɛlɛka simnin le nda, mò poonda yoomu vanaa poondiaa nda ɲɔɔn o ba-a.

1Tesalonikea 3:6

Kɛ Timote langa komal naa fulaa o niaa lo, mó downun naa kona kɛndɔɔ a laalan niaa a á kaola niaa nɔ-o o kɔɔ, mó cɔm naa yiyan kɛndɛ niaa nɔ a naa-o a yeemɛi niaa nɔ le naa cɔu vɛlɛ-e. Naab bɛɛ yeemɛi ken co naa taw.

Kolɔsea 1:4

Kani n tuei laalan niaa laalan Yeesu Krista-o a kaola niaa nɔ le vanaa laalannda kpow-vo tɔ́ɔ́.

Filipea 2:24

Nduyɛ, i nɔ laalanndo o Maalii nin maa ya pila tamalanin le kɔlan o niaa lo le.

Efɛsea 1:15

Lelan, kabi ya tuei laalan niaa laalan Maalii Yeesu-o a kaola niaa kaola vanaa diandaa kpow-vo tɔ́ɔ́,

Efɛsea 1:13

Telen niaa bɛɛ tuei sɔɛi toɲɛi-yo, Yoongu kɛndɛ yɔngu niaa cindaa-o, mí la laalan Krista. O kon mí Hala hol niaa pondalen lɔ́ɔ́ o yɔngu niaa Kɔl-Diandaa o yiilu niaa kpemaa-o.

Kalatea 1:7

O co dɔ́ɔ́ mì Yoongu kɛndɛ celen va le, kɛ vanaa pum a co niaa hɔlla hiŋndo nuaa ni, a yeema le Yoongu Kɛndɛ Krista-o mingio o hɔlaa vɔɔnda-aa.

2Korɛntea 9:13

Le mɛɛ niaa co baala kɛndɔɔ ho tosaa yɛ, vannda biilunin Hala le sɔɔn niaa bii mì la va cɔmndo maa la co kelaa o Yoongu kɛndɛ Krista-o coo-o. A melnin vɛlɛ ndu balika le bala niaa co mɔɔsiaa nɛɛ pilɛ, mì la va ɲɔɔn pɔvianndo-on, a le tùú niaa co vanaa celen kew-vo.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

Rɔmnda 15:29

Nduyɛ, i sínà maa te i kɔɛ pɛ o niaa lo, i hunnin a duaa Krista-o taw-taw.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Rɔmnda 10:8

Yɛɛ sandii ken dimi yɛ niko? Aa: «Sɔɛi co nɔm ikɛi, nɔm o sondo a nɔm o kɔl.» Nduyɛ, sɔɛi laalaŋii ken naa n co vannda tiiyallo ni aa:

Rɔmnda 1:9

Hala ya co baalaa tosallo a kɔl nuu o Yoongu kɛndɛ Po ndɔɔ yondaa nin-ndo co ya lesei, maa telen oo telen ya va pɛ piɛilen, i co yiyanndo niaa coo

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

Dɛnnda kiilaa 24:24

Palɛi bɔɔ-bɔɔ o kon kɔɔli, mí Felisi hun a Drusil laa ndɔ, Yuifinɔɔ laa ndɔ kon va ni. Mó viam vannda, má kɔa Pol kɔɔli. Mí Felisi yaŋ nilan o ɲɛ Pol dimi a Yeesu Krista laalanndo o kɔɔ-o coo.

Condii lisai 122:3

Nɔm kobi co hoo o cɔavaa ɲɛkɛndɛi-yo, nɔm co hoo o kungaa a kpakilan-ndo.

Filipea 1:5

kani la co ya malaa le Yoongu kɛndɔɔ keiyo yondaa kabi o kandɔɔ háá hau.

Filipea 3:20

Le naa, ceen naa bɛndoo co o halataala. Lon Yeesu Krista naa n co cumndo-o fulanin ni, Vana Ciindiaa naa a Maalii naa.

Filipea 4:1

Lelan puapilɛa nia hɛnan ya-a, yeemɛi co ya le niaa cɔw vɛlɛ. Niaa co ɲaale nuu a bɛɛle nilen ni. Lelan, caaŋaa nia hɛnan ya taw-va, la lo lende yili o Maalii nin.

1Dɛnnda lemasalan 19:12

Mí Yoab dimul puapilɛ ndɔɔ aa: «Te Aramiia va pɛ le ya nɔla, a hun mala ya, te nɔm Amɔnnda va yɛ le nɔlaa ni, i kɔ mala nɔm.