Filipea 1:23 - BII BILA

²³ O yɔm tɛndaa tɛɛn ya co ni: yeemɛi co ya le kɔnndan, mì n kɔ vannun naa Krista latulu, ndu hiow va fisa,

Filipea 1:23 Referans Kwoze

2Korɛntea 5:8

Dialun fulan co naa taw, nduyɛ n nɔ yeemɛi mi n mɛi dialun naa n nɔ mun ceen nanu-on, mì n kɔɛnnun o Mɛlɛka lo.

Condii lisai 17:15

Kɛ ya ya, i canin hɔlaa nɔmnda o sandei nin, tuma ya tiandunin-ndo, i tofanin nɔm háá mì pim.

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

Dɛnnda kiilaa 7:59

Telen nda va ndu viiyo a powtan-ndo, mí Etiɛn piɛi Hala aa: «Maalii Yeesu, bii kɔl nuu.»

Luke 23:43

Mí Yeesu mulul ndu aa: «A toɲa, mì dimul nɔm, hau-hau, a vanin ya ikɛi o haliyɛnɛ.»

2Timote 4:6

Ya ya, telenndo tiiya mì vannda soli ya sálà. O lo nin ɲɛ-pɔmbɔ cobe mì faŋan o ceendo ho coo.

Nsaŋ 17:24

Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Condii lisai 49:15

A co nda yɔɔ ciee-piɔ́m maa n'saa, mì piɔ́mndo dɔwnun balo a nda. O lo cobe mì vanaa dendu kɔltan-nda nɛw nda a labɛngu, mì naŋɔɔ nda kon tambu, mà kɔɛ cɛila ndala lemasalan levil.

1Tesalonikea 4:17

O kon kɔɔli, naa vanaa va vɔnin yoomu-a n kɔanin naa ndaa latulu o yumbuyumboo nin, mì n kɔ bɔŋa Maalii o hoeiye nin. O kon n vanin naa Maalii-aa lɔ́ɔ́-lɔ́ɔ̀.

Nsaŋ 14:3

Lelan, te i kɔɛ pɛ mì kɔ bɛɛndial niaa fondaa, i muungunin, mì hun kɔ a niaa, haliko mi niaa bɛɛ la kɔ va nɛɛ ya co-a.

Luke 12:50

Mɛɛ mì sɔla yinɔɔ, nduyɛ i co cumndo háá mì sɔɛi ken i keleŋa peelɔn!

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Luke 8:38

Mí langbanɔ ɲinaa vɔɔnda va kon nin-ndo va Yeesu tɛɛlɔnndo haliko mi ndóò kɔɛ nda ndu. Kɛ mí Yeesu mingi ndu aa:

1Tesalonikea 2:1

Puapilɛa naa, niaa pila sínà maa kɔla naa n kɔɛ niaa yilɔɔ lan la yɔŋnun fúú le.

2Korɛntea 6:12

N kɛɛ niaa kaola naa cɔm te, kɛ mí la kindal naa kɔlta niaalan.

2Samiɛl 24:14

Mí David muli aa: «O sanga kɔl bɛndu-bɛndoo nin ya co nuaa ni. Kɛ o co fisa mì n del Mɛlɛka o ba, yɔŋii naa n del vanacieo o ba. Kani Mɛlɛka ndu caa vanà ɲííye tuinɔnndo taw.»

Filipea 1:24

kɛ le niaa yɛ, o hiow naŋɔɔ-o co ni mì va yoomu o falon nin.