Filipea 1:22 - BII BILA

²² Kɛ te o va yɛ pɛ maa lou yoomu o ceendo coo malanin ya mì tosa baala sɔvɛɔ ni, i sínà ɲɛ ya hɛli le.

Filipea 1:22 Referans Kwoze

1Piɛr 4:2

haliko o va lɛ yoomu a yeemɛi n'faluei le, kɛ o hɛnan Hala-o nin le telen tɔ̀ lo ndu le tosaa o falon nin-ndo.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Filipea 1:24

kɛ le niaa yɛ, o hiow naŋɔɔ-o co ni mì va yoomu o falon nin.

Dɛnnda kiilaa 3:17

Nduyɛ, puapilɛa nia, i sínà maa niaa a simlacia niaa, la bii ɲɛ niaa tosa kon a ndu-o bila le.

2Korɛntea 10:3

I co toɲa maa vanndacieea naa n co ni, kɛ n co cɔlɔba o ivanaciea nin te.

Condii lisai 71:18

Lelan, tuma ya yuuva nin hoo, mí yulunnde vul-la-o, mal-la le, Hala nuu! Haliko mi cɔm langbaa felengia ha sisa a cuaambɔa vialunnin nda kɔɔli-a kpaaya nɔm bɛndoo.

Kolɔsea 2:1

I yeema mì la sínà cɔlɔba bɛndu ya co le niaa, le Laodisea a le vanaa sínà vɔ ya bɛɛ le-a-o,

Rɔmnda 11:2

O co kɛɛ le Hala kɛɛ vanaa ndɔa o síná o tasendɔ-a le. La sínà ɲɛ sɛvan a Elii o kɔɔ-o le? Mó cɛɛŋun a Israɛlla o sondo o Hala lo aa:

Fulaa 32:1

Mɛɛ vannda ce maa Moise co viovɔɔ o pembei coo le tolɔɔ, má bɔɔŋian o Aarɔn ndo, má dimul ndu aa: «Cɔn ma cow naa piɔmndo, mì ndu va hala naa le kɔlan naa laci. Kani Moise soli hoo naa o lɛŋnde Esipte len nin-ndo, n sina ɲɛ yɔŋnun ndu le.»

O Kandɔɔ 39:8

Kɛ mí Yosɛf kɛɛ, mó dimul ndu aa: «Vana ni bɛndoo cua cɛi ndɔɔ kpow mó sɔaa ya o ba, o ɲuna ya kona le ɲɛ-ɲɛ co nanu le, ɲɛm ndɔn sɔlan kpede ya n co o ba ni.

O Kandɔɔ 21:26

Mí Abimelɛk mulul ndu aa: «I sina vana puu soon kólaa kon-ndo le. Nduyɛ, nɔm Abraham pila bɛɛ, a dow ya bali vaa lende le. Hau ko ya co ndi tueyɔɔ nuaa ni.»

Rɔmnda 1:13

Puapilɛa nia, i yeema mì la sina maa i co kɔngɔlanndo lɔ́ɔ́-lɔ́ɔ̀ le niaa kɔlan yilɔɔ (kɛ háá hau, i sɔlan-ndɔ ba le), haliko mi niaa bɛɛ sɔla vannda pum o niaa lo, mɛɛ ya sɔla nda vanaa-mangalaa-isɔaa tɔ̀a tɛɛn yɛ.

Filipea 1:23

O yɔm tɛndaa tɛɛn ya co ni: yeemɛi co ya le kɔnndan, mì n kɔ vannun naa Krista latulu, ndu hiow va fisa,