Filipea 1:21 - BII BILA

²¹ Kani le ya, Krista co yoomoo ni, piɔ́mndo ndu, ɲɛ ya co sɔla-o co kon ni.

Filipea 1:21 Referans Kwoze

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

2Korɛntea 5:8

Dialun fulan co naa taw, nduyɛ n nɔ yeemɛi mi n mɛi dialun naa n nɔ mun ceen nanu-on, mì n kɔɛnnun o Mɛlɛka lo.

2Korɛntea 5:1

Kani n sínà maa te cɛi-kola-toandaa naa n co nin o ceendo ho coo-o tambu pɛ, n nɔ cɛiyo o halataala, o Hala toosiaa le fɛɛn a fɛɛn-ndo, o vanaciee beŋ too.

Filipea 1:23

O yɔm tɛndaa tɛɛn ya co ni: yeemɛi co ya le kɔnndan, mì n kɔ vannun naa Krista latulu, ndu hiow va fisa,

Kolɔsea 3:4

Telen Krista, o co yoomu niaa-o fulanin ceen-ndo, o kon niaa bɛɛ la fula latulu a ndu o biiloo nin.

2Korɛntea 5:6

Lelan, yoomuan ma co naa o n'dial lɔ́ɔ́-lɔ́ɔ̀, n sínà vɛlɛ maa te n co vɔ pɛ o dialun ivanacieeyan nin, mɛɛ Mɛlɛka naa n co levil lende ni.

Filipea 1:20

Nduyɛ, i yeema mì kon tosan, ɲɛ ya handu kɔllo coo taw-vo co kon ni, siɛmbula biinin ya le ɲɛ-ɲɛ le. Kɛ sunsun a le fɛɛn a fɛɛn, i nɔ kɔlkɛsiaa maa Krista sɔlanin sangalaa o dialun nun nin, i va yoomu, i vu.

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

Kalatea 6:14

Ya le ya, i sangalannin le ɲɛ-ɲɛ celen te, te o co le yɔm singafilaa Maalii Yeesu Krista-o le, o yɔm kon coo ceendo baŋnun le ya ni, mi ya i baŋnun ndon le ceendo.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Filipea 2:21

kani vana-vana co tɔnɔ ndɔ ndu pila-o nuwviaa, a co buulan le dɛnɛ Yeesu Krista-o le.

1Korɛntea 3:22

O va Pol, o va Apolɔs, te kon te Piɛr, o va ceendo, o va yoomoo, o va piɔ́mndo, o va ɲɛm n co sunsun-ndon, o va n co hunɔɔ-on, mun kpede le niaa n co ni.

Filipea 1:22

Kɛ te o va yɛ pɛ maa lou yoomu o ceendo coo malanin ya mì tosa baala sɔvɛɔ ni, i sínà ɲɛ ya hɛli le.