Filipea 1:15 - BII BILA

¹⁵ I co toɲa maa vanaa pum a co vannda sɔɛi Krista-e tiiyallo le yeemɛi co nda o kɔl-le, te kon te a paŋalaa. Kɛ a pum yɛ nda, a yiyan kɛndɔɔ nda co kon tosaa ni.

Filipea 1:15 Referans Kwoze

Filipea 2:3

La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

2Korɛntea 11:13

Vanaa vaa lende-a a co kiilaa lacòòvaa ni, vanaa baalaa fondoa co vannda huiyo-a, a co handɔnndo o hɔl maa kiilaa Krista-a nda co ni.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

2Korɛntea 1:19

Kani sɔɛi Yeesu Krista Po Hala-o, o Silas, Timote a ya pila dimul niaa sɔɛi ndɔɛi-yo, o co sɔɛi vana cɛl mà kɛɛ le. Kɛ o ndu nin, oi koni co oi ni.

Matie 23:5

Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

2Korɛntea 12:20

Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.

1Korɛntea 13:3

I piɔw bɛɛ ɲɛm nun kpow le vannda baloo dɔvɔɔ, i yɔngu bɛɛ dialun nun le lomɔɔ, te kaola co ya o kɔl te, kon co ɲɛ-ɲɛ le ya le.

1Korɛntea 1:23

Naa naa, sɔɛi Krista nda baŋ o yɔm singafilaa coo-e naa n co vannda tiiyallo ni, sɔɛi co tosaa mì Yuifia va luɛyɔɔ o pɔwlan nin, mì i va diɔmnde le vanaa sínà Hala le-a-e pɛɛn.

Dɛnnda kiilaa 11:20

Nduyɛ, mí vanaa pum o nda tɛɛn a can Siipre a Sirɛne, má kɔa Antiɔs, má tiiyal vanaa ve N'Yuifi le-a Yoongu Kɛndɛ Maalii Yeesu-o.

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

Dɛnnda kiilaa 9:20

Fɔ́ɔ́fɔ̀, mó kandu vannda pɛɛkoo o cɛila lekaanndan nin maa Yeesu co Po Hala-o ni.

Dɛnnda kiilaa 8:35

O kon mí Filipe cua sɔɛi, mó kandu sɔɛi o fonda kon coo, mó tiiyal niko ndu Yoongu Kɛndɛ Yeesu-o.

Dɛnnda kiilaa 5:42

Lepalaa-lepala, a ve pɛngi hiovɔɔ laci a vannda pɛɛkoo o Cɛi-Hala-o nin a o la nda lo cɛilan nin te. A va nda vɛlɛ Yoongu Kɛndɛ Yeesu Krista-o tiiyallo.

Dɛnnda kiilaa 8:5

Mí Filipe kɔa o kobio pum, o lɛŋnde Samari len nin, mó tiiyal vannda sɔɔn Krista-on.

Rɔmnda 2:8

Kɛ o tuisinin kɔltuw ndɔɔ a hiilɛi ndɔɛi vanaa sɛɛngiaa ndu, má kɛɛ toɲaa, má muungu bollen vowvo o dɛnɛ vɔɔndo nin-nda coo.