Filipea 1:13 - BII BILA

¹³ Kani simlacia kɛ́-kɛ̀ co o cɛi lemasaa nin a à tɔ̀a kpede a sínà nin maa le baala Krista ya co tosaa-o ya co o kaasoo nuaa ni.

Filipea 1:13 Referans Kwoze

2Timote 2:9

Le Yoongu Kɛndɛ kon ya co sangaa sɔlaa nuaa ni, mì va vɛlɛ o yɔlɔn maa vana tɛɛmbuu dɛnɛ pum-ndo. Kɛ sɔɛi Hala-e co i yiyaa le.

Efɛsea 3:1

Lelan, ya pol, ya co hoo o kaasoo le vali Yeesu Krista ya co tosaa le niaa vanaa-mangalaa-isɔɔa-o, i co Hala piɛiyo le niaa.

Filipea 1:7

O bɛnda mì yiyan lende le niaa kpow, kani dɛnnda niaalan la co ya o kɔl. Kani o va telen ya co hau o kaasoo-o, o va telen ya va o pelon coo le yoongu kɛndɔɔ-o a telen ya va ndu keiyo yondaa nɛɛ-nɛɛ ka a kpaayaa-o, mɛɛ niaa co kpow, mí la sɔɔnguu mí la sɔla dɛnɛ kɛndɔɔ a ya latulu.

Efɛsea 6:20

I co bɛɛ o kaasoo nuaa, kɛ ya co hɔlte Krista len le Yoongu kɛndɔɔ yondaa ni. Lelan, la piɛi haliko mi soo a kɔlkɛsiaa.

Dɛnnda kiilaa 26:29

Mí Pol muli aa: «O va le telen bingi, o va vɛlɛ le telen vilɛi, i co Hala piɛi, haliko mi nɔm a vanaa co ya diom tueyɔɔ hau-va kpow siŋnun maa ya, o co mɛɛ ya co o yɔlɔn nuaa yɛ le dɛ!»

Filipea 4:22

Vanaa laalaŋaa naa n co nanun-nda yil niaa, taama-taama a co baalaa o masaa Sesar lo cɛinin-nda.

Dɛnnda kiilaa 28:30

Vɔsilan tan tiɔn Pol cii o cɛi o va salaa-o nin ni. Lon vanaa va ndu hunɔɔ yilɔɔ-a va ndu komallo ni.

Dɛnnda kiilaa 28:20

Lelan ya ɲuna ni mì hun soo o niaa lo. Kani le tiindan Israɛlla nɔ-o ya co o yɔlɔn nuaa ni.»

Dɛnnda kiilaa 28:17

Palɛi yaa o kon kɔɔli, mí Pol veelu simlacia Yuifia va Rɔm-nda o ndu lo. Mɛɛ nda cuungian, mó dimul nda aa: «Puapilɛa nia, i tɛɛmbuu isɔɔ oo isɔɔ a vanaa naa le, te kon te o naamula fuɲaa naa mamaa nin te. Kɛ nduyɛ, má bii ya Yerusalɛm, má mal-la rɔmnda o ba.

Dɛnnda kiilaa 26:31

má kɔ tundu. Má dimulan vellaa-velle aa: «Langbanɔɔ ho tɛɛmbuu dɛnɛ oo dɛnɛ vana dii ndu le, te kon te mì vana mal ndu o kaasoo le.»

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

Filipea 1:30

Bau cɔlɔba pilɔɔ naa n co naa niaa ni. I cɔlɔba paandu niaa o hɔl, i co vɔ hiovɔɔ laci tuŋ, maa mɛɛ niaa sínà yɛ.