Filipea 1:11 - BII BILA

¹¹ Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

Filipea 1:11 Referans Kwoze

Hebreea 12:11

Sanga oo sanga nda tuisi pɛ vanndo coo le tɛɛmbuu ndɔɔ, o telen kon bɛngu, kɔllo vana kon tambu ni, vana niŋ kɔl te. Kɛ o kon kɔɔli, vana kon sɔla kɔlɲuloo, o tosa dɛnɛ sandaa.

Nsaŋ 15:8

La yɔngu pɛ komɔɔ kɛndɔɔ taw, mì la siŋnun kaandeŋaa nia, Fuɲa nuu sɔla biiloo.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Filipea 4:17

Ken co dimi le maa ɲɛm-kéan niaan ya co kɔɔli ni, o ya co kɔɔli-o co ni, mì la sɔla tɔnɔɔ taw.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Rɔmnda 6:22

Kɛ sunsun, la hɛlun hakio, mì la siŋnun cɛa Hala-a. La tosà niko dɛnndan le dindinndo, o kon mì sɔla yoomu fɛɛn-fɛɛndo.

Esai 61:11

Kani mɛɛ lɛŋnden le soli ɲɛ vul lecoo-o yɛ, mɛɛ nakɔɔ soli ɲɛ tɔlnun lecoo-o mò vil nuaa yɛ, lende koni Maalii Hala tosanin ni, mì dɛnɛ sandaa a lisaa vil vanaa-mangalaa-isɔɔa kpow o hɔl.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

2Tesalonikea 1:12

O kon mì diola Maalii naa Yeesu lan la sɔla biiloo o niaa nin, mì niaa bɛɛ sɔla biiloo o ndu nin mɛɛ kɛndɛi Hala naa a Maalii Yeesu Krista-e co yɛ.

Efɛsea 5:9

kani tɔnɔ ɲɛ-tengaa co dɛnɛ kɛndɛ súú-súù ka ni, dɛnɛ sandaa a toɲaa.

Efɛsea 1:14

Kɔl-Diandaa kon co tɔɔmasele ɲɛm kɛndɛn o kɛsul naa-on ni, háá mi vanaa Hala-a a sɔla baŋaa. N sɔlanin mun kɛ́ɔ tuma naa n sɔlanin baŋanndo kpede le hakio-o. Lelan, n lisan bɔɔbɔɔyɛi Hala-e.

1Korɛntea 10:31

Lelan, o va dio, o va kolɔɔ, te kon te ɲɛ-ɲɛ niaa va pɛ tosaa, la tosa ndu mì Hala sɔla biiloo.

Matie 5:16

Ɲɛ-tengaa niaa bɛnda mò tenga lende vannda o hɔl, haliko ma ce dɛnnda niaala kɛndɛlan, o kon mà biilu fuɲa niaa co o halataala-o.»

1Piɛr 4:14

Te la sɔla pɛ sangaa le diola Krista lan, dɛnɛ kɛndɔɔ o co le niaa ni, kani Kɔl biilaa, Kɔl Hala-o co niaa coo.

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

2Korɛntea 9:10

Hala, o yɔ̀ngu vana saŋaa yɛiye mò yɔngu ndu vɛlɛ ɲɛdiaa le dioo-o yɔngunin niaa yɛiye le saŋɔɔ, mò kui ndu. O kon kɔɔli, mò kui kɔmnde dɛnɛ sandaa niaa.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Esai 60:21

Vanaa sandaa kposon vanin o vanaa nɔmnda tɛɛn ni, lɛŋnden le vanin sumialii nda le lɔ́ɔ́-lɔ́ɔ̀. Tɛiyun yɔmun ya pila tɔl-lon nda co ni, vali ya tosa a bala nilan le salamayɛi nii cɔmndo-o nda co ni.

Condii lisai 1:3

Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

Esai 5:2

Mó vayia ɲɔɔ, mó faaŋiaa powtan, mó tɔal tɔlɔɔ kɛndɛ-kɛndɔɔ pum lon. Mó tangul bàndóó o nakɔ n'rɛsɛn kon tɛɛn, o kon kɔɔli, mó toaw doolaa. O va tiindanndo maa nakɔ kon koamnin rɛsɛŋun kɛndɔn, kɛ mó koam rɛsɛŋun vɔɔnndon.

Rɔmnda 15:28

Telen ya ciinin sɔɛi ken toosiaa mi yoo nda ɲɛm sɔlannin mun-ndon ndo, i keinin o niaa lo o kɔlan Ɛspaɲe.

Tite 3:14

Mɛɛ mì vanaa naa bɛɛ a pɛɛku, mà yɔngun le dɛnnda kɛndɛlan tosaa, mà malà vanaa co o balahavɛilan nin-nda, yɔŋii nda kɛɛ mako nɛŋi.