Filipea 1:1 - BII BILA

¹ Naa vanaa baalaa Yeesu Krista-a, Pol nda Timote pɛɛn. N co vanaa laalaŋaa co o Yeesu Krista nin Filipe-a, simlacia a vanaa co vanaa baalaa Hala-a malaa-a kpede sɛbɔɔ ho sɛvallo.

Filipea 1:1 Referans Kwoze

2Korɛntea 1:1

Ya Pol, kiilanɔ Yeesu Krista-o mɛɛ hɛnan Hala-o co yɛ, naa Timote puapilɛ naa. Naa n co sɛbɔɔ ho sɛva le vanaa Hala-a co Korɛnte-a a le vanaa diandaa kpow ni, á co o lɛŋnde Akaii len nin ba-ba fee-a.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

1Timote 3:8

Lende vɛlɛ koni, vanaa baalaa co vannda malaa o kunda vanaa laalannda tɛɛn-nda bɛnda mà va vanaa kennùn bɛɛlen-nda, ma va vanaa toɲaa. A yɔngun mɔiyan te, a va vanaa nuwviaa tɔnɔ lakafa-a le,

2Tesalonikea 1:1

Ya Pol, Silas a Timote ni. Naa co sɛbɔɔ ho sɛvaa ni, le vanaa laalaŋaa co Tesalonike-a, a co le Hala Fuɲaa a Maalii Yeesu-a.

1Tesalonikea 1:1

Ya Pol, Silas a Timote ni. N co sɛbɔɔ ho sɛvaa le vanaa Krista-aa co Tesalonike-a, á co le Hala Fuɲaa a le Maalii Yeesu Krista-a pɛɛn. Màá la sɔla dɛnɛ kɛndɔɔ a kɔlɲuloo!

Efɛsea 1:1

Ya Pol, ya co kiilanɔ Yeesu Krista-o o hɛnan Hala-o nin-ndo. I co sɛbɔɔ ho sɛva le niaa vanaa diandaa a niaa vanaa laalan Yeesu Krista mì la va Efɛs ciee-a.

Rɔmnda 1:7

Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

1Timote 1:2

Le Timote, po ni kpeekpeiyo o laalanndo nin. Màá sɔla kɛndɛi, ɲííye tuinɔnndo a kɔlɲuloo fulaa Hala Fuɲaa a Maalii naa Yeesu Krista o ba!

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Dɛnnda cɔɔmuanndan 1:1

Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

1Piɛr 2:25

Kani maa saa luusian-nda niaa va ni, kɛ sunsun la muungu vana co niaa mandaa-o o ibuŋ, ndu co kɔlta niaalan mandaa ni.

Tite 1:7

Nduyɛ, le mɛɛ simlacinɔ vanaa laalannda bɛnda mò nɔ hɔlten baala Hala-o coo yɛ, o bɛnda mò va vana yaalan too: o va vana yonga le, o va vana nɛi kɔl itambu loo le. O va vana yɔngun mɔiyan-ndo le, o va vana lasɔngɔ le, o va vana hɔlte ɲɛ-sɔlaa le.

Hebreea 13:23

La sínà maa Timote puapilɛ naa sɔla malɔɔ. Te o yala pɛ tiiya nanu, n kɔanin niaa yilɔɔ naa ndu.

2Tesalonikea 1:10

paale o hunnin-nden, mò sɔla biiloo vanaa ndɔa diandaa tɛɛn, mò sɔla lisaa vanaa laalan ndu-a kpow tɛɛn. Niaa bɛɛ, la vanin vanaa kan tɛɛn, kani la laalan seile naa n tɛndal niaa len.

1Tesalonikea 2:2

La sínà vɛlɛ maa n sanga fɔlɔn Filipii taw, mí vannda yeow naa, má pala naa. Kɛ a pala nda pala naa kon-ndo kpede, mí Hala luei naa yoomuan le niaa Yoongu kɛndɔɔ tiiyallo.

Efɛsea 1:15

Lelan, kabi ya tuei laalan niaa laalan Maalii Yeesu-o a kaola niaa kaola vanaa diandaa kpow-vo tɔ́ɔ́,

1Korɛntea 16:10

Te Timote komal niaa pɛ, la caa ndu biyɔɔ, o va a isiòòn niaa tɛɛn te, kani o co vallo tosaa maa ya o baala Maalii-o nin.

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Dɛnnda kiilaa 9:13

Kɛ mí Ananias muli aa: «Mɛlɛka, vanaa bɔɔ-bɔɔ a dimul-la sɔɔn a langbanɔ kon o kɔɔ, má dimul-la vɛlɛ dɛnnda vɔɔnnda o tosal vanaa nɔmnda Yerusalɛm-ndan.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Marke 13:34

Ɲɔɔ tosannin maa langbanɔ cɛn kɔlan kelaa, mó mɛi cɛi ndɔɔ buɛyaa ndɔa o ba, mó ke vana-vana baala ndɔɔ, mó dimul kpalilnɔɔ le dioo cumullo-o.

Dɛnnda cɔɔmuanndan 22:9

Kɛ mó dimul-la aa: «Tosa lende le! Caan nɔm niaa co baala pilɔɔ tosaa-o ya co ni, caaŋoo puapilɛa nɔmnda, vanaa-tɛɛngaa-diom Hala-a pɛɛn, a vanaa co sɔɔn sɛbɔɔ ho biyɔɔ-a. Hala n bɛnda le vulan baŋɔɔ o labɛngunin ni.»

Dɛnnda cɔɔmuanndan 2:12

«Sɛval mɛlɛkanɔɔ vanaa laalannda Pɛrkam aa: ‹Ɲɛ vana nɔ mɔɛi cɔvii sondola tiɔɔŋii cɛɛŋɛi o ba-o dimi-o co hoo ni aa:

Dɛnnda cɔɔmuanndan 2:8

«Sɛval mɛlɛkanɔ vanaa laalannda Smirne aa: ‹Ɲɛ vana co vana tasoo a vana mɛɛlaa-o, vana ndóò vi mó muungu yoomu-o dimi-o co hoo ni aa:

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

Dɛnnda kiilaa 1:20

Nduyɛ, o co o sɛvaa o Sɛbɛ condii lisɛi nin aa: ‹Màá calta ndɔlan la lo fondo! Màá vana-vana cal lɛ lon te!› O co vɛlɛ o sɛvaa aa: ‹Màá vana celen muungu o fonda ndɔɔ!›

Kalatea 1:10

Mò va maa candɔɔla vanndacieea ya co nuwviaa ni baa Hala ya candɔɔ? Mò va maa le hɛnan vanndacieea tosaa ya co kindinndo ni? Te yáà yeema pɛ le hɛnan vanndacieea tosaa, yáà venin vana baala Krista-o le.

Kalatea 3:26

Kani mɛɛ niaa co kpede, cuavaa Hala-a niaa co le laalan niaa laalan Yeesu Krista-o ni.

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

Efɛsea 6:24

Màá vanaa kaola Maalii naa Yeesu Krista kaola kpeekpeiyo-a kpow a sɔla dɛnɛ kɛndɔɔ!

Filipea 2:5

Kela niaa va maa kela vanaa sínà Yeesu-a.

Filipea 2:19

I nɔ kɔlkɛsiaa o Maalii Yeesu nin maa o lo ɲɛ-pɔmbɔ mì vim niaa Timote, haliko mi ya pila i va yoomuan sɔlaa a yoongula ya vanin tueyɔɔ fulaa o niaa lan.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Filipea 3:8

Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,

Filipea 3:12

Kon co dimi le maa i sɔla ɲɛ ya co kiltan kɔɔli-o, te kon te maa i tiiya kilta nilan mɛɛlulan, kɛ i co hiovɔɔ laci a kiltan, haliko mi bii ɲɛ ya co kiltan kɔɔli-o, kani ya bɛɛ, biyɔɔ Yeesu Krista bii ya ni.

Filemɔn 1:1

Ya Pol, ya co hoo o kaasoo le Krista-o, a Timote puapilɛ naa, n co sɛbɔɔ ho sɛva ni. Le nɔm Filemɔn caan naa hɛnan naa taw-vo, ò naa n co baala pilɔɔ tosaa naa ndaa-o,