Ɛsdras 9:9 - BII BILA

⁹ Kani cɛa naa n co ni, kɛ o cɛle naale len nin, nɔm Hala, a mel naa le few. Má luei masaa Pɛrsea kɔl iɲííyo nin a naa, haliko ma ce naa ɲia. Má cɛl vɛlɛ naa le Cɛi biilaa nɔmndo mingio tangullo, o ndóò del nin-ndo pɛɛn, haliko mi n sɔla caltan Yerusalɛm a o tàndá Yuda-o nin.

Ɛsdras 9:9 Referans Kwoze

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Sakari 2:5

Mɛɛ ya heelu hɔlla, mí ca vɛlɛ vundule celen: langbanɔɔ pum va isisi a yoole tuvaalen o ba.

Aasee 1:9

La va yiyanndo maa niáà sɔlanin taw, kɛ la tofa vɔ ɲɛ-pɔmbɔ niaa sɔla-o. O pɔmbɔ niaa fula vɛlɛ kon o ba ciee-o, mí hul ndu, mó sɛŋin niaa o ba kpede. Le yɛɛ nɛ ken tosan yɛ lende? Ya Mɛlɛka-Nɔ-Kpaayaa-Kpow-vo ɲuna nuaa ni. Ken tosan fondo le, le tùú niaa mal Cɛi nuu o piɔlɛiyo, mí vana-vana landu hɔlla o cɛi ndɔ ndu pilaa coo-o.

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.

Esekiɛl 11:16

Lelan dimul nda aa nuaa Maalii Hala dimi i aa: i sɛŋi nda nɛɛ levil o vanaa-mangalaa-isɔɔa tɛɛn, i sɛŋi nda o lɛŋii bɔɔ-bɔɔ nin, kɛ i siŋnunnin telen pum Cɛi-Diandaa le nda o lɛŋii nda kɔɛ nin-nde nin.›

Esai 5:5

I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!

Esai 5:2

Mó vayia ɲɔɔ, mó faaŋiaa powtan, mó tɔal tɔlɔɔ kɛndɛ-kɛndɔɔ pum lon. Mó tangul bàndóó o nakɔ n'rɛsɛn kon tɛɛn, o kon kɔɔli, mó toaw doolaa. O va tiindanndo maa nakɔ kon koamnin rɛsɛŋun kɛndɔn, kɛ mó koam rɛsɛŋun vɔɔnndon.

Ɛsdras 7:8

Mí Ɛsdras kɔa nda ndaa latulu Yerusalɛm o paangii ŋuɛɛnundɔɛi nin.

Ɛsdras 9:10

Éé Hala naa! Yɛɛ nɛ naa n dimi yɛ vɛlɛ o dɛnnda tosan lan-ndan kɔɔli? N cii tɔŋnda nɔmndan tɛɛmbuu.

Condii lisai 109:12

Màá vana tosal ndu dɛnɛ kɛndɛ le! Màá vana tuínun vííya ndɔa iɲíí le!

Condii lisai 138:7

Te i va pɛ kelaa o mɔnɛi nin, nɔm Mɛlɛka co ya yoomoo yɔngoo. Yaamɔaa nia va bɛɛ ya simullo a kɔlta fulaa lan nuaa, nɔm Mɛlɛka kandanin yoomu nuu. A solinin ba kpaaya nɔmndo, mà ciindiaa ya.

Esai 14:3

«Te sangala niaalan a bɛpɛla niaa cuu pɛ, te cɛle kàlà-kálàle nda tuisi niaa coo len le cuu pɛ, lɔ́ɔ́ Mɛlɛka kenin niaa pɛngio-o,

Ɛsdras 2:68

Mɛɛ nda tiiya o Cɛi-Hala-o nin Yerusalɛm, mí vanaa va bolii lapangɛi-ya a bɔɔ-bɔɔ a yɔngu ɲɛm-kéan vana yɔngu Hala a yeemɛi vana pilɛi-yon le Cɛi-Hala-o, haliko mi ndáà mingi ndu tangul o fonda ndɔ paandoo coo.

Nehemi 2:17

«O kon, mí dimul nda aa: ‹Niaa pila co cɔu dɛnɛ palaa co naa coo-o! Yerusalɛm tambu, koŋnda ndɔlan la cuu ŋɔ! Lelan, la hun mì n mingin kpakio Yerusalɛm cɔvɔɔ haliko mi siɛmbulan ndan la faŋan nin naa coo›

Nehemi 9:17

Má kɛɛ diom nɔmndo biyɔɔ, má pɔɛɛnun dɛnnda kɔndɔfilta bɛndula n tosal nda lan, má kindi nilan, má dimi le muungɔnndo Esipte o cɛle ndalen nin. Kɛ nɔm, a mel nda le, kani Hala mal vana haki-o n co ni, Hala nɔ ɲííye a kɛndɛi-yo. A biwnùn, a pɛ a dɛnɛ kɛndɔɔ.

Esai 61:4

A minginin tangullo o ɲɛla koombiaa paandu lan coo, mà mingi bémbéla paandulan cɔvɔɔ, a kobila vannun fondo lan, la va nin pɔmndan sindɛ pa lan pɛɛn.