Ɛsdras 9:8 - BII BILA

⁸ Kɛ nduyɛ, o co vɔ lɔ́ɔ́ levil te, mí nɔm Mɛlɛka Hala naa tosal naa kɛndɛi, má mɛi vannda pum yoomu o vanaa naa tɛɛn, má mingi nda vɛlɛ le calle o lɛŋnde nɔmnde diandaa len coo. Hala naa, nuaa n cɔm naa ɲɛ-tengaa ni, má yɔnyɔla naa o cɛle naalen nin.

Ɛsdras 9:8 Referans Kwoze

Condii lisai 13:3

Háá tuma kuɛɛ ya lo yɛnin buulanndo a sanga kɔllo sɔlaa lepalaa-lepala? Háá boondii kuɛɛ yaamɔɔ nuu lo yɛnin ya nɔlaa?

Osee 6:2

O minginin naa yoomoo o n'dial o palɛi ndii ŋiin bɛngu. O paale yàándɔlen coo, o minginin naa a kiyɛi, mì n muungu yoomu ndu o hɔl.

Habakuk 3:2

«Mɛlɛka, i tuei a nɔm o kɔɔ. Siòònde bii ya dɛnnda nɔmndan, Mɛlɛka. O vɔsilan ndan bɛngu, peelu dɛnnda kalalan. O vɔsilan ndan bɛngu, cɔm vannda dɛnnda vakpa. Kɛ o kɔl nɔm tuwvo nin, loonun, a ɲíí nɔmnde o kɔɔ.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Condii lisai 85:6

Vɛ̀ɛ̀ le fɛɛn a fɛɛn n tambu kɔl a naa nuaa ni? Vɛ̀ɛ̀ le lambilan a lambilan n fula kɔllo nuaa ni?

Dɛnnda cɔɔmuanndan 3:12

Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.

Rɔmnda 9:27

Mí Esai bɛɛ yonda a Israɛl o kɔɔ aa: «Hali Israɛlla ndáà va bɛɛ sɛ́lɛ́ maa sióónde o mɛmma ihɛllan kɔngɔ nuaa, vanaa pilɛn-pilɛŋaa lonin-nda kínɛí sɔlanin cindaa ni.

Sakari 10:4

O polale Yuda len nin simlacia kpede a fulanin ni. A vanin a kala maa pow lebol tangulaa, maa pikii ciɛi-kola-toandaa, maa kpaasiaa cɔw.

Sakari 8:12

I saŋnin kɔlɲuloo o lɛŋnden coo. Nakɔla n'rɛsɛnndan la koamnin, lɛŋnden le nɛŋinin tɔlɔɔlan, halataalaa tuisinin piɔɔ. I yɔngunin vanaa tɔ̀a lo-a ɲɛm kɛndɛn mun kpede.

Sakari 8:6

Ya Mɛlɛka-Nɔ-Kpaayaa-Kpow-vo co sɔɛi ni tuŋ. Te vanaa tɔ̀a lonin o vanaa kan tɛɛn-nda ce pɛ maa dɛnɛ kon nɔlanin tosanndo paale len te, bàà mì ya Mɛlɛka ce vɛlɛ maa o nɔlanin tosan te? Ya Mɛlɛka-Nɔ-Kpaayaa-Kpow-vo co sɔɛi ni.

Esekiɛl 14:22

Vanaa pum lonin yoomu, mà faŋan o kobi kon nin, mà hin nɛɛ niaa co-a. La canin káà ndaa a dɛnnda ndalan, mì la sɔla ɲɔɔloo le dɛnɛ palaa ya tuisi kon Yerusalɛm coo-o a le sanga oo sanga ya tuisi kon ndu coo.

Yeremi 44:14

O vanaa lo yoomu Yuda, má kɔa vionnɔnndo Esipte-a tɛɛn, vana-vana nɔlanin ɲaanɔnndo le. Vana-vana helunnin piɔ́mndo le. Vana-vana fulanin ndon mò muungu Yuda le, nɛɛ nda co yeemaa taw le muungoo calle-a pɛɛn. A muungunin ndon te few, fɔ vanaa cɔwvo bumbanin-nda a pum.›»

Yeremi 42:2

má dimul Yeremi aa: «Yaŋnun tɛɛlɔnnda naa n co nɔm-ndan, piɛi Mɛlɛka, Hala nɔmndo, le naa a le vanaa tɔ̀a lo-a kpow, kani n va sɛ́lɛ́ taw, kɛ n co lɛ hau a bɔɔ le, maa mɛɛ nɔm pila co cɔu nuaa yɛ koni.

Esai 56:5

i yɔngunin nda pow sálàá a diolan tɔ́ɔ́lan o cɛi nuu nin, o kpakila nilan nin pɛɛn, mò hiow poaa a cuavaa laandua vaa fisa, I yɔngunin nda diola fɛɛn-fɛɛnndan, la ɲumnin lɔ́ɔ́-lɔ́ɔ̀ le lan.

Esai 1:9

Te Mɛlɛka-Nɔ-Kpaayaa-Kpow-vo ndóò mɛilul naa vanaa pum yoomu le, n va siŋnɔn maa Sodɔm, mì náà n vel vannda Komɔr.

Vana Kɔlkaloo 12:11

Sɔɔn vanaa kɔlkalua co maa sionnde nɔ ciliŋii siɛɛmbiɛi o bollen le cɔlua kpeŋaa len. Talela nda dimì lan la co maa ciliŋii siɛɛmbiɛi nda baŋ o sionnde len bollen-nde. Kon kpow, Hala ke vana ni. Ndu pilɛ kpé sim vana laci ni.

Condii lisai 138:7

Te i va pɛ kelaa o mɔnɛi nin, nɔm Mɛlɛka co ya yoomoo yɔngoo. Yaamɔaa nia va bɛɛ ya simullo a kɔlta fulaa lan nuaa, nɔm Mɛlɛka kandanin yoomu nuu. A solinin ba kpaaya nɔmndo, mà ciindiaa ya.

Condii lisai 34:5

I nuwviaa Mɛlɛka, mó mulul-la, mó baŋa ya a dɛnnda nila isiòònndan kpow.

SƐBƐ YƆB-O 33:30

le nda faŋaa o nɛi soon piɔ́mndo coo, mò luei nda o ɲɛ-tengaa yoomaa nin.

Nehemi 9:31

Kɛ hali a kon, a kaola nɔm nɔ lamɛɛlu loo, a cii nda le, a kɛɛ nda le, kani Hala iɲííyo a Hala nɔ kɛndɛi-yo n co ni.

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

Ɛsdras 9:9

Kani cɛa naa n co ni, kɛ o cɛle naale len nin, nɔm Hala, a mel naa le few. Má luei masaa Pɛrsea kɔl iɲííyo nin a naa, haliko ma ce naa ɲia. Má cɛl vɛlɛ naa le Cɛi biilaa nɔmndo mingio tangullo, o ndóò del nin-ndo pɛɛn, haliko mi n sɔla caltan Yerusalɛm a o tàndá Yuda-o nin.

2Masaa 19:4

Bɔɔle Mɛlɛka Hala nɔmndo tuɛinin sɔɔn bolle vanaa yɔngù masaa Asiri mɔiyan-nda dimi-on kpow, o ndu masaa Asiri vem hoo le hunɔɔ Hala yoomaa yeowlan-ndo pɛɛn. Bɔɔle mi Mɛlɛka Hala nɔmndo tuisi ndu dɛnɛ palaa coo le yeowla o tuei lan. Lelan piɛi Mɛlɛka le vanaa tɔ̀a lo yoomu-a.»

1Samiɛl 14:29

Mí Yonatan dimi aa: «Dɛnɛ palaa kpu Pua tuisi vannda coo nuaa ni. Bau kabi ya deembuu nihau lɛan man ɲɛ-pɔmbɔ, la tofa vɔ mɛɛ ya sɔla yoomuan yɛ.

1Samiɛl 14:27

Kɛ Yonatan sina maa fuɲa ndɔ ndóò luei sendío le vannda kpow le. Mó siɛndi sionnde va ndu o ba len, mó vow len o vàá malɛɔ nin, mó deembuu. Mí hɔlla ningila ndu dɔ́ɔ́ ɲɛkɛndɛ-kɛndɛ.

Talelan 29:13

Vana bala fondoo a vana del vannda coo-o, nda ŋiɔn kpede a nɔ ɲɔɔ pum diom pilɛ: Mɛlɛka ke nda hɔltan le cɔu ni.

Esai 14:3

«Te sangala niaalan a bɛpɛla niaa cuu pɛ, te cɛle kàlà-kálàle nda tuisi niaa coo len le cuu pɛ, lɔ́ɔ́ Mɛlɛka kenin niaa pɛngio-o,

Condii lisai 13:4

Mɛlɛka Hala nuu, tofa ya, ma mulul-la. Cɔɔlu ya yoomuan luei yɔŋii hɔltan la kindan ya, mì lɔl lɔma piɔ́mndan,

Esai 6:13

O vanaa va icali lenin-nda nin, te vana pilɛ lo vɔ pɛ o n'van tɔ́ coo, lɛŋnden le ŋɔanin o yinnden nin! Kɛ mɛɛ cii tumnde co ikiyɛi o terebɛnteo, te kon te yálán nda keŋ-ndo yɛ, lende koni vanaa diandaa fulanin o vanaa lonin yoomu o vannda ha tɛɛn-nda nin ni.»

Sofoni 3:12

I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.