Ɛsdras 9:7 - BII BILA

⁷ Kandɔɔ o paale fuɲaa naa imamaa, háá hau, pɔwla naalan la co bɔɔ sɛ́lɛ́. Le hakila naa n tosa lan, mí naa pila, masaa naa a vanaa-solia-lasálàà naa n luɛi masaa co o lɛŋnden coo-a o ba bɛngu, mí n del o mɔɛi cɔwve bɛngu, má kɔa a naa o biyɔɔ nin, mí vannda punga ɲɛm naan, mí siɛmbulan la bii naa mɛɛ la co hau naa biyɔ̀ɔ́ nuaa yɛ.

Ɛsdras 9:7 Referans Kwoze

2Dɛnnda lemasalan 29:6

Kani fuɲaa naa mamaa lo o lediom coo a Mɛlɛka Hala naa le, má tosa ɲɛ bɛnda ndu o hɔl too. Má mal ndu, má faŋal Fonda-Diandaa hɔlla, má mulul Mɛlɛka kɔɔ.

Cɛɛŋɔnnda Yeremi lan 5:7

Fuɲaa naa tosa dɛnɛ vɔɔndo má cuu, mì sanga kon va naa poaa ndaa coo.

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Yeremi 25:18

Mí kandu a Yerusalɛm a á kobila va o tàndá Yuda-o nin-ndan, masaa ndaa a simlacia ndaa, le lan mingio bémbélan. Mí vannda va kpingaa a mɔnɛi biyɔɔ, o kon má ca dɛnɛ kon, má va mɛnaa a ndi o kɔɔ mɛɛ o co hau tosanndo yɛ.

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

2Dɛnnda lemasalan 30:7

La tosa maa fuɲaa niaa a puapilɛa niaa le. Kani nda, a lo o lediom coo a Mɛlɛka Hala fuɲaa ndaa mamaa le. Lelan mí Hala luei nda mɔnɛi mɛɛ niaa co cɔu nuaa yɛ.

1Samiɛl 12:15

Kɛ te la tui diom Mɛlɛka-o le, te la tosa pɛ nila kalulan o sɔɔn ndɔn nin, ndu Mɛlɛka co niaa baa holɔɔ mɛɛ o hol fuɲaa niaa mamaa baa yɛ.

Kundalan 32:14

Sisa vɛlɛ, niaa vanaa kɔlvesɛiya ha, la yeema mì la tosa maa fuɲaa niaa kan, la yeema vɛlɛ mì la tuisi kɔltuw Mɛlɛka-o Israɛlla coo.

1Masaa 8:47

tàà lo pɛ o cɛle len nin, mà keeliaa kɔllo, tàà muungu pɛ nɔm o ibuŋ mà ɲɔɔlu nɔm o lɛŋnde nda co len va nin o biyɔɔ nin-nden nin, mà dimi aa: ‹N cua hakio, n tɛɛmbuu tɛɛmbuu bɛndu, n laasian›,

Ɛsdras 9:13

Éé Hala naa! Dɛnnda palaalan ndan la komal naa fúú le, kela naa vɔɔndo a tɛɛmbuula naala bɛndulan la cuu naa ndu ni. A kon kpede a saangiaa naa mɛɛ hakila naalan la co yɛ le, má mɛi naa yoomu.

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!

Yeremi 32:32

Israɛlla a Yudaa tɛɛmbuu ya kɔllo a dɛnnda vɔɔnnda nda tosa lan. Nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom Hala-a ndaa, vannda Yuda a vanaa co Yerusalɛm-nda.

2Dɛnnda lemasalan 34:24

Mɛlɛka dimi aa o co dɛnnda palaalan tuisi o fondaa ho a vanaa co lenin nda coo, o co dangala sɛvan o sɛbɛ nda dimi masaa Yuda o hɔl-lo nin-ndan kpow tuisi nda coo.

Esai 64:4

A va kɔlan vanaa va dɛnɛ sandaa tosaa a kɔlkɛndɔɔ-a bɔŋaa, a va vanaa va kelaa o nɛila nɔmndan coo, mà va loonɔnndo a nɔm o kɔɔ-a diomɔɔ. Kɛ tofa vɔ, a tuulu kɔl a naa, kani n cua hakio, n co lo sangaa lende háá telen naa n sɔlanin cindaa-o.

Yeremi 44:9

Vɛ̀ɛ̀ la pɔɛɛnun dɛnnda vɔɔnnda fuɲaa niaa mamaa, masaa Yuda, laandaa ndaa, niaa pila a la laandaa niaa tosa o tàndá Yuda-o nin a o nɛilan Yerusalɛm coo lan?

Esekiɛl 11:9

I solinin niaa o kobio ho nin, i malnin niaa mialla o ba, lende ya kilulnin niaa yamɛi nii ni.

Esekiɛl 39:23

O kon, vanaa-mangalaa-isɔɔa sinanin maa hakilan cuavaa Isaɛlla tosa ni, lelan nda kɔɛ a nda o biyɔɔ nin ni. Le kɛɛ nda kɛɛ le lou o diomnden coo a ya-o ya bɛɛ faŋal nda hɔlaa nia ni. Mí mal nda yaamɔaa ndaa o ba, haliko ma cuu vu kpede o mɔɛi cɔwve bɛngu.