Ɛsdras 9:6 - BII BILA

⁶ Mí dimul ndu aa: ‹Éé Hala nuu! Siɛmbulan la bii ya taw, hali hɔlla bɛɛ i nɔla heeloo le nɔm tofaa le, Hala nuu! Kani yɔŋnda vɔɔnnda naalan la lo kuiyo tei mì la hiaw naa ba, hakila naalan la lo dengelanndo háá mì la tiiya o halataala.

Ɛsdras 9:6 Referans Kwoze

Dɛnnda cɔɔmuanndan 18:5

Kani hakila ndɔlan la dengelan háá o halataala, mì Hala yiyan a dɛnɛ sandaa ndɔ lepɛŋndo.

Condii lisai 38:4

Le kɔl n tuulu a ya-o, ɲɛ-ɲɛ co lɛ o kɛndɛ ya o n'dial te. Le haki nuu, ɲɛ-ɲɛ co lɛ ya o bɛndaa o paalan nin te.

2Dɛnnda lemasalan 28:9

Vana-tɛɛngaa-diom Hala-o pum va lon diolan Obɛd. Mó fula, mó kɔa vanaa cɔvaa va muungoo Samari-a bɔŋaa, mó dimul nda aa: «Le tùú Mɛlɛka Hala fuɲaa niaa mamaa ndóò tambu kɔllo a Yudaa-o o mal nda niaa o ba nuaa ni. Kɛ nduyɛ, mí la diw nda a hiilɛi mí tɔ́ɔ́ kon tiiya háá o halataala.

Luke 15:21

Mí poo dimul ndu aa: ‹Pua, i cua hakio a Hala, i cua vɛlɛ hakio a nɔm, i nɔ lɛ di ma veelu ya aa po nɔm te.›

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

Ɛsdras 9:15

Mɛlɛka, Hala Israɛlla, vana sandaa n co ni. Lelan naa pumnda n co hau yoomu nuaa ni. Má cè naa nɔm o hɔl nanu a hakila naalan! Nduyɛ vana-vana bɛnda mò va nɔm o hɔl lende le.›»

Rɔmnda 6:21

Tɔnɔ yɛɛ niaa sɔla yɛ o dɛnnda lan nin telen kon, dɛnnda siɛmbulan la co niaa biyɔɔ sunsun-ndan pɛɛn? Kani mɛɛlula dɛnnda lan co piɔ́mndo ni.

Esekiɛl 16:63

Kon tosanin haliko ma yiyan a ɲɛ tosan paandu-o, mì siɛmbulan la bii nɔm, bako bɛɛ a suu lɛnin te. Kɛ ya, i malnin nɔm haki le dɛnnda vɔɔnnda n tosa lan kpow. Ya Maalii, ya co Mɛlɛka-o soo nuaa ni.»

Yeremi 31:19

A toɲa náà n kɔɛ nɔm levil, kɛ sunsun n sina maa n cee tosa le. N sina tɛɛmbuula naalan mí n biinun balan o lebol, siɛmbulan la bii naa mí n kiolu vai le dɛnnda naa n tosa o cuaambɔyɛi nin-ndan.›

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Yeremi 6:15

Mí siɛmbulan la bii pá nda a kela nda nɔɔlɛi kon? Kɛì-kɛì bɛɛ! Siɛmbulen bɛɛ le bii nda a kon kpow le, a sina bɛɛ maa a tosa dɛnɛ vɔɔn te. Lelan mí Mɛlɛka dimi aa: A delnin latulu nda vanaa co delɔɔ-a, nda pila cannunnin lɛŋ o telen ya mululunnin nda-o.

Yeremi 3:3

Le ken, mí tuŋ nɔm piɔɔ, tue bɛɛ piɔɔ del a sialten te, kɛ a kon kpede, a mel suundaa le, siɛmbula bii nɔm te few.

Esai 59:12

Kani yɔŋnda naala vɔɔnndan la co bɔɔ sɛ́lɛ́ nɔm o hɔl, nduyɛ hakila naalan la co naa seilen tɛndallo. Yɔŋnda naala vɔɔnndan la co naa lakayakayanndan. N co vɛlɛ biondɔnnda naalan sinaa válán.

Esai 1:18

Mɛlɛka dimi aa: «La hun mì n soonun latulu! Te hakila niaalan la va pɛ lasiaŋa vaŋ, la co muungu lahumbu maa fengbɔ, te la va pɛ lasiaŋa maa kola siaŋa sɔɔtɔtɔ, la co muungu maa kola keese humbu.

SƐBƐ YƆB-O 40:4

«Tofa vɔ, i co ɲɛ-ɲɛ le, vɛ̀ɛ̀ ya mulul-lɛnin nɔm? I handun-ndɔ baa o sondo mì meinun.

Ɛsdras 9:13

Éé Hala naa! Dɛnnda palaalan ndan la komal naa fúú le, kela naa vɔɔndo a tɛɛmbuula naala bɛndulan la cuu naa ndu ni. A kon kpede a saangiaa naa mɛɛ hakila naalan la co yɛ le, má mɛi naa yoomu.

O Kandɔɔ 13:13

Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

Luke 18:13

Mí vana biyaa muloo ndu sim levil pɔ́, o tiw bɛɛ ba hɔlla cuaa mo tofa o halataala le, kɛ mo va buŋnde lɔɔnɔnndo a dimio aa: ‹Hala, tuinun ya iɲíí, kani vana lahakio ya co ni.›

1Masaa 8:47

tàà lo pɛ o cɛle len nin, mà keeliaa kɔllo, tàà muungu pɛ nɔm o ibuŋ mà ɲɔɔlu nɔm o lɛŋnde nda co len va nin o biyɔɔ nin-nden nin, mà dimi aa: ‹N cua hakio, n tɛɛmbuu tɛɛmbuu bɛndu, n laasian›,

Yeremi 51:9

N dɔw nin Babilɔn danda, kɛ o singu le. Lelan n malnun ndu, mì vana-vana kɔɛnnun o lɛŋnde ndɔ nin. Kani dɛnɛ palaa nda tuisi ndu hoo coo-o tiiyaa o halataala di, O pilan yumbuyumboo coocoo di-di.

Fulaa 32:31

Mí Moise muungu Mɛlɛka o ibuŋ o pembei coo, mó dimul ndu aa: «A ce ya lɛŋ Mɛlɛka. I sina maa haki bɛndoo pila vannda ha tosa ni, kani a cɔw piɔmndo a sianion má siinguu ndu hala ndaa.

Tɔŋ lasálàá 26:40

«O kon, a sɔlɔlannin tɛɛmbuula ndalan a tɛɛmbuula fuɲaa ndaa mamaa, mà sɔlɔlan kasila nda del a ya lan a nila kalula nda tosa a ya lan.

Nehemi 1:6

Sisa, tofa ya vana nɔm baalaa, ma yaŋ nilan, ma tuei piɛile ya co nɔm idii a icɔl-ten. I co nɔm piɛiyo le vanaa nɔmaa baalaa, Israɛlla pɛɛn, le hakila nda cua a nɔm-ndan sɔlɔlanndo nɔm o hɔl. Yungu nuu a ya pila, n cua hakio a nɔm,

Condii lisai 38:5

Tɛɛmbuula nilan la hiow bolle nilen helɔɔ, la co ya kindilaa mɛɛ volɔɔ lusulaa kindila vana nuaa yɛ.

Cɛɛŋɔnnda Yeremi lan 3:42

N tosa dɛnnda hakilan mí n yɔŋnun vanaa nila kalua. Nɔm Hala, a mel naa haki le.