Ɛsdras 9:4 - BII BILA

⁴ Mí lo icali lon lende háá telen nda soli sálà paale delaa-o. Mí vanaa va buulanndo le yamɛi Hala Israɛlla va kiolɔ̀ɔ̀ le yɔŋ vɔɔn vanaa fula kan o biyɔɔ nin-nda tosa kon-ndo-e-a sɔɔnguu ya ikɛi.»

Ɛsdras 9:4 Referans Kwoze

Ɛsdras 10:3

N cuannun niko ciɛ́ɔn o Hala naa lo, o kon mì n kɛɛnun laandua kan a cuavaa naa n velu a nda-a kpow. N biinun sila nɔm Ɛsdras vana naa bɛndoo a vanaa nɔ siòòŋii Hala-e-a sila naa-o. O bɛnda mì n kela mɛɛ tɔŋndo dimul naa yɛ.

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

Fulaa 29:39

Ma soli sálà idiiyo a ò pilɛ, ma soli sálà paale delaa a o pilɔɔ.

Condii lisai 119:136

Mɛmɛan ma co ya fulaa o lahɔl taw, kani vannda co tɔŋ nɔmndo biyɔɔ le.

2Dɛnnda lemasalan 34:27

Le tùú sɔɛi ndu Mɛlɛka dimi a fondaa ho a á vanaa co lenin-nda o kɔɔ-e i pilan ndu masaa kɔllo, mó tuisin tootoo mɛlɛka o hɔl-lo, le tùú o tuisin tootoo mó sɛɛsian volɔɔlan lekɔɔ-o, le tùú o yaŋ vɛlɛ Mɛlɛka nilan-ndo, Mɛlɛka bɛɛ tuei ndu diom. Sɔɛi Mɛlɛka dimi-e co ken ni.

Dɛnnda kiilaa 3:1

Paale pilɛ, Piɛr nda Nsaŋ va kɔlan o Cɛi-Hala-o a paale yɔngannden, o lɛɛlɛ yàándɔɔ, telen ndáà piɛi Hala-o.

Daniɛl 9:21

mí Kabriɛl, langbanɔ ya ce o tasendɔ o vundulen nin-ndo toal-la coo púkù-pùkù tuma solia sálà paale delaa.

Esekiɛl 9:4

mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»

Ɛsdras 10:9

Palɛi ndii yáá o kon kɔɔli, mí vanpiaandua fula o tàndá Yuda-o nin-nda a á fula o tàndá Bɛnyamɛn-ndo nin-nda cuungian Yerusalɛm. O paale bidiinndɔlen coo o paangii ŋɔmahiɔɔlundɔɛi nin, mí vannda kpow a kɔ sim o Cɛi-Hala-o sondoo. Má va ɲiiyaa le dɛnɛ kon a le piɔɔ va siaa-o.

Daniɛl 10:2

«O telen kon, ya Daniɛl, mí tosa lɔ́ɔ́lan tan yáá o mɔnɛi nin.

Fulaa 29:41

Le sálà paale delaa bɛɛ, ma cua ɲɛm pilɛn mun: kpeyanndo, cuɛiyan a mɔiyan, mɛɛ n tosa a cɔlu sálà idiiyo yɛ. Sálà ŋɔa o yin le ya Mɛlɛka-o co kon ni, o ya tuɛi cun mì ɲɔɔ hɛnan ya-o.

Kundalan 25:6

A telen kon kpafii, mí langbanɔ Israɛlnɔɔ pum va hunɔɔ a cuaambɔ laandu Madiannɔɔ pum. Moise nda Israɛlaa tɔ̀a kpow a va icali caŋndo a mɔnɛi o cɛi-kola-toandaa-labɔɔŋianndo sondoo, má ca nda.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.