Ɛsdras 9:2 - BII BILA

² A yil cuavaa vanaa-mangalaa-isɔaa kan o nɔ̀lan le nda pila a le poaa ndaa. Nuaa nda bingulan yɛyii diandɛi a vanaa súúla celeŋaa co o lɛŋnde len nin-nda ni. Vanaa va vanaa tasea le dɛnɛ nɔɔlɛi kon tosaa-a yɔŋnun simlacia a vanaa bɛndua ni.›

Ɛsdras 9:2 Referans Kwoze

Tɔŋ miingua 7:6

Kani niaa, vanaa diandaa niaa co le Mɛlɛka Hala niaa ni. Ò hɛli niaa o vanaa súúla yɛ́-yɛ́a co o lɛŋnden coo-a kpow tɛɛn, haliko mi la va a ndɔa.»

Fulaa 34:16

Handɔɔ o kon coo, te la yii pɛ kpemaa a nda, la co cuavaa ndaa laandua yilɔɔ o nɔ̀lan le poaa niaa. Nduyɛ, cuavaa ndaa laandua lonin laasianndo o piɔmaa ndaa kan sooloo, mì poaa niaa bɛɛ a del nda kɔɔli a laasian pilɛ kon.

Ɛsdras 10:2

O kon mí Sekania, po Yehiɛl fula o polale Elam-nden nin-ndo cua sɔɛi, mó dimul Ɛsdras aa: «N lo o lediom coo a Hala naa le, kani n yil laandua o vanlaandua mangalaa isɔaa vanaa co o lɛŋnden nden nin-nda tɛɛn. Kɛ hali n tosa bɛɛ lende, kɔlkɛsiaa co vɔ le Israɛlla o dɛnɛ kon nin.

1Korɛntea 7:14

Kani vanapɔnɔ nɔ laalan too sɔɔnguu Hala ikɛi laa ndɔ kɔɔli, mì vana pɔnɔ ndɔ co vana laalan too sɔɔnguu Hala ikɛi laa ndɔ kɔɔli. Kɛ te i yɔŋnun lende le, cuavaa vanaa ŋiɔŋaa kan a siŋnun maa vanaa nɔɔlɛi Hala o hɔl, nduyɛ a diandaa nda co ni.

Malasi 2:15

Vɛ̀ɛ̀ o co dialii pilɛi le Mɛlɛka siinguu niaa niaa ndu o kɔllo a o falon nin te? Yɛɛ nɛ vanaciee pilɛ kon yeema yɛ? Vɛ̀ɛ̀ o co le cuavaa Hala yɔngu-a sɔlaa le? Lelan la caa a niaa pila, la hui lanɔ niaa yil o felengiyɛi nin-ndo le.

Malasi 2:11

Yudaa lo o lediom coo le. A tosá dɛnnda lamààlan Yerusalɛm ciee a o lɛŋnde Israɛl-ten kpow nin. Kani Yudaa soli fonda diandaa Mɛlɛka-o o báà nin le tùú nda yil vanlaandua sooluu halaa celennda-a o nɔ̀lan-ndo.

Tɔŋ miingua 14:2

Kani vanaa diandaa niaa co le Mɛlɛka Hala niaa ni. Mɛlɛka hɛli niaa o vanaa-mangalaa-isɔaa co o lɛŋnden kpow coo-a tɛɛn, haliko mi la va yungu sɔvɛɔ, ó siŋnun teengen le ndu Mɛlɛka-o.

Fulaa 19:6

Lelan, la vanin vanaa-solia-lasálàá lemasaa a yungu diandaa kɛsin teengen le ya Mɛlɛka-o.› Sɔɔn mun n bɛnda le Israɛlla tɛɛngullo ni.»

2Korɛntea 6:14

La luei bollen o yɔm lebol pilɔɔ bɛngu niaa vanaa laalan te-a le. Kani ɔ́ɔ̀ bɛnda co ɲɛ sandu-o a ɲɛ sendu loo tɛɛn-ndo? Ɔ́ɔ̀ canyɛi co ɲɛ-tengaa a ɲumndan tɛɛn-nde?

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

Esai 6:13

O vanaa va icali lenin-nda nin, te vana pilɛ lo vɔ pɛ o n'van tɔ́ coo, lɛŋnden le ŋɔanin o yinnden nin! Kɛ mɛɛ cii tumnde co ikiyɛi o terebɛnteo, te kon te yálán nda keŋ-ndo yɛ, lende koni vanaa diandaa fulanin o vanaa lonin yoomu o vannda ha tɛɛn-nda nin ni.»

Nehemi 13:28

Lelan, mí toaw po Yoyada-o pilɛ, mó faŋan ya ikɛi. Po imama Eliasib bolle vanaa-solia-lasálàá-o o va ni, lefoo Sanballa fula Horɔn-ndo.

Nehemi 13:17

Mí soaa a vanaa bɛndua Yuda, mí ɲuna nda aa: ‹Vɛ̀ɛ̀ la co pá dɛnɛ vɔɔn niaa co hoo tosaa-o bilaa biyɔɔ? La co paale pɛngiaalen lebɛɛ ke mɛɛ o bɛnda yɛ le.

Yosue 23:12

Kɛ te la mulul ndu pɛ kɔɔ mì la mɔsɔŋan a vanaa-mangalaa-isɔaa celeŋaa co niaa tɛɛn-nda, te nɔlan la luɛì pɛ niaa tɛɛn niaa ndaa, mì la cal niaa ndaa latulu,

Ɛsdras 9:12

La kɛ́sì cuavaa niaa laandua o nɔ̀lan poaa mialaa kan o ba le. La yil vɛlɛ cuavaa ndaa laandua o nɔ̀lan le poaa niaa le. La fula dɛnɛ nda kɛndɔɔ lehɔl te, la buulan le naŋɔɔ vanaa-mangalaa-isɔɔa sina kan Hala le-a le. Lende niaa siŋnunnin lɛŋnde kpaaya len ni, mì la de kulun kɛndɛn lelɛŋndon, mì la mel vɛlɛ poaa niaa lɛŋnde len kɛ́ɔ.

Ɛsdras 9:14

O dɛnndan ndan kpow kɔɔli, vɛ̀ɛ̀ naa n kɛɛ yɛnin vɛlɛ tɔŋnda nɔmndan biyɔɔ, mì n muungu nɔlan yiiyo naa vanaa-mangalaa-isɔɔa nɔ haa dɛnnda nɔɔlɛilan-nda? Vɛ̀ɛ̀ a tembunin kɔl a naa mà cii naa kpede hali vanndo pilɛ bɛɛ lonin te le?

Tɔŋ lasálàá 21:15

yɔŋii o luei polale laasiɛilen o yungule ndɔlen nin. Ya co Mɛlɛka ni. Ya hɛli ndu ni mí dindi ndu le baala nuu.›»

Yosue 22:15

Lɔ́ɔ́ nda tiiya o tàndá Kalaad-o nin-ndo, má tɛɛngul yungula fula o polale Rubɛn-nden, polale Kad len a o polale tálále Manase len nin-ndan

1Masaa 11:1

Handɔɔ o cua ndóò yil Faraɔnnɔɔ o ba o nɔ̀u nin-ndo coo, mí Salomɔn kaola vanlaandua mangalaa isɔɔa taw: Moabua, Amɔnnda, Edɔmnda, Sidɔnnda a Hitiia.