Ɛsdras 9:12 - BII BILA

¹² La kɛ́sì cuavaa niaa laandua o nɔ̀lan poaa mialaa kan o ba le. La yil vɛlɛ cuavaa ndaa laandua o nɔ̀lan le poaa niaa le. La fula dɛnɛ nda kɛndɔɔ lehɔl te, la buulan le naŋɔɔ vanaa-mangalaa-isɔɔa sina kan Hala le-a le. Lende niaa siŋnunnin lɛŋnde kpaaya len ni, mì la de kulun kɛndɛn lelɛŋndon, mì la mel vɛlɛ poaa niaa lɛŋnde len kɛ́ɔ.

Ɛsdras 9:12 Referans Kwoze

Tɔŋ miingua 7:3

La yii nɔlan niaa ndaa le, la kɛsi cuavaa niaa laandua o nɔlan poaa ndáà o ba le, la cua cuavaa ndaa laandua o nɔlan le poaa niaa le.

Tɔŋ miingua 23:6

Kɛ mí Mɛlɛka Hala niaa kɛɛ le nilan yaŋɔɔ o diom Balaam-ndo, mó mangala dangaa duaa le niaa, kani Mɛlɛka Hala niaa kaola niaa.

Talelan 13:22

Vana tosaa dɛnɛ kɛndɔɔ mèl cuavaa ndɔa imamaa kɛ́ ndɔɔ. Vana lahakio yɛ, le vana sandaa kɛ́ ndɔɔ co ni.

Esai 1:19

Te la cɛl pɛ le diom nuu biyɔɔ a yiyan kɛndɔɔ, la dianin kɔmnde hiow naŋɔɔ o lɛŋnden nden nin-nden.

Talelan 20:7

Vana sandaa co kelaa o sandei nin, dɛnɛ kɛndɔɔ vanin le cuavaa ndɔa o mɛinin-nda.

Ɛsdras 9:2

A yil cuavaa vanaa-mangalaa-isɔaa kan o nɔ̀lan le nda pila a le poaa ndaa. Nuaa nda bingulan yɛyii diandɛi a vanaa súúla celeŋaa co o lɛŋnde len nin-nda ni. Vanaa va vanaa tasea le dɛnɛ nɔɔlɛi kon tosaa-a yɔŋnun simlacia a vanaa bɛndua ni.›

Fulaa 23:32

La yii kpema niaa ndaa le, la yii kpema a halaa ndaa le.

2Dɛnnda lemasalan 19:2

mí Yehu vana-tɛɛngaa-diom Hala-o, po Hanani-o kɔa ndu bɔŋaa, mó ɲuna ndu aa: «Le yɛɛ nɛ n mala yɛ vana vɔɔndo ho? Vanaa Mɛlɛka nɛɛnun-nda nɔm kaola ni? Kɔltuw Mɛlɛka-o toalnin nɔm coo le ɲɛ n tosa hoo-o.

Tɔŋ miingua 23:7

Lelan, le fɛɛn a fɛɛn, te la co vɔ yoomu, la fula tɔnɔ nda, te kon te dɛnɛ kɛndɛ nda lehɔl te.

1Dɛnnda lemasalan 28:8

Nihau, ɲɛ ya co niaa dimul Israɛlla, vanaa cuungian Mɛlɛka o hɔl-la kpow a Hala naa co hoo naa diomndo tueyɔɔ-o o hɔl-lo co hoo ni: la bii tɔŋnda Mɛlɛka Hala niaa ɲɛkɛndɛi, haliko mi la sɔla lɛŋnde kɛndɛlen nden kɛ́ɔ, mì la mel poaa niaa len le fɛɛn a fɛɛn.