Ɛsdras 9:10 - BII BILA

¹⁰ Éé Hala naa! Yɛɛ nɛ naa n dimi yɛ vɛlɛ o dɛnnda tosan lan-ndan kɔɔli? N cii tɔŋnda nɔmndan tɛɛmbuu.

Ɛsdras 9:10 Referans Kwoze

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Cɛɛŋɔnnda Yeremi lan 3:22

Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.

Yosue 7:8

Éé Maalii! Mɛɛ Israɛlla ɲaanun yaamɔaa ndaa nuaa yɛ, yɛɛ ya dimi yɛnin kpeekpei?

O Kandɔɔ 44:16

Mí Yuda dimi aa: «Vɛ̀ɛ̀ naa n co yɛ hee muli, vana bɛndoo? Yɛɛ naa n co yɛ dimi? Vɛ̀ɛ̀ naa n nɔla yɛnin cɔmndo maa n del kasi le? Hala cii tɛɛmbuu naa cɔɔmuu. N cuu siŋnɔn cɛa nɔmnda, vana bɛndoo. Kandɔɔ a naa pila, kɔ bii a vana nda saalun taala kólaa o bɔlɔ-o.»

Ɛsdras 9:9

Kani cɛa naa n co ni, kɛ o cɛle naale len nin, nɔm Hala, a mel naa le few. Má luei masaa Pɛrsea kɔl iɲííyo nin a naa, haliko ma ce naa ɲia. Má cɛl vɛlɛ naa le Cɛi biilaa nɔmndo mingio tangullo, o ndóò del nin-ndo pɛɛn, haliko mi n sɔla caltan Yerusalɛm a o tàndá Yuda-o nin.

Ɛsdras 9:11

Tɔŋnda nɔm óò yɔngu vanaa nɔmaa baalaa, vanaa-tɛɛngaa-diom Hala-a nɔmnda le naa lan tɛɛngullo lan pɛɛn. Mí nɔm óò dimul naa o tasendɔ aa: Lɛŋnde niaa co lakɔ le calle nin-nden le cuu nɔɔliaa, kani vanaa co o lɛŋii ken nin-nda cuu nɔɔlian. Kandɔɔ o tumndo háá o bollen, a cii len pei a dɛnnda vɔɔnndan.

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

Nehemi 9:34

Masaa naa, simlacia naa, vanaa-solia-lasálàà naa a fuɲaa naa imamaa bii tɔŋnda nɔmndan te. Má mal tɔŋnda nɔmndan a sɔɔn nɔm óò sila nda-on.

Condii lisai 106:6

N cua hakio maa fuɲaa naa mamaa, n tosa dɛnnda vɔɔnndan, n tosa kɔlvesɛiyo.