Ɛsdras 9:1 - BII BILA

¹ «Lɔ́ɔ́ dɛnnda lan la cuu-o, mí simlacia pum sɔɔnguu ya ikɛi, má dimul-la aa: ‹Cuavaa Israɛlla, vanaa-solia-lasálàá a leviia, vana-vana sɛyan a vannda ha o lɛŋnden nden nin te. A del dɛnnda nɔɔlɛila vannda ha kɔɔli: Kanannda, Hitiia, Perisiia, Yebusiia, Amɔnnda, Moabua, Esiptea a Amoriia.

Ɛsdras 9:1 Referans Kwoze

Nehemi 9:2

Má Israɛlla sɛyan a vanaa co N'Yuifi le-a, má cal nda daama, má sɔlɔlan hakila ndala nda pila lan a hakila fuɲaa ndaa mamaa.

Fulaa 33:16

Vɛ̀ɛ̀ nda sina yɛnin maa a ce ya ɲia má ca vɛlɛ vannda ha ɲia? Fɔ mì n kɔɛ naa niaa latulu, mì n va teengen a vanaa súúla celen o ceendo coo malan vannda sina maa a ce naa ɲia.»

Yeremi 26:16

O kon mí simlacia a sɛ́lɔ́ɔ́ kpow a dimul vanaa-solia-lasálàá a vanaa-tɛɛngaa-diom Hala-a aa: «Langbanɔɔ ho bɛnda mò sɔla piɔ́m te, kani Mɛlɛka Hala naa lekɛ́ndɛi vem ndu le naa sɔɔn mun dimullo ni.»

Yeremi 26:10

Simlacia tueyɔɔ sɔɛi ken, má mal o cɛi lemasaa, má hel o Cɛi-Hala-o, má kɔ cal o dio sɛnɛi Cɛi-Hala-o.

Esai 52:11

Niaa co ɲɛm-laandun diandan Mɛlɛka-on vilio-a, la muungu! La muungu! La faŋan nanu! La pilan ɲɛ-ɲɛ nɔɔlɛi le dɛ! La fula o kobio Babilɔn nin, la dindin fó-fó!

Condii lisai 106:35

Má muulian nda vanaa sina Hala le-a, má muungu namula vanaa kan tosaa.

Nehemi 4:3

O kon mí n piɛi Hala naa, mí n kɛsi kpalilla le ipala a le icɔl, yɔŋii nda va naa palaa a cɔwvo.

Ɛsdras 10:8

Mí simlacia a vanaa kɔlkalua va nda coo-a dimi maa vana-vana hin o palɛi ndii yáá bɛngu le, a poondiaa ɲɛm ndɔn kpow. O kon kɔɔli, a faŋa ndu pila caanda coo.

2Dɛnnda lemasalan 33:2

Mó tosa ɲɛ hɛnan Mɛlɛka loo, mó luɛinun o dɛnnda bɛɛtambɛila vanaa-mangalaa-isɔɔa Mɛlɛka ndóò tow Israɛlla laci-a va tosaa lan nin.

1Masaa 11:1

Handɔɔ o cua ndóò yil Faraɔnnɔɔ o ba o nɔ̀u nin-ndo coo, mí Salomɔn kaola vanlaandua mangalaa isɔɔa taw: Moabua, Amɔnnda, Edɔmnda, Sidɔnnda a Hitiia.

Tɔŋ miingua 18:9

«Lɔ́ɔ́ niaa luɛinin o lɛŋnde Mɛlɛka Hala niaa ke niaa len nin-ndo, la tosa dɛnnda nɔɔlɛilan maa vanaa co icali lenin sunsun-nda le.

Kundalan 23:9

I sim o powta kpovalan bollen, mí ca nda. I sim o pembon coo, mí mɛɛndan nda. A toɲa, vanaa calta ndalan la connun teengen-nda nda co ni. Nda co ɲɛ pilɛ a vanaa-mangalaa-isɔɔa tɔ̀a le.

Tɔŋ lasálàá 18:3

La vial vanaa niaa va tɛɛn Esipte-a a káà, mì la tosa sɔɔn nda co tosaa-on te, la vial vɛlɛ vanaa ya co niaa yɔɔ tɛɛn o lɛŋnde Kanaan-nden nin-nda a káà, mì la tosa sɔɔn nda vanin tosaa-on te. La kela maa vanaa kan te.

Fulaa 23:23

Kani mɛlɛkanɔ nuu vanin kɔlan niaa laci háá mo kɔ tiiya niaa o lɛŋnde Amoriia, Hitiia, Perisiia, Kanannda, Heviia a Yebusiia nin. Vanaa kan yɛ, i ciinin nda kpede.

Fulaa 13:5

Lelan, lɔ́ɔ́ Mɛlɛka lueinin niaa o lɛŋnde Kanannda, Hitiia, Amoriia, Heviia a Yebusiia nin-ndo, lɛŋnde o yiilu fuɲaa niaa mamaa kpemaa le nda len yɔngoo len, lɛŋnde cɔlua a tɔlɔɔlan la naŋ nin taw-taw len, la bɛnda mì la tosa kafoo ho o paangii pilɛi he nin.

O Kandɔɔ 15:16

Kɛ nduyɛ, fɔ mí vanndacieea hiow lambilan lahiɔɔlu malan cuavaa nɔmaa imamaa muungu nanu. Kani Amoriia va vɔ nin kɔlvesɛiyo tosaa háá telen kon.»

Nehemi 4:7

Lelan, mí kɛsi vannda lebɛngu o bóllo nin o kpakio kɔɔli, a nɛɛ kpakio ndóò cownun ndɔ le-a, mí kɛsi nda mɛɛ yungula ndalan la va yɛ. Mɔɔn cɔwvon, báltan a kpaasiaalan la va nda o laba.

Nehemi 13:23

O telen kon, mí ca maa Yuifia ndáà cii nin laandua yilɔɔ o vanlaandua Asdɔdea, Amɔnnda a Moabua tɛɛn.

Malasi 2:11

Yudaa lo o lediom coo le. A tosá dɛnnda lamààlan Yerusalɛm ciee a o lɛŋnde Israɛl-ten kpow nin. Kani Yudaa soli fonda diandaa Mɛlɛka-o o báà nin le tùú nda yil vanlaandua sooluu halaa celennda-a o nɔ̀lan-ndo.

Kundalan 25:6

A telen kon kpafii, mí langbanɔ Israɛlnɔɔ pum va hunɔɔ a cuaambɔ laandu Madiannɔɔ pum. Moise nda Israɛlaa tɔ̀a kpow a va icali caŋndo a mɔnɛi o cɛi-kola-toandaa-labɔɔŋianndo sondoo, má ca nda.

Tɔŋ miingua 7:1

«Lɔ́ɔ́ Mɛlɛka Hala niaa lueinin niaa o lɛŋnde niaa co kɔlan luɛyɔɔ nin le len hiɔlɔɔ len nin-ndo, te o tow pɛ Hitiia, Kirkasiia, Amoriia, Kanannda, Perisiia, Heviia a Yebusiia niaa laci, vanaa-mangalaa-isɔɔa kundala ŋɔmmɛvaa hiow niaa kan sɛ́lɔ́ɔ́ a kpaayaa-a,

Tɔŋ miingua 23:8

Kɛ la nɔ́ nɛyɔnndo a Edɔmnda le, bau puapilɛa niaa nda co ni. La nɔ́ vɛlɛ nɛyɔnndo a Esiptea le, bau la va icali o lɛŋnde ndalen nin.

Yosue 23:12

Kɛ te la mulul ndu pɛ kɔɔ mì la mɔsɔŋan a vanaa-mangalaa-isɔaa celeŋaa co niaa tɛɛn-nda, te nɔlan la luɛì pɛ niaa tɛɛn niaa ndaa, mì la cal niaa ndaa latulu,

2Dɛnnda lemasalan 8:7

Vanaa pum ndáà lo o lɛŋnde len nin, nda ve cuavaa Israɛl te. Nda yɔŋnun haa ni: Hitiia, Amoriia, Perisiia, Heviia a Yebusiia.

Ɛsdras 10:2

O kon mí Sekania, po Yehiɛl fula o polale Elam-nden nin-ndo cua sɔɛi, mó dimul Ɛsdras aa: «N lo o lediom coo a Hala naa le, kani n yil laandua o vanlaandua mangalaa isɔaa vanaa co o lɛŋnden nden nin-nda tɛɛn. Kɛ hali n tosa bɛɛ lende, kɔlkɛsiaa co vɔ le Israɛlla o dɛnɛ kon nin.