Ɛsdras 8:23 - BII BILA

²³ Lelan naa n bii sumndo ni, mí n piɛi Hala naa, mó muli piɛile naalen.

Ɛsdras 8:23 Referans Kwoze

Ɛsdras 8:31

«O paale tɔ́ a lediinndɔlen coo, o paangii tasei nin, mí n faŋan o peo Ahava kɔngɔ le kɔlan Yerusalɛm. O telen naa n tosa nɛi-tɛɛn-ndo kpede bɛngu, ba Hala-o va naa coo, o va naa kandaa le yaamɔɔa a le vanaa del vannda coo-a.

Tɔŋ miingua 4:29

O kon la nuwviaanin Mɛlɛka Hala niaa. La saalunnin ndu, te la muungu pɛ ndu o ibuŋ a kɔlta niaalan kpow a á yoomu niaa kpow.

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

1Dɛnnda lemasalan 5:20

Telen nda va cɔw kon tosaa-o, má piɛi Hala. Le tiindan nda tiindan kon Hala, má ɲuna ndu-o, mí Hala mala nda. Má nɔla Hakeriaa kan a vanaa ndáà sɔɔnguu le nda mala-a kpow.

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Esai 19:22

O kon, Mɛlɛka soaŋnin Esiptea, a toɲa, o soaŋnin nda, kɛ o singinin nda, o kon a mangalannin ma muli hɔlla o Mɛlɛka lo. Mɛlɛka mulinin piɛile ndalen mo singi nda.

Dɛnnda kiilaa 10:30

Mí Kɔrnɛil muli aa: «O co nihau palɛi ihiɔɔlu, i va Hala piɛiyo o ya lo cɛinin o telen pilɔɔ hoo, o lɛɛlɛ yàándɔɔ a paale yɔngannden. Mí vanndo pum cɔmnun ya a volɔɔla ŋɛlɛngi-ŋɛlɛngi lan lekɔɔ o lepilɔɔ, mó dimul-la aa:

Luke 2:37

mí pɔnɔ ndɔ vu. Mó lo a vii ken háá vɔsilan belaŋɔmaa a lahiɔɔlu, o faŋan o Cɛi-Hala-o nin te, o va kɔlan kaannden tosaa idii a icɔl. O va sumndo biyɔɔ mo va piɛilen.

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Nehemi 9:1

O paale bidiin a lehiɔɔlundɔlen coo o paangii pilɛi ken nin, mí Israɛlla cuungian le sumndo biyɔɔ. Má vownun volɔɔla yuululan, má suinun vɛlɛ loolio o lebol.

O Kandɔɔ 25:21

Mí Isaak piɛi Mɛlɛka le Rebeka laa ndɔ pulei timbio, kani Rebeka ve vana vialaa le. Mí Mɛlɛka muli piɛile ndɔlen, mí Rebeka laa ndɔ cua folio.

2Masaa 13:4

O kon, mí Yoahas tɛɛlun Mɛlɛka, mí Mɛlɛka tuɛi ndu diom. Kani o va dɛnɛ palaa masaa Aram va Israɛlla tuisio coo-o cɔu.

Talelan 3:5

Sɔɔnun Mɛlɛka o ba a kɔl nɔmndo kpow, tííndàn dɛnɛ sinaa nɔmndo le.