Ɛsdras 8:22 - BII BILA

²² Kani o va nin ya o lasiɛmbu le masaa ɲunaa vɛlɛ mì ndóò ke naa vanaa cɔwva a vanaa ɲaanun o soa coo-a le naa mandaa nɛi-tɛɛn le yaamɔaa naa. Bau naa n cii nin masaa dimul maa ba Hala naa co vanaa tiindan ndu-a kpow coo. Kɛ o tuisinin kɔl ndɔ tuw bɛndoo vanaa kɛɛ ndu-a coo.

Ɛsdras 8:22 Referans Kwoze

1Piɛr 3:12

Kani Mɛlɛka nɔ hɔlten vanaa sandaa coo, o co nilan yaŋɔɔ o piɛile ndalen, kɛ a kpaayaa Mɛlɛka mululun vanaa tosaa dɛnnda vɔɔnda ni.

2Dɛnnda lemasalan 16:9

Kani Mɛlɛka co hɔlten keelaa o lɛŋnden kpow coo le vanaa kaola ndu a kɔlta ndalan kpow-va malaa. Maa diɔm n tosa dɛnndan o sɔɛi he nin ni. Lelan, kandɔɔ sisa háá le fɛɛn a fɛɛn nin, cɔwlan la cuunin nɔm coo le.»

Cɛɛŋɔnnda Yeremi lan 3:25

Mɛlɛka naŋ le vana kɛsi ndu kɔllo coo-o, le vana co ndu nuwviaa-o.

2Dɛnnda lemasalan 15:2

mó kɔa o Asa lo, mó dimul ndu aa: «La yaŋ ya nilan, nɔm Asa, Yudaa a vanaa fula o polale Bɛnyamɛn-nden nin-nda! Te la co vɔ pɛ Mɛlɛka o ibuŋ, mɛɛ ndu bɛɛ vanin a niaa. Te la nuwviaa pɛ ndu, o cɔmnunnin niaa, kɛ te la mulul pɛ ndu kɔɔ, ndu bɛɛ mululnin niaa kɔɔ.

Condii lisai 34:22

Dɛnɛ palaa díì vana kɔlvesɛiyo ni, sangaa toal vanaa tol vana sanda yɛlen-nda coo ni.

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

Hebreea 10:38

Mí Hala dimi aa: «Vana sandaa vana laalan ya-o co ni, duyɛ vana sandaa vanin yoomu le laalan ndɔɔ. Kɛ te o muungu pɛ a makɔɔ, kɔl nuu downun ndɛ ɲaale a ndu le.»

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Ɛsdras 7:28

Ndu Hala kon tosal-la vɛlɛ kɛndɛi ni, mí masaa, vanaa ndɔa silaa a vanaa bɛndua lelɛŋnda kpow a ca ya ɲia. Kani le tùú kpaaya Mɛlɛka-o, o co Hala nuu-o co ya coo-o, mí tiwba le simlacia Israɛlla mɔɔsiaa le heeloo latulu naa ndaa.»

Yosue 23:16

Te la tɛɛmbuu pɛ kpema Mɛlɛka Hala niaa yiilu niaa-o, mì la beŋ halaa celennda vulan le nda sooloo, mɛɛ kɔltuw Mɛlɛka-o tamalanin le tolɔɔ niaa coo le, o kon la cuunin o lɛŋnde kɛndɛle o ke niaa len coo kpow.»

Ɛsdras 7:9

Mó yam lɔ́ɔ́ le cɔnɔnndo Babilɔn o paale taselen coo o paangii tasei nin. Mó tiiya Yerusalɛm o paale taselen coo o paangii ŋuɛɛnundɔɛi nin, ba ikɛndɛ Hala ndɔɔ va ndu coo.

2Korɛntea 7:14

I lisan bɛɛ ɲɛ-pɔmbɔ ndu o hɔl a niaa o kɔɔ, siɛmbula bii ya le. Maa mɛɛ naa n dimul niaa dɛnndan kpow a toɲaa-e, mí lisan naa n lisan Tite o hɔl-lo siŋnun toɲaa.

1Korɛntea 9:15

Kɛ ya ya, i tosa sɔɔn mun ikɛ́-kɛ̀ le, o co mì ɲɛm mun yɔngun ya le ya co sɛvaa ho le. Kani o co fisa mì vi, a lou ɲaaloo dɔwnɔnndo o kuundian kon nin.

Condii lisai 90:11

Ɔ́ɔ̀ vana sina kpaaya kɔltuw nɔmndo-o? Nɛ̀ɛ́ sina yɛ kɔl tambɛi nɔmndo, o yɔŋ mì siòòŋii nɔmnde bii naa-o?

Yosue 22:16

sɔɔn Israɛlaa tɔ̀a kpow dimi-on aa: «Le yɛɛ niaa kɛɛ yɛ lo o lediom coo a Hala Israɛlla? Le kɔlɔ yɛɛ nɛ niaa mulul lɛ ndu Mɛlɛka hau kɔɔ, mí la tangul fonda-loamaa-lasálàá le ndu simullo?

Ɛsdras 8:31

«O paale tɔ́ a lediinndɔlen coo, o paangii tasei nin, mí n faŋan o peo Ahava kɔngɔ le kɔlan Yerusalɛm. O telen naa n tosa nɛi-tɛɛn-ndo kpede bɛngu, ba Hala-o va naa coo, o va naa kandaa le yaamɔɔa a le vanaa del vannda coo-a.

Nehemi 2:9

Mí masaa soli kuubaa cɔwva a vanaa ɲaanun o soa coo-a le ya liilaa. Mí kɔ yoo masaa n'bungaa va Efrate peo leloo-a sɛbɛla lan.

Condii lisai 20:8

Vanaa pum tiindan ɲɛla ɲaanannda soa nan-ndan, a pum yɛ soa ndaa nda tiindan ni. Kɛ naa naa, tiindan naa, ndu co diola Mɛlɛka Hala naa lan piɔlɔɔ ni.