Ɛsdras 8:16 - BII BILA

¹⁶ O kon, mí veelu simlacia ha: Eliesɛr, Ariɛl, Semaya, Ɛlnatan, Yarib, Ɛlnatan, Natan, Sakari, Mesulam a vanaa pɛɛku vannda tɔŋndo-a nda ŋiɔn: Yoyarib nda Ɛlnatan.

Ɛsdras 8:16 Referans Kwoze

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

2Timote 2:7

Keela kɔllo o sɔɔn ya co nɔm dimullo-on coo, kani Mɛlɛka kenin nɔm kɔlkaloo o dɛnndan kpow nin.

Daniɛl 2:21

Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.

Talelan 28:2

Te vannda luɛi pɛ seesiɛi o lɛŋnden nin, simlacia kui. Kɛ masaa nɔ pɛ kɔlkaloo, mò nɔ dɛnɛ sinaa, ɲɛ-ɲɛ kɔɛ o kɛndɛ.

Talelan 20:5

Tuula co vanacieo o kɔl-tan la co maa mɛmma co o lɛŋnden bɛngu di-an. Vana kendu kɔl-lo caa lan solio ceen ni.

Talelan 2:6

Kani Mɛlɛka yɔngu kɔlkaloo ni. Ndu o sondo sinapɛngoo a dɛnɛ sinaa fula ni.

Ɛsdras 10:39

Selemia, Natan, Adaya,

Ɛsdras 10:21

O poaa Harim-nda tɛɛn: Maseya, Eliya, Semaya, Yehiɛl a Osias.

Ɛsdras 8:18

Nduyɛ, mɛɛ ba Hala naa va naa coo yɛ, mí vanaa kan vim naa Serebia. Vana kendu kɔl taw o poaa Mahli-a tɛɛn-ndo Serebia kon va ni, po Levii-o a po imama Israɛllo Mahli kon va ni. Mí Serebia kon hun a poaa ndɔa a á puapilɛa ndɔa, a va n'van tɔ́ a vanaa ŋɔmaa.

Ɛsdras 8:13

O poaa Adonikam-nda tɛɛn, a mɛɛlaa nda sɛva ni, diola ndalan la co lan ni: Elifelɛt, Yeiyɛl a Semaya, nda va vanpiaandua belaŋɔmpumaa nda sɛva a nda latulu-a bollen ni.

2Dɛnnda lemasalan 2:12

I co nɔm vanapɔnɔ kɔlkalu caa baalaa taw-vo vim, Hiram-Abi pɛɛn,

1Dɛnnda lemasalan 26:14

Mí sionnden le bii Selemia le dio va a ba paalen le can-ndo-o cumullo. Má mal vɛlɛ siondei le Sakari po ndɔ, vana kɔlkaloo o va ni, mí ndu sɔla dio va a ba luaŋ-ndo-o.

1Dɛnnda lemasalan 12:32

O polale tálále Manase len nin, vannda vaalan tɔ́ a laŋɔmaa (18 000) ndáà veelu diolan le kɔlan David suilio masaa ni.

1Masaa 3:11

O kon, mí Hala dimul ndu aa: «Le tùú n piɛi le nɔm pila yoomu vilɛi sɔla loo, le tùú n piɛi bolofaa le nɔm pila loo, le tùú n piɛi le yaamɔaa nɔmnda vu loo, kɛ má piɛi kɔl taasio le masalen tosaa o sandei nin,

Ɛsdras 8:15

«Mí cuungiaa nda kpow o pee tuusu a ba Ahava-o-o kɔngɔ, mí n tosa palɛi ndii yáá lon. Mí mɛɛndian vannda kpow, mí ca vanaa tɔ̀a a vanaa-solia-lasálàá, kɛ hali leviinɔɔ ndu pilɛ i ci nda tɛɛn te.

Ɛsdras 8:17

Mí viam nda le kɔlan o Ido simlacinɔ va icali Kasifia-o lo, mí congun nda mɛɛ ndáà bɛnda le ndu pila a vanaa nda va baalaa latulu-a dimullo yɛ, buɛyaa va o Cɛi-Hala-o nin Kasifia-a pɛɛn, haliko mi ndáà cuu naa vanaa malaa le baalaa o Cɛi-Hala naa nin.