Ɛsdras 8:15 - BII BILA

¹⁵ «Mí cuungiaa nda kpow o pee tuusu a ba Ahava-o-o kɔngɔ, mí n tosa palɛi ndii yáá lon. Mí mɛɛndian vannda kpow, mí ca vanaa tɔ̀a a vanaa-solia-lasálàá, kɛ hali leviinɔɔ ndu pilɛ i ci nda tɛɛn te.

Ɛsdras 8:15 Referans Kwoze

Ɛsdras 8:31

«O paale tɔ́ a lediinndɔlen coo, o paangii tasei nin, mí n faŋan o peo Ahava kɔngɔ le kɔlan Yerusalɛm. O telen naa n tosa nɛi-tɛɛn-ndo kpede bɛngu, ba Hala-o va naa coo, o va naa kandaa le yaamɔɔa a le vanaa del vannda coo-a.

Ɛsdras 8:21

Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.

Ɛsdras 7:7

O vɔsi ŋɔmmɛwndɔɔ nin o masale Artasɛrsɛs len bɛngu, mí Israɛlla pum, vanaa-solia-lasálàá, leviia, vanaa ɲɛ-caa, kpalilaa cumulaa ladioa a buɛyaa va vallo o Cɛi-Hala-o nin-nda kɔa Yerusalɛm.

Esekiɛl 3:15

O kon, mí tiiya Tɛl-Aviv, o vanaa ndáà kɔɛ o biyɔɔ nin-nda lo, a va o peo Kebar kɔngɔ, o fonda nda va icali-o, mí tosa palɛi ndii ŋɔmmɛw nda tɛɛn ndon o kɔndɔfillo nin.

Condii lisai 137:1

N va icali Babilɔn o peo kɔngɔ, mí n yiyan a Siɔn o kɔɔ, mí n tundun caŋndan.

Ɛsdras 8:2

Bolle panga fula o poaa Pineas-a tɛɛn-ndo va Kɛrsɔm ni, ó fula o poaa Itamar-a tɛɛn-ndo va Daniɛl ni, ó fula o poaa David-a tɛɛn-ndo va Hatus ni,

Dɛnnda kiilaa 16:13

O paale pɛngiaalen coo, mí n can ciee, mí n kɔa o peo kɔngɔ. N va yiyanndo maa n va fondaa pum komal, nɛɛ Yuifia piɛi Hala-a. Mí n cal, mí n soaa vanlaandua va a cuungiannda o fonda kon-nda o lani.

Esekiɛl 1:1

O vɔsi beleyàándɔɔ nin, paangii hiɔɔlundɔɛi va malɔ leŋuɛɛnu, i va vanaa ndáà kɔɛ o biyɔɔ nin-nda tɛɛn o peo Kebar kɔngɔ, mí halataalaa kumbin, mí Hala cɔm ya dɛnɔɔ pum o vundulen nin.

Ɛsdras 7:24

N co niaa vɛlɛ dimul kpendekele maa n kuuna niaa le muloo, ɲɛm solian a sala hiavaa biyɔɔ vanaa-solia-lasálàá, leviia, vanaa ɲɛ-caa, kpalilaa cumulaa ladioa, buɛyaa Cɛi-Halaa a vanaa baalaa co o Cɛi-Hala-o nin-nda kpow o ba.

Ɛsdras 8:14

O poaa Bikvai-ya tɛɛn, Utai nda Sabud nda sɛva ni, nda va vanpiaandua belaŋɔmmɛvaa nda sɛva a nda latulu-a bollen ni.»

Ɛsdras 8:16

O kon, mí veelu simlacia ha: Eliesɛr, Ariɛl, Semaya, Ɛlnatan, Yarib, Ɛlnatan, Natan, Sakari, Mesulam a vanaa pɛɛku vannda tɔŋndo-a nda ŋiɔn: Yoyarib nda Ɛlnatan.

Ɛsdras 7:28

Ndu Hala kon tosal-la vɛlɛ kɛndɛi ni, mí masaa, vanaa ndɔa silaa a vanaa bɛndua lelɛŋnda kpow a ca ya ɲia. Kani le tùú kpaaya Mɛlɛka-o, o co Hala nuu-o co ya coo-o, mí tiwba le simlacia Israɛlla mɔɔsiaa le heeloo latulu naa ndaa.»