Ɛsdras 8:1 - BII BILA

¹ «Polama vanaa va bolii lapangɛi-ya ma yɔŋnun man ni, naa ndaa cɛn latulu Babilɔn o paale masaa Artasɛrsɛs len ni, mí n heelu Yerusalɛm:

Ɛsdras 8:1 Referans Kwoze

Ɛsdras 7:7

O vɔsi ŋɔmmɛwndɔɔ nin o masale Artasɛrsɛs len bɛngu, mí Israɛlla pum, vanaa-solia-lasálàá, leviia, vanaa ɲɛ-caa, kpalilaa cumulaa ladioa a buɛyaa va vallo o Cɛi-Hala-o nin-nda kɔa Yerusalɛm.

Ɛsdras 7:13

I yɔngu diomndo mí cɛl, haliko mi Israɛlla, vanaa-solia-lasálàá a leviia, a co o masale nilen nin má yeema le kɔlan Yerusalɛm-nda kpow a kɔɛ niaa ndaa latulu.

Ɛsdras 2:62

Mí vanaa kan a nuwviaa sɛbɛla diola fuɲaa ndaa mamaa láà sɛvan nin-ndan, kɛ a seelun ndan te. Le hee, má soli nda o vali solia lasálàá nin, má ca nda maa vanaa dindu le-a.

Ɛsdras 1:5

O kon mí vanaa va bolii lapangɛi o polale Yuda len a o polale Bɛnyamɛn-nden coo-a, vanaa-solia-lasálàá, leviia a vanaa Hala tosa ɲɛ pum o lakɔl-la bɛɛndian le kɔlan Cɛi-Hala co Yerusalɛm-ndo.

2Dɛnnda lemasalan 26:12

Ndáà cɔmndo nda, mí kuubaa cɔvaa va bolii lapangɛi o yungula ndalan coo-a bɛnda faw-faw vannda vàálan latiɔn kɛmɛ leŋɔmpum (2 600).

1Dɛnnda lemasalan 26:32

Yeriya a puapilɛa ndɔa a va vàálan tan tiɔn a kɛmɛ leŋɔmmɛw (2 700), nda kpow vanaa sɔvɛa a vanaa va bolii lapangɛi o yungula ndalan nin-nda nda va ni. Mí masaa David kɛsi nda le sɔɔn Hala-on a sɔɔn masaa bɛɛndiaa vanaa fula o polale Rubɛn-nden nin-nda, vanaa fula o polale Kad len nin-nda, a vanaa fula o polale tálále Manase len nin-nda coo.

1Dɛnnda lemasalan 24:31

Mí poaa leviia bɛɛ mal siondei maa puapilɛa ndaa, poaa Aarɔn-nda pɛɛn, masaa David, Sadɔk, Ahimelɛk, a vanaa va bolii lapangɛi o vanaa-solia-lasálàá a leviia tɛɛn-nda o hɔl. Mɛɛ nda tosal yungu po tasoo yɛ koni nda tosal vɛlɛ yungu vana va cuaambɔ-o ni.

1Dɛnnda lemasalan 9:34

Haa yɔŋnun vanaa lebolla o yungula leviia coo ni, mɛɛ polama ndan ma va yɛ, ma va icali Yerusalɛm.

1Dɛnnda lemasalan 9:1

Má cɔm Israɛlla kpow, má sɛva nda diolan a yungula yɛ́-yɛ́lan o sɛbɛ masaa Israɛlla nin. Kɛ vanaa va Yuda-a lo o lediom coo a Hala le, lelan má kɔa a nda Babilɔn o cɛlen nin.

1Dɛnnda lemasalan 4:33

handɔɔ niko o cieon mún balu kobila lan-ndon kpow coo, kɔlan tiiyaa háá Baal. Calta ndalan la yɔŋnun ndan ni. Diola yungula ndalan la co lasɛvaa o sɛbɛla polama ndan nin.

Ɛsdras 7:28

Ndu Hala kon tosal-la vɛlɛ kɛndɛi ni, mí masaa, vanaa ndɔa silaa a vanaa bɛndua lelɛŋnda kpow a ca ya ɲia. Kani le tùú kpaaya Mɛlɛka-o, o co Hala nuu-o co ya coo-o, mí tiwba le simlacia Israɛlla mɔɔsiaa le heeloo latulu naa ndaa.»

Ɛsdras 8:2

Bolle panga fula o poaa Pineas-a tɛɛn-ndo va Kɛrsɔm ni, ó fula o poaa Itamar-a tɛɛn-ndo va Daniɛl ni, ó fula o poaa David-a tɛɛn-ndo va Hatus ni,

Ɛsdras 2:2

Vanaa sim nda laci o muungu kon nin-nda yɔŋnun haa ni: Sorobabɛl, Yosue, Nehemi, Seraya, Reelaya, Mardosee, Bilsan, Mispar, Bikvai, Rehum a Baana. Mɛɛ vanpiaandua va sɛ́lɔ́ɔ́ o cuavaa Israɛlla tɛɛn yɛ va hoo ni:

Ɛsdras 2:3

Poaa Pareɔs-a va vàála tiɔn a kɛmɛ a belaŋɔmmɛw a vanaa ŋiɔn (2 172),

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.