Ɛsdras 7:9 - BII BILA

⁹ Mó yam lɔ́ɔ́ le cɔnɔnndo Babilɔn o paale taselen coo o paangii tasei nin. Mó tiiya Yerusalɛm o paale taselen coo o paangii ŋuɛɛnundɔɛi nin, ba ikɛndɛ Hala ndɔɔ va ndu coo.

Ɛsdras 7:9 Referans Kwoze

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Nehemi 2:8

mì sɛbɔɔ pilɛ sɛvan vɛlɛ le Asaf, vana mandaa bundɛ masaa, haliko mo ke ya yɔmnde le koŋnda kpaki co o Cɛi-Hala-o ikɛi kpɛɛlun-ndan toosiaa, le kpaki kobio a le cɛi ya vanin nin-ndo.› Mí masaa yɔngu ya sɛbɛla lan, kani Hala nuu va ya ikɛi.

Nehemi 2:18

Mí downun nda niko kona mɛɛ Hala nuu kanda ya yɛ, mí dimul nda vɛlɛ sɔɔn masaa dimul-la-on. Má muli o lepilɔɔ aa: ‹N cɔ̀nnun mì n tangulun.› O kon má lueinan yoomuan o diom nda yii-o coo.

Ɛsdras 7:8

Mí Ɛsdras kɔa nda ndaa latulu Yerusalɛm o paangii ŋuɛɛnundɔɛi nin.

Ɛsdras 8:22

Kani o va nin ya o lasiɛmbu le masaa ɲunaa vɛlɛ mì ndóò ke naa vanaa cɔwva a vanaa ɲaanun o soa coo-a le naa mandaa nɛi-tɛɛn le yaamɔaa naa. Bau naa n cii nin masaa dimul maa ba Hala naa co vanaa tiindan ndu-a kpow coo. Kɛ o tuisinin kɔl ndɔ tuw bɛndoo vanaa kɛɛ ndu-a coo.

Ɛsdras 8:31

«O paale tɔ́ a lediinndɔlen coo, o paangii tasei nin, mí n faŋan o peo Ahava kɔngɔ le kɔlan Yerusalɛm. O telen naa n tosa nɛi-tɛɛn-ndo kpede bɛngu, ba Hala-o va naa coo, o va naa kandaa le yaamɔɔa a le vanaa del vannda coo-a.

Esai 66:14

La canin dɛnɔɔ ho, mì la naŋ kɔl taw. Yoomuan ma muungunin o paala niaalan nin, mì la yɔŋnun maa bil pɔmbɔ puiyaa. Ba kpaaya Mɛlɛka-o cɔmnunnin vanaa ndɔa baalaa, mì kɔltuw ndɔɔ tol yaamɔaa ndɔa coo.

Ɛsdras 7:28

Ndu Hala kon tosal-la vɛlɛ kɛndɛi ni, mí masaa, vanaa ndɔa silaa a vanaa bɛndua lelɛŋnda kpow a ca ya ɲia. Kani le tùú kpaaya Mɛlɛka-o, o co Hala nuu-o co ya coo-o, mí tiwba le simlacia Israɛlla mɔɔsiaa le heeloo latulu naa ndaa.»

Ɛsdras 8:18

Nduyɛ, mɛɛ ba Hala naa va naa coo yɛ, mí vanaa kan vim naa Serebia. Vana kendu kɔl taw o poaa Mahli-a tɛɛn-ndo Serebia kon va ni, po Levii-o a po imama Israɛllo Mahli kon va ni. Mí Serebia kon hun a poaa ndɔa a á puapilɛa ndɔa, a va n'van tɔ́ a vanaa ŋɔmaa.

Ɛsdras 8:32

Mɛɛ naa n tiiya Yerusalɛm, mí n pɛngi palɛi ndii yáá.

Condii lisai 80:18

Màá ba nɔmndo lo masa co icali nɔm o ba kɛndɔɔ coo-o coo, po vanaciee nɔm pila luei yoomuan-ndo pɛɛn!