Ɛsdras 7:8 - BII BILA

⁸ Mí Ɛsdras kɔa nda ndaa latulu Yerusalɛm o paangii ŋuɛɛnundɔɛi nin.

Ɛsdras 7:8 Referans Kwoze

Ɛsdras 7:7

O vɔsi ŋɔmmɛwndɔɔ nin o masale Artasɛrsɛs len bɛngu, mí Israɛlla pum, vanaa-solia-lasálàá, leviia, vanaa ɲɛ-caa, kpalilaa cumulaa ladioa a buɛyaa va vallo o Cɛi-Hala-o nin-nda kɔa Yerusalɛm.

Ɛsdras 7:9

Mó yam lɔ́ɔ́ le cɔnɔnndo Babilɔn o paale taselen coo o paangii tasei nin. Mó tiiya Yerusalɛm o paale taselen coo o paangii ŋuɛɛnundɔɛi nin, ba ikɛndɛ Hala ndɔɔ va ndu coo.

Ɛsdras 8:32

Mɛɛ naa n tiiya Yerusalɛm, mí n pɛngi palɛi ndii yáá.

Ɛsdras 9:9

Kani cɛa naa n co ni, kɛ o cɛle naale len nin, nɔm Hala, a mel naa le few. Má luei masaa Pɛrsea kɔl iɲííyo nin a naa, haliko ma ce naa ɲia. Má cɛl vɛlɛ naa le Cɛi biilaa nɔmndo mingio tangullo, o ndóò del nin-ndo pɛɛn, haliko mi n sɔla caltan Yerusalɛm a o tàndá Yuda-o nin.

Ɛsdras 10:9

Palɛi ndii yáá o kon kɔɔli, mí vanpiaandua fula o tàndá Yuda-o nin-nda a á fula o tàndá Bɛnyamɛn-ndo nin-nda cuungian Yerusalɛm. O paale bidiinndɔlen coo o paangii ŋɔmahiɔɔlundɔɛi nin, mí vannda kpow a kɔ sim o Cɛi-Hala-o sondoo. Má va ɲiiyaa le dɛnɛ kon a le piɔɔ va siaa-o.

Ɛstɛr 2:16

O vɔsi ŋɔmmɛwndɔɔ nin o masale Sɛrsɛs len bɛngu, o paangii tɔ́ndɔɛi nin, paangii Tebɛt-e pɛɛn, má kɔa a Ɛstɛr o cɛi lemasa ndu Sɛrsɛs-o nin.

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.