Ɛsdras 7:7 - BII BILA

⁷ O vɔsi ŋɔmmɛwndɔɔ nin o masale Artasɛrsɛs len bɛngu, mí Israɛlla pum, vanaa-solia-lasálàá, leviia, vanaa ɲɛ-caa, kpalilaa cumulaa ladioa a buɛyaa va vallo o Cɛi-Hala-o nin-nda kɔa Yerusalɛm.

Ɛsdras 7:7 Referans Kwoze

Nehemi 10:28

Maluk, Harim a Baana.

Nehemi 2:1

«O vɔsi bidiinndɔɔ nin o masale Artasɛrsɛs len bɛngu, o paangii Nisan nin, mɔiyan ma va makɛsiaa ndu masaa Artasɛrsɛs laci, mí cua mɔima man mí yɔngu ndu man. Kabi bɛɛ yáà fula vɔ ndu o hɔl a kɔltambɛiyo le.

Ɛsdras 7:24

N co niaa vɛlɛ dimul kpendekele maa n kuuna niaa le muloo, ɲɛm solian a sala hiavaa biyɔɔ vanaa-solia-lasálàá, leviia, vanaa ɲɛ-caa, kpalilaa cumulaa ladioa, buɛyaa Cɛi-Halaa a vanaa baalaa co o Cɛi-Hala-o nin-nda kpow o ba.

Ɛsdras 6:14

Mí vanaa kɔlkalua Yuifia hiaw laci a tangullo, mí vali kalaa biinun bila nda o ba, kani vana-tɛɛngaa-diom Hala-o Hasee nda Sakari po Ido-o a va sɔɛi o nda lo le nda yoomuan lueiyo o silalan nin. Má siow tangullo maa mɛɛ Hala Israɛlla ndóò dimul nda yɛ. Má tosa baalaa mɛɛ tɔŋ Siris-o, tɔŋ Darius-o a tɔŋ Artasɛrsɛs masa Pɛrsea va yɛ.

Ɛsdras 7:8

Mí Ɛsdras kɔa nda ndaa latulu Yerusalɛm o paangii ŋuɛɛnundɔɛi nin.

Nehemi 12:1

«Diola vanaa-solia-lasálàá a leviaa fula o cɛlen nin, má muungu latulu a Sorobabɛl po Sealtiɛl-lo nda Yosue-a la co lan ni: Seraya Yeremi, Ɛsdras,

Nehemi 1:1

Sɔɔn Nehemi po Hakalia-o-on co mun ni. «O vɔsi bidiinndɔɔ nin o paangii Kisleu nin, telen ya va o kobi lebollo Suse nin-ndo,