Ɛsdras 7:6 - BII BILA

⁶ Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Ɛsdras 7:6 Referans Kwoze

Ɛsdras 8:22

Kani o va nin ya o lasiɛmbu le masaa ɲunaa vɛlɛ mì ndóò ke naa vanaa cɔwva a vanaa ɲaanun o soa coo-a le naa mandaa nɛi-tɛɛn le yaamɔaa naa. Bau naa n cii nin masaa dimul maa ba Hala naa co vanaa tiindan ndu-a kpow coo. Kɛ o tuisinin kɔl ndɔ tuw bɛndoo vanaa kɛɛ ndu-a coo.

Ɛsdras 7:28

Ndu Hala kon tosal-la vɛlɛ kɛndɛi ni, mí masaa, vanaa ndɔa silaa a vanaa bɛndua lelɛŋnda kpow a ca ya ɲia. Kani le tùú kpaaya Mɛlɛka-o, o co Hala nuu-o co ya coo-o, mí tiwba le simlacia Israɛlla mɔɔsiaa le heeloo latulu naa ndaa.»

Ɛsdras 8:31

«O paale tɔ́ a lediinndɔlen coo, o paangii tasei nin, mí n faŋan o peo Ahava kɔngɔ le kɔlan Yerusalɛm. O telen naa n tosa nɛi-tɛɛn-ndo kpede bɛngu, ba Hala-o va naa coo, o va naa kandaa le yaamɔɔa a le vanaa del vannda coo-a.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Nehemi 2:18

Mí downun nda niko kona mɛɛ Hala nuu kanda ya yɛ, mí dimul nda vɛlɛ sɔɔn masaa dimul-la-on. Má muli o lepilɔɔ aa: ‹N cɔ̀nnun mì n tangulun.› O kon má lueinan yoomuan o diom nda yii-o coo.

Nehemi 2:8

mì sɛbɔɔ pilɛ sɛvan vɛlɛ le Asaf, vana mandaa bundɛ masaa, haliko mo ke ya yɔmnde le koŋnda kpaki co o Cɛi-Hala-o ikɛi kpɛɛlun-ndan toosiaa, le kpaki kobio a le cɛi ya vanin nin-ndo.› Mí masaa yɔngu ya sɛbɛla lan, kani Hala nuu va ya ikɛi.

Ɛsdras 8:18

Nduyɛ, mɛɛ ba Hala naa va naa coo yɛ, mí vanaa kan vim naa Serebia. Vana kendu kɔl taw o poaa Mahli-a tɛɛn-ndo Serebia kon va ni, po Levii-o a po imama Israɛllo Mahli kon va ni. Mí Serebia kon hun a poaa ndɔa a á puapilɛa ndɔa, a va n'van tɔ́ a vanaa ŋɔmaa.

Ɛsdras 7:21

Niaa vanaa mandaa bolofaa co o tàndá co o peo Efrate leeloo a ba paalen le del-lo-a, ya masaa Artasɛrsɛs, i yɔngu tɔŋndo ho: la yɔngu ɲɛ Ɛsdras vana-solia-lasálàá a vana sɛvaa tɔŋ Hala co o halataala-o ɲunanin niaa-o kpede.

Ɛsdras 7:9

Mó yam lɔ́ɔ́ le cɔnɔnndo Babilɔn o paale taselen coo o paangii tasei nin. Mó tiiya Yerusalɛm o paale taselen coo o paangii ŋuɛɛnundɔɛi nin, ba ikɛndɛ Hala ndɔɔ va ndu coo.

Talelan 3:6

Kindin le hɛnan Mɛlɛka-o sinaa o dɛnnda n co tosaa lan kpede nin, ndu siɛɛnduunin nɛila nɔmndan ni.

Tɔŋ miingua 28:1

«Te la yaŋ pɛ nilan ɲɛkɛndɛi o diom Mɛlɛka Hala niaa, te la bii pɛ tɔŋnda ya co niaa hau yɔngoo lan kpow mì la kela lecoo, Mɛlɛka Hala niaa siinguunin niaa vanaa bɛndua o vanaa-mangalaa-isɔaa co o lɛŋnden coo-a kpow tɛɛn.

Tɔŋ miingua 4:5

La sina maa i pɛɛku niaa tɔŋndan a silalan mɛɛ Mɛlɛka Hala nuu pila dimul-la le tosaa yɛ, haliko mi la bii lan, mì la kela lecoo o lɛŋnde niaa co luɛyɔɔ nin mì la loo len kɛ́ɔ len nin.

1Korɛntea 15:1

Puapilɛa nia, i co niaa Yoongu kɛndɛ ya tiiyal niaa-o yiyalan, o niaa cɛl mì la sim lecoo yili-o.

1Korɛntea 1:20

Kuɛɛ vana kɔlkaloo co yɛ? Kuɛɛ vana dɛnɛ sinaa co yɛ? Kuɛɛ vanaa caa kɔɔsɔ sondoo-a co yɛ o telenndo ho bɛngu? Vɛ̀ɛ̀ o co Hala le sííngùù dɛnɛ sinaa ceendo ho diɔmnde le?

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Esai 59:1

Ɛ-ɛ, Hala bumba vana ciindiaa le, nile ndɔlen bɛɛ le co lebaŋulɛi kpíŋ le kɛɔ tueyɔɔ le.

Esai 50:2

Lɔ́ɔ́ ya hin-ndo, le kɔlɔ yɛɛ vana ve nanu le? Tuma ya veelu-o, le yɛɛ nɛ vana cɛl te? Mò va maa o bingi ba nuu co, mì bumba niaa baŋa ni? Vɛ̀ɛ̀ i nɔ yoomuma bɔɔ le baŋaa le? Tofa vɔ, i kɔngɔlan pɛ, i veeliaa mɛmma ihɛllan, i veeliaa peelan kokolo, suwva vi le kolɔɔ iyeemaa, a sɛ le mɛmma lepɛŋndan.

Condii lisai 45:1

Condii poaa Kore-a, í fula o condun simlacinɔ vanaa n'condua nin-nde. Condii kaolai, ì vana soli a ɲɛ-caa iyoo-e.

Nehemi 12:36

a puapilɛa ndɔa, Semaya, Asareɛl, Milalai, Kilalai, Maai, Netaneɛl, Yuda, Hanani, nda va ɲɛm-caan David, vana baala Hala-o, ndóò cɔw-von cuaa ni. Ɛsdras, vana sɛvaa latɔŋndo va kunda kon bollen ni.

Nehemi 8:13

Diimandɔɔ, mí bolii lapangɛi Israɛlla kpow, vanaa-solia-lasálàá a leviia a cuungian o Ɛsdras vana sɛvaa latɔŋndo lo, le sɔɔn sɛvan o sɛbɛ tɔŋndo nin-ndon bilaa biyɔɔ ɲɛkɛndɛi.

Nehemi 4:15

Vannda táláá pilɔɔ kpow ndáà nɔ báltan o laba kandɔɔ a paale siaalen háá mi loeon fula icɔllo, lende naa n va baalaa ni.

Nehemi 2:12

O kon kɔɔli, mí can icɔllo a vanpiaandua pum kɔɔli, i dimul vana-vana ɲɛ Hala ndóò soo ya o kɔl le tosaa Yerusalɛm-ndo le. Cɔlu bana-bana celen ve ya o ba le, fɔ o ya pila yáà hel coo-o.

Ɛsdras 6:22

O kon kɔɔli, má tosa kafo bulu toosian a lɛvɛn too a kɔlkɛndɔɔ o palɛi ndii ŋɔmmɛw bɛngu. Kani mí Mɛlɛka nɛŋi nda kɔl, mó tosa mí masaa Asiri ca nda ɲia, mó luei nda yoomuan o vali tangulaa Cɛi-Hala Israɛlla nin.

Ɛsdras 5:5

Kɛ Hala ndaa va hɔlten kaasoŋaa kɔlkalua Yuifia coo, lelan a kuuna lɛ nda le hiovɔɔ laci a baalaa le, má lo cumndo háá mí Darius ndóò sɔla sɛbɔɔ a sɔɛi ken o kɔɔ, mí ndóò mingul nda mulio.

Yeremi 8:8

Le yɛɛ niaa co yɛ dimio aa: «Vanaa kɔlkalua naa n co ni, tɔŋ Mɛlɛka-o co naa o ba»? A toɲa, o kafalan coo daama vanaa sɛvaa latɔŋnda co ndu sɛvaa a kpɛkile lacòò len ni.

Nehemi 12:26

Nda kpow a va baalaa tosaa o telen Yoyakim po Yesua-o va masalen tosaa-o ni, Yoyakim po imama Yosadak-o pɛɛn. Telen Nehemi va masa ibungaa, mí Ɛsdras va vana-solia-lasálàá a vana sɛvaa latɔŋndo-o pɛɛn.»

Nehemi 8:9

Mɛɛ vannda tuei sɔɔn tɔŋndo dimi-on, mí nda kpow a del a caŋndo. Mí Nehemi masa ibungaa, Ɛsdras va vana-solia-lasálàá a vana sɛvaa latɔŋndo-o a leviaa va vannda pɛɛkulan yɔngoo-a dimul nda aa: «Paalen nden hau, paale diandaalen le co le Mɛlɛka Hala niaa ni. Lelan la va hau a hɔlaa yiyaa le, la caŋ te!»

Nehemi 8:4

Ɛsdras vana sɛvaa latɔŋndo va isisi o bàndóó coo, o ndáà baŋ le dɛnɛ kon-ndo. Matitia, Sema, Anaya, Uri, Hilkiya a Maseya a va isisi ndu o ba kɛndɔɔ coo, mí Pedaya, Mikaɛl, Makia, Hakum, Hasbadana, Sakari a Mesulam nda va isisi ndu o ba mɛllo coo.

O Kandɔɔ 32:28

Mí langbanɔ kon ɲuna ndu aa: «Vɛɛ n nɔ yɛ diolan?» Mí Yakɔb mulul ndu aa: «Diola nilan Yakɔb.»

Matie 23:2

«Vanaa pɛɛkaa latɔŋnda a Faliisia bɛnda ni mà tɛɛsiaa tɔŋnda Moise lan ni.

Nehemi 8:1

O kon mí vannda kpow cuungian o lepilɔɔ o fonda co o Dio-mamɛnndo hɔl-ndɔ-o. Má dimul Ɛsdras vana sɛvaa latɔŋndo le hunɔɔ a sɛbɛ tɔŋ Moise-o, tɔŋ Mɛlɛka hendul Israɛlla-o.

Ɛsdras 8:1

«Polama vanaa va bolii lapangɛi-ya ma yɔŋnun man ni, naa ndaa cɛn latulu Babilɔn o paale masaa Artasɛrsɛs len ni, mí n heelu Yerusalɛm:

Nehemi 9:13

Má can o halataala, má tɔal le sɔɛi o nda lo o pembei Sinai coo. Má tiiyal nda silala sɔvɛlan, pɛɛkula toɲaalan a tɔŋnda diandaalan.

Condii lisai 80:18

Màá ba nɔmndo lo masa co icali nɔm o ba kɛndɔɔ coo-o coo, po vanaciee nɔm pila luei yoomuan-ndo pɛɛn!

Condii lisai 109:27

Màá vannda ha sina maa nɔm co ya malaa nuaa ni! Màá nɔm Mɛlɛka tosa kon ni!

Condii lisai 147:19

Mɛlɛka cɔm Yakɔb sɔɔn ndɔn, o cɔm Israɛl tɔŋndan a silala ndɔlan.